logo

иҷтимоиёт

ҲАРЧАНД ДАСТОВАРДҲО КАМ НЕСТАНД...

Бахшида ба 9 - умин солгарди қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» чанде пеш дар шаҳри Хуҷанд, ноҳияҳои Ҷаббор Расулов ва Бобоҷон Ғафурови вилояти Суғд семинари умумиҷумҳуриявӣ дар мавзӯи “Дастовардҳои Ҷумҳурии Тоҷикистон дар даврони Истиқлолияти давлатӣ” доир гардид.

Чорабинӣ дар  Қасри Арбоб бо сухани ифтитоҳии муовини якуми раиси вилояти Суғд Р. Раҳматзода оғоз гардид.  Мушовири Бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа М. Бобошоҳзода роҷеъ ба сиёсати имрӯза дар соҳаи дин, танзими анъана ва ҷашну маросимҳо ибрози андеша намуд. Қайд гардид, ки дар ҳаёти ҷомеаи мо дар давраи 25 соли истиқлолият як қатор муваффақиятҳо ба даст омаданд. Ин пеш аз ҳама аз сиёсати дурандешона ва хирадмандонаи Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон далолат мекунад. Таъкид гардид, ки қабул ва амали Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ба беҳдошти шароити зиндагии мардум, ободии манзил, вусъати сохтмони манзилҳои истиқоматӣ ва афзоиши муомилоти бонкии шаҳрвандон таъсири мусбат расонд.  
Раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон С. Давлатзода доир ба нақши истиқлолият дар сарнавишти мардуми Тоҷикистон, ваҳдати миллӣ ҳамчун омили муттаҳидсозанда, татбиқи қонунҳои Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва «Дар бораи озодии виҷдон ва иттиҳодияҳои динӣ» ибрози ақида намуд. Аз ҷумла қайд шуд, ки бо саъю кӯшиш ва талошҳои пайгиронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мамлакат фазои софу беғубори гуногунандешӣ ва таҳаммулпазирӣ, озодии виҷдон ва эътиқод ҳукмфармо гашта, шаҳрвандони ҷумҳурӣ ниёзҳои эътиқодии худро озодона ва ихтиёрӣ амалӣ мегардонанд. Вобаста ба амалисозии Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» изҳор намуд, ки афзоиши бақайдгирии ақди никоҳ то ду маротиба, баргузории тӯйҳои хайриявии беш аз 86 ҳазор нафар оилаи тоҷикистонӣ, то се маротиба кам шудани хароҷоти маъракаҳо, пешгирии забҳи теъдоди зиёди чорво,  афзоиши пасандозҳои аҳолӣ дар бонкҳо ва аз байн рафтани ҳолати қарзгирӣ ба хотири баргузории маърака ва амсоли он дастовардҳои даврони истиқлолият маҳсуб меёбанд. Тазаккур дода шуд, ки дар баробари кормандони соҳа, ходимони дин низ бояд дар амалисозии қонун, махсусан вобаста ба маросимҳои азодорӣ худро дар канор нагиранд.
Таъкид гардид, ки дастовардҳо назаррас ҳам бошанд, камбудиҳои ҷиддӣ ҳанӯз ҳам дар амалӣ намудани муқаррароти қонун ба назар мерасанд. Таҳлилҳо нишон дода истодаанд, ки теъдоди зиёди қонуншиканиҳо дар баргузории маъракаҳои азодорӣ ба мушоҳида мерасанд. Пешниҳод гардид, ки маросимҳои азодорӣ бо дуою фотеҳа бе додани таом баргузор карда шаванд, чунки дар ин ҳолат маърака ифодагари муҳтавои худ - изҳори тасаллият мегардад.
  Дар доираи чорабинӣ  хатнасури 50 нафар оилаҳои ниёзманди шаҳру ноҳияҳои вилояти Суғд дар чойхонаи Қасри Арбоби ноҳияи Бобоҷон Ғафуров ба тариқи хайриявӣ баргузор шуд.
  А. МИРЗОЗОДА,
муовини раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати
ҷумҳурӣ 


Баёни ақида (0)    Санаи нашр: 7.06.2016    №: 109    Мутолиа карданд: 402

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед