logo

иқтисод

ИТТИФОҚИ ҲУНАРМАНДОН. МУАРРИФИИ МАҲСУЛОТИ КОСИБОН ДАР МИҚЁСИ ҶАҲОН ҲАДАФИ ОН АСТ

Ҳарчанд иттифоқи мазкур хеле ҷавон аст, аллакай маҳсулоти аъзои он дар бисёр давлатҳои дунё муштариёни худро пайдо намуда, дар озмунҳои байналмилалӣ аз ҷониби созмонҳо  бо аломати сифати баланд сарфароз гардиданд. Он соли 2012 дар доираи «Барномаи рушди соҳаи ҳунармандии Тоҷикистон дар асоси  савдои боадолат ва ҳамкории тиҷоратӣ» - и Иттиҳоди Аврупо ташкил ёфтааст. Ҳадафҳои асосии ташкилот мусоидат ба рушди фаъолияти корхонаҳо дар бахшҳои хизматрасонии маишӣ ва ҳунармандӣ, ёрӣ ба аъзои худ ва ҷалби косибон барои пайвастан ба иттифоқ ҷиҳати  тавлиди маҳсулоти ҳунарҳои дастӣ мебошанд. Гузарондани ярмаркаҳои маҳсулоти ҳунарҳои дастӣ, тренингҳои омӯзишӣ ҷиҳати беҳтар намудани кори ҳунармандон ва иштирок дар ҳамоишҳои байналмилалӣ самтҳои асосии фаъолияти иттифоқ ба шумор мераванд. Қабл аз таъсиси он бисёри ҳунармандони дастӣ бо вуҷуди доштани истеъдоду маҳорати баланд дар тавлиди моли дастии хеш ва фурӯши он ба мушкилӣ мувоҷеҳ буданд. То ба ҳол 100 шаҳрванди дорои касбу ҳунари гуногун дар ҷодаҳои кандакории чӯб, кулолгарӣ, дӯхтани гулдӯзӣ, қолинбофӣ, оҳангарию заргарӣ, сабадбофӣ, бофандагӣ, сохтани  асбобҳои мусиқӣ ва ғайра  аз тамоми минтақаҳои кишвар ба иттифоқи мазкур ҷалб карда шудаанд.  Онҳо бо истифода аз шароити фароҳамнамудаи ташкилоти номбурда маҳсули дасти хешро ба муштариён пешкаш месозанд ва ҳунармандони дигарро ба ин ҷода ҳавасманд менамоянд.
Гузашта аз ин, садорати иттифоқ барои  беҳтар ба роҳ мондани  истеҳсоли маҳсулоти ҳунарҳои дастӣ  ва ба намоишгоҳу бозорҳои сатҳи ҷаҳонӣ баровардани он ҳамвора талош мекунад. Аз замони таъсис то ба ҳол гурӯҳи косибон бо ташаббуси Иттифоқи ҳунармандон  чанд маротиба ба кишварҳои  дуру наздик, аз ҷумла ба Федератсияи Русия,  Олмон, Қирғизистон, Корея,  Италия сафар намуданд, дар намоишгоҳҳои гуногуни байналмилалӣ иштирок карда, баҳои баланд гирифтаанд.
- Ба маҳсулоти дастӣ  чи дар дохил ва чи дар хориҷи мамлакат талабот хеле зиёд аст. Чунки моли ҳунармандони дастӣ  аз ҷиҳати экологӣ тоза ва аз рӯи зебоию мустаҳкамӣ сифати олӣ доранд. Вале дар шароити иқтисоди бозорӣ фаъолият дар ин самт мушкил мебошад.  Аз ин рӯ,  ба хотири  боз ҳам баланд бардоштани самараи фаъолияти косибони   мамлакат ва тавсеаи ҳамкориҳо бо созмонҳои бонуфузи тиҷоративу иқтисодӣ,  иҷрои корҳои  зиёд дар пешанд.  Дар фаъолияти  ташкилоти мазкур ҳанӯз камбудиҳои  бисёр ба назар мерасанд. Пеш аз ҳама, асноди ҳуқуқӣ бояд мукаммал карда шаванд. Дар асоси санаду муқаррароти дуруст кори аъзои иттифоқ баҳри истеҳоли маҳсулоти босифат  беҳтар хоҳад шуд. Ҳамчунин, ҷалби косибон барои узвият ба иттифоқ  ҳоло суст роҳандозӣ гардидааст. Шаҳрвандон  оид ба ташкилоти мо маълумоти кофӣ надоранд. Ҳол он ки ҳунармандони моҳир  дар байни мардум бисёранд. Талош мекунем, ки минбаъд соҳибҳунаронро бештар ҷалб намоем, - гуфт Муфарраҳ  Муҳаббатов, раиси Иттифоқи ҳунармандони Тоҷикистон.
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 7.06.2016    №: 109    Мутолиа карданд: 575

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед