logo

ҳуқуқ

ШУМОРАИ АВТОМОБИЛҲО ЗИЁД ШУДАНД, МУШКИЛОТ ЧӢ?

Соли 2015 ба Ҷумҳурии Тоҷикистон 17 752 адад воситаи нақлиёт ворид шудааст, ки, албатта, дар бехатарии ҳаракат дар роҳ бетаъсир нест. Вобаста ба ин, дар радифи корхонаву муассисаҳои давлатӣ, ҷамъияту ширкатҳои хусусии нақлиёти мусофирбар ба фаъолият пардохтанд. Аз ҷумла, наздик ба се сол аст, ки системаи худкори «Шаҳри бехатар» дар пойтахти кишвар амал намуда, насби камераҳои назоратӣ дар минтақаҳои дигари Тоҷикистон идома дорад. Бо вуҷуди ин ҳама ибтикороти давлату Ҳукумат ва иқдому чорабиниҳои Раёсати Бозрасии давлатии автомабилии Вазорати корҳои дохилии Ҷумҳурии Тоҷикистон масъалаҳои муҳими дигаре низ ҳастанд, ки ҳалли саривақтии онҳо ногузир аст.
- Дар семоҳаи аввали соли равон 284 ҳодисаи вайроншавии қоидаҳои ҳаракат дар роҳ ба қайд гирифта шуда, дар натиҷаи он 102 нафар ба ҳалокат расидааст. Шумораи ҳалокшудагон нисбат ба ҳамин давраи соли гузашта 12 нафар зиёд аст, ки сабабҳои асосии он аз меъёри муқаррарӣ баланд намудани суръати ҳаракати воситаҳои нақлиёт, риоя накардани қоидаи сабқат, манёвр, тартиби нодурусти гузаштан аз чорроҳаҳо, бетаваҷҷуҳии шаҳрвандон ба низоми ҳаракат дар роҳ ва дар баъзе ҳолатҳо ғайриқаноатбахш будани ҳолати роҳҳо мебошанд, - изҳор дошт сардори Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон генерал-майори милитсия Маҳмадсаид  Саидзода.
Шаҳрвандон шикоят мекунанд, ки ҳар саҳар дар шоҳроҳҳои асосӣ танбашавии воситаҳои нақлиёт барои ба ҷойи кор сари вақт ҳозир шуданашон монеа эҷод мекунад. Рӯзҳои истироҳат гирду атрофи биноҳои истиқоматӣ ва назди марказҳои савдову бозорҳо пур аз мошин шуда, ба ҳаракати дигар воситаҳои нақлиёт халал мерасонанд. Баъзан асабоният, саросемагӣ, хархаша, нофаҳмиҳо ва ниҳоят садамаҳо аз ин ҷо низ маншаъ мегиранд. Ин вазъи мавҷударо сардори Раёсати Бозрасии давлатии автомобилии ҷумҳурӣ чунин шарҳ дод: “Тавре, ки назорати ҳамарӯза дар роҳ нишон медиҳад, дар се ҳолат, яъне, пагоҳирӯзӣ, нисфирӯзӣ ва шом теъдоди воситаҳои нақлиёт дар чорроҳаҳо зиёд гардида, ба танбашавӣ оварда мерасонад. Бинобар ин, дар чунин вазъияти мушкил масъулони Бозрасии давлатии автомобилӣ дар ин минтақаҳо таъҷилан ҳозир шуда, баҳри ба танзим даровардани ҳаракати нақлиёт сафарбар мешаванд. Бо назардошти зиёдшавии теъдоди автомобилҳо дар ҷумҳурӣ, махсусан дар шаҳри Душанбе, васеъ ва навсозии роҳҳо ҷараён дорад”.
Яке аз масъалаҳои доғи рӯз бе ҳуҷҷати ронандагӣ паси чанбараки воситаи нақлиёт  нишастани ноболиғон аст. Ин масъала аз ҷониби масъулони раёсат борҳо баррасӣ гаштаву тариқи телевизион барномаҳои вижае таҳия шуда бошанд ҳам, то ҳанӯз худсарона идора кардани воситаҳои нақлиёт ва баъзан аз беэътиноии падару модарон нисбат ба фарзандонашон мушоҳида мешавад. Ин аст, ки соли гузашта аз тарафи ноболиғон 17 садамаи нақлиётӣ содир шудааст.
- Нисбат ба ноболиғоне, ки воситаи нақлиётро бе шаҳодатномаи ронандагӣ идора кардаанд, дар асоси қисми 1 моддаи 336-и Кодекси ҳуқуқвайронкунии маъмурии Ҷумҳурии Тоҷикистон парвандаҳои маъмурӣ барои татбиқи чораҳои таъсиррасонӣ ба Комиссияи ҳифзи ҳуқуқи кӯдак фиристонда шуданд. Ҳамчунин, нисбат ба соҳиби воситаи нақлиёт барои ба шахси ҳуқуқи ронандагӣ надошта вогузор кардани автомобил тибқи талаботи қисми 2-и ҳамин модда протоколи маъмурӣ тартиб дода шуда, чораи ҷазо  андешида мешавад,- афзуд Маҳмадсаид Саидзода.
Бо мошин ба мактаб омадани донишҷӯён ва ҳангоми ҳаракат суҳбати телефонӣ кардани онҳо низ масъалаи муҳим маҳсуб меёбад. Аз оғози соли ҷорӣ то имрӯз аз тарафи кормандони раёсат 7203 далели бо телефон суҳбат кардан ҳини рондани автомобил ва 216 ҳолати бо мошин ба донишгоҳу донишкадаҳо ҳозир шудани донишҷӯён сабт гардида, чораҳои зарурӣ дида шудаанд.
Дар семоҳаи аввали соли 2016 аз ҳисоби ҷаримаҳо ба буҷети давлат 7 миллиону 504  ҳазору 778 сомонӣ ворид шудааст. Вобаста ба вазъи содиршавии садамаҳои нақлиётӣ таҳлилҳои ҳамаҷониба гузаронда шуда, баҳри пешгириву коҳиш додани садамаҳо ва баланд бардоштани интизом дар байни иштирокчиёни ҳаракат дар роҳ, аз ҷониби масъулони БДА нақшаи чорабиниҳои иловагӣ таҳия гардидааст.

Бузургмеҳри БАҲОДУР,
«Ҷумҳурият» 


Баёни ақида (0)    Санаи нашр: 8.06.2016    №: 110    Мутолиа карданд: 499

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр

БОКС. Иштироки варзишгарони тоҷик дар Чемпионати Осиё

12.04.2019


Бо иштироки Сарвазири мамлакат дар шаҳри Кӯлоб як қатор иншоот ба истифода дода шуд

Ҷаласаи Шӯрои ҳамоҳангсозони миллии давлатҳои аъзои СҲШ

Форуми байналмилалии рушди сармояи инсонӣ доир мегардад

ЧЕМПИОНАТИ ОСИЁ – 2019 ОИД БА ФУТЗАЛ. Рақибони Тоҷикистон муайян гаштанд

"Кашшофи падидаҳои наврас"

НОҲИЯИ РӮДАКӢ . Сафи соҳибкорони ватандӯст меафзояд

НУРОБОД . Эҳтиром ба шахсиятҳои таърихӣ

Ҷаҳон дар як сатр

11.04.2019


"Тоҷикон" ба забони ӯзбекӣ нашр шуд


Дар сомонаҳои дигари Тоҷикистон хонед