logo

иҷтимоиёт

МУСОБИҚАИ ҶУМҲУРИЯВӢ: ҚӮРҒОНТЕППА ЗЕБО МЕШАВАД

Марҳалаи аввали Мусобиқаи ҷумҳуриявӣ бахшида ба 25 - солагии Истиқлолияти давлатии Ҷумҳурии Тоҷикистон, ки мақсади асосии он баланд бардоштани ҳисси хештаншиносӣ, ватандӯстӣ, ободкорӣ, зебоипарастӣ, эҳтиром ба арзишҳои миллӣ, фарҳанг, илму маориф, тандурустӣ, муҳити зист ва ифтихор аз анъанаҳои миллӣ мебошад, дар шаҳри Қӯрғонтеппа ҷамъбаст гардид.

Бино ба иттилои Искандар Абдуллоев, муовини якуми раиси шаҳри Қӯрғонтеппа, раиси комиссияи мусобиқаи шаҳрӣ, барои муайян намудани маҳалла ва кӯчаи беҳтарин, хона ва оилаи намунавӣ кулли кумитаҳои маҳаллаҳо сафарбар гардида, бо дархостварақа таъмин гардида буданд. “Дар натиҷа, ба комиссияи шаҳрӣ аз ҷониби чор гурӯҳи корӣ дархосту аксҳо, маълумоти оморию ҷадвалҳисобот ва дигар маълумоти зарурӣ ба  30 маҳалла, 56 кӯча, 157 хона, 146 оила ва 27 муассиса пешниҳод карда шуд. Аъзои комиссия пас аз омӯхтани маводу маълумоти хеле зиёд, ниҳоят зимни як ҷамъомади ҷамъбастии корӣ беҳтаринҳоро муайян намуд”, - афзуд мавсуф.
Гуфта шуд, ки зимни натиҷагирӣ аз ҷониби гурӯҳи корӣ масоили идоракунии хонаҳои истиқоматӣ, таъмини назорати ҷамъиятии ҷараёни ҷашну маросимҳо, амалигардонии тадбирҳои нигоҳдорӣ, ободонӣ, хизматрасониҳои дахлдори давлатӣ, санитарӣ - гигиенӣ, ба роҳ мондани ҳамкории судманд бо соҳаҳои фарҳанг, тандурустӣ, маориф, меҳнат ва ҳифзи иҷтимоии аҳолӣ, занон, ҷавонон, пешгирии бемориҳои сироятӣ, риояи тартиботи ҷамъиятӣ ба назар гирифта шуд.
Бо назардошти ин ҷанбаҳо дар номинатсияи “Маҳаллаи беҳтарин” маҳаллаи “Сарчашма” ҷойи якум (шаҳодатнома, вимпел, 2000 сомонӣ ва диплом), “Хатлон” ҷойи дуюм (диплом) ва “Ургутмаҳалла” ҷойи сеюмро (диплом) гирифтанд. Дар номинатсияи “Кӯчаи беҳтарин” кӯчаи Ваҳдат ҷойи аввал (шаҳодатнома, вимпел, 1000 сомонӣ ва диплом), Хатлон ҷойи дувум (диплом) ва Садриддин Айнӣ ҷойи сеюмро (диплом) ишғол карданд.
Хонаи намунавӣ манзилҳои истиқоматии Ҳайдаралӣ Шерхонов (ҷойи якум - 2000 сомонӣ, диплом), Акбар Шаймонов (ҷойи дуюм - диплом) ва Мансур Рӯзиев (диплом) эътироф гардиданд. Оилаи намунавӣ оилаҳои Алоуддин Абдуллоев (ҷойи якум - 2000 сомонӣ, диплом), Сафар Ҷалилов (диплом) ва Раҳмиҷон Ҳамдамов (диплом) дониста шуданд. Аз рӯи номинатсияи “Муассиса ё идораи беҳтарин” пирӯзӣ насиби мактаби санъати бачагонаи шаҳри Қӯрғонтеппа (ҷойи якум - 1000 сомонӣ), корхонаи фаръии давлатии «Хоҷагии коммуналӣ» - и шаҳри Қӯрғонтеппа (ҷойи якум - 1000 сомонӣ), ҶДММ «Фаровон» (ҷойи дуюм - диплом) ва ҶДММ «Коргоҳи дӯзандагӣ» (ҷойи сеюм - диплом) гардид.
Мукофотҳоро раиси шаҳри Қӯрғонтеппа Амируллои Асадулло дар вазъияти тантанавӣ ба ғолибон супурд. Ӯ ба ғолибони мусобиқаи ҷумҳуриявӣ арси сипос намуда, иброз дошт, ки ба шарофати ин чорабинии сатҳи баланд маркази маъмурии вилоят беш аз пеш ободу зебо, тозаю озода ва тамошобоб гардид. Зимнан, таъкид кард, ки дар самти ободсозии Ватани маҳбуб, новобаста аз мусобиқаю озмунҳо, ҳамеша бояд бо чунин шавқу шӯр ва дили гарму меҳри бепоён заҳмат кашид.

Зокир ҲАСАН,  “Ҷумҳурият”


Баёни ақида (0)    Санаи нашр: 7.06.2016    №: 109    Мутолиа карданд: 481

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд


Дар сомонаҳои дигари Тоҷикистон хонед