logo

иҷтимоиёт

КАМОНГАРОН. МУШКИЛИҲО БАРТАРАФ МЕШАВАНД

Кормандони рӯзнома барои аз наздик шинос шудан бо рафти корҳои ободонию созандагӣ аз маҳаллаи Камонгарони ноҳияи Синои пойтахт дидан карданд. Маҳаллаи мазкур 215 ҳавлӣ ва 1075 нафар истиқоматкунанда дорад. Се кӯчаи он - Камонгарони боло, Нурулло Ҳувайдуллоев ва Ғаффор Мирзо дар масофаи на он қадар дур аз ҳамдигар ҷойгиранд. Кӯчаи Нурулло Ҳувайдуллоев калонтарин кӯчаи маҳалла ба ҳисоб рафта, инфрасохтори зарурии он нисбат ба дигар кӯчаҳои маҳалла беҳтар аст. Масалан, нуқтаҳои хизматрасонӣ, ба монанди мағозаи хӯрокворӣ, сартарошхона, мағозаи фурӯши қисмҳои эҳтиётӣ ва сехҳои дӯзандагӣ, ҳамчунин қомат афрохтани омӯзишгоҳи беморхонаи маъюбон бо гулгашту роҳравҳои хушзеби атрофи он нуфузу эътибори маҳалларо баланд бардоштааст. Дар кӯчаи Ғаффор Мирзо низ муассисаҳои зиёди давлативу ғайридавлатӣ, боғчаи бачагонаи «Ахтарон», коргоҳи таъмир ва нуқтаи шустушӯйи мошинҳо ва амсоли инҳо дар хидмати сокинони маҳаллаанд. Маҳз бо рушди инфрасохтори маҳаллӣ дар ҳар ду кӯча сифати роҳҳои мошингард ва баъзе аз роҳҳои байни хонаҳо беҳтар гардидаанд.
Аммо дар кӯчаи Камонгарони боло ҳанӯз беҳбудӣ ба назар намерасад. Ҳавлиҳои истиқоматии ба ҳам хеле наздик сохташуда (бо назардошти худсарона панҷара ва девор гирифтани атрофи ҳавлӣ) байни хонаҳо тангкӯчаро мемонад, ки барои рафтуои бароҳати  сокинони маҳалла ва бунёди майдончаи варзишӣ монеъ мешавад. Баъзе аз роҳҳои байни хонаҳо ва соруҷи (семент) шикастаи роҳравҳои наздиҳавлигӣ (баъзе аз роҳҳо умуман таъмирнадида) симои маҳалларо коста мегардонад.
Ҳанӯз ҳам сокинони маҳалла моҳияти тартиботи қонунгузории шаҳрдориро оид ба нигоҳдорӣ ва идораи инфрасохтори истифодаи умум –  қитъаи замини наздиҳавлигӣ, даромадгоҳ, таъмири лӯлаи обгузари дохили бино ва амсоли инҳо, ки ба уҳдаи соҳибмулкон вогузор шудааст, дуруст дарк накардаанд ва интизори хизматрасонии босифати коммуналии корхонаву муассисаҳои дахлдоранд.
Албатта, кор бе камбудӣ намешавад. Барои бартараф намудани мушкилиҳо  сокинони маҳалла тариқи дархост ба мақомоти дахлдор муроҷиат мекунанд.  Ин аст, ки мақомоти иҷроияи маҳаллии ҳокимияти давлатии ноҳияи Сино аз рӯйи муроҷиати сокинони маҳалла барои насби трансформаторҳои нави барқӣ мусоидат кардааст. Феълан мушкилоти асосии ҳар се кӯча набудани нуқтаи пайвастшавии лӯлаи корези фозилоб ба шоҳқубури асосӣ мебошад», - мегӯяд  Саноат Соҳибова, раиси маҳалла. Мушоҳидаҳо нишон дод, ки воқеан ҳам сокинони маҳалла ба нуқтаи пайвастшавии лӯлаи обгузар, ки барои фаъолияти хоҷагидории ҳар сокини пойтахт ниҳоят зарур аст, ниёз доранд.
Гулмаст Салимова, истиқо-маткунандаи кӯчаи Камонгарони болои маҳаллаи Камонгарон, шикоят кард, ки дар давоми чанд соли охир аз сабаби набудани лӯлаи корезӣ пасмондаи якчанд сокинони маҳалла ба ҷӯйбори назди хонаҳои истиқоматии шаҳраки рақами 12 рехта, боиси нигаронии аҳолии он гаштааст. Аз ифлосии оби ғализ бемориҳои сирояткунанда ба кӯдакон бештар таҳдид мекунад. Бояд гуфт, ки дар кӯчаи Ғаффор Мирзо низ мавҷуд набудани лӯлаи оби ғализгузар камбудии асосӣ мебошад. Ба гуфтаи сокинони кӯча, соли 2012 бо дастгирии мақомоти иҷроияи маҳаллии ҳокимияти давлатии ноҳияи Сино ва шӯрои маҳалла, бо ҷамъоварии маблағи муайян аз ҷониби сокинон як қисми аҳолӣ бо нуқтаи пайвастшавии лӯлаи корезӣ таъмин гардиданд. Сабаби ноҳамвор будани роҳ фишори зарурии обро барои бемонеа бурдани оби ғализи аҳолӣ маҳдуд сохт ва боқимонда аҳолиро аз насби лӯла маҳрум кард, ки боиси баҳсу мунозираҳо байни  сокинон гаштааст. Алъон 10 хоҷагии ин кӯча ба лӯлаи корезӣ ниёз дорад. Аз сабаби надоштани иҷозатнома барои гузарондани лӯлаи корезӣ 13 хоҷагии кӯчаи Нурулло Ҳувайдуллоеви маҳаллаи Камонгарон низ бе насби лӯла монданд. Бо мақсади баррасии ин ва дигар масоили ҳалталаб кормандони рӯзнома, раиси маҳалла ва намояндаи мардумӣ бо сокинони маҳалла ҷамъомад доир намуданд.
Ойимбибӣ Ҷумъаева, вакили Маҷлиси вакилони халқи ноҳияи Сино, иқдоми пешгирифтаи Ҳукумати мамлакат ва қабули қарорҳои дахлдори мақомоти иҷроияи маҳаллии ҳокимияти давлатӣ дар шаҳри Душанберо оид ба назорат ва шиносоии бевоситаи вакилон аз маҳаллаҳои  ба онҳо вобасташуда бамаврид ва саривақтӣ арзёбӣ намуд. Ба гуфтаи ӯ, танҳо баъди суҳбат бо сокинони маҳалла аз мушкилии асосии онҳо огоҳӣ пайдо кардем. Қаблан дар ҷаласаҳои ҳисоботӣ раисони маҳалла аз мушкилӣ дар самтҳои гуногуни инфрасохтори маҳаллӣ сухан намегуфтанд. Алъон дар кӯчаи Камонгарони боло раванди насби нуқтаи пайвастшавии лӯлаи корезӣ барои 8 хоҷагӣ идома дорад. Масъулони вобасташуда ба чунин хулоса омаданд, ки масъалаи насби лӯлаи корезӣ барои  хоҷагиҳои маҳаллаи Камонгарон  проблемаи асосӣ маҳсуб меёбад ва он дар ду кӯчаи дигари маҳалла низ ҳалли саривақтии худро тақозо дорад. 
О. ВАФОБЕКЗОДА,
С. АЛИМОВА,
«Ҷумҳурият»


Баёни ақида (0)    Санаи нашр: 8.06.2016    №: 110    Мутолиа карданд: 515

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед