logo

иҷтимоиёт

ГАР ШИНОВАР НЕСТӢ…

Бо  расидани фасли тобистон бинобар сабаби риоя нагардидани қоидаҳои бехатарӣ аз ҷониби ҷавонону наврасон ҳангоми оббозӣ дар дарёҳо, ҳавзҳо ва кӯлу обанборҳо, мутаассифона шумораи ҳодисаҳои нохуш афзудааст.

Аз рӯйи маълумоти Кумитаи ҳолатҳои фавқулода ва мудофиаи граждании кишвар, 18 май сокини деҳаи Хоҷа Шақиқи Балхии Ҷамоати деҳоти Себистони ноҳияи Данғара Раҳматулло Қурбонови 20 - сола ҳини моҳидорӣ дар Баҳри Норак  ғарқ шуд.  Ҳини моҳидорӣ чанги шасти ин ҷавон дар қаъри об банд мондааст ва хостааст, ки онро кушояд, аммо бинобар надонистани қоидаҳои шиноварӣ ғарқ шудааст. Ғаввосҳо баъд аз ду рӯзи ҷустуҷӯ ҷасади Раҳматуллоро аз чуқурии 4 метри зери об берун оварданд.
Ёдовар мешавем, ки ин аввалин ҳодисаи ғарқшавӣ дар Баҳри Норак набуда, ҳар сол оби дар назари аввал ороми ин баҳр чанд нафарро ба коми худ фурӯ мебарад. Дар бештари ҳолат сабаби ғарқшавиро сокинон ба набудани ҳавзҳои шиноварӣ ва ҷойҳои махсуси оббозӣ марбут медонанд.
 Бино ба иттилои Музаффар Ҳукуматуллоев, мудири бахши варзиш ва сайёҳии раёсати ҷавонон, варзиш ва сайёҳии вилояти Хатлон, дар тамоми шаҳру навоҳии вилоят ҳамагӣ 16 ҳавзи шиноварӣ фаъолият мекунад. Мавриди зикр аст, ки  Хатлон калонтарин вилояти ҷумҳурӣ буда, 25 шаҳру ноҳия дорад. Шумораи танҳо ҷавонони вилоят бештар аз 1 миллион нафарро ташкил медиҳад.
Инчунин нарасидани мураббиҳои варзида барои омӯзондани шиноварӣ ба наврасону ҷавонони вилоят мушкили ҳалталаби рӯз аст, зеро наврасон аксаран аз ҳисоби надонистани нозукиҳои шиноварӣ ғарқ мешаванд.
Баъд аз дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Кӯлоб як ҳавзи болопӯши шиноварӣ сохта ба истифода дода шуд, ки ҳоло ягона ҳавзи ҷавобгӯ ба талаботи байналмилалӣ дар вилоят мебошад. Мутаассифона, ҳавзҳои аксар ноҳияҳо бинобар ниёз ба таъмир доштан аз истифода берун мондаанд. Дар шаҳри  Қӯрғонтеппа 2 ҳавзи шиноварӣ амал мекунад, ки ҳарду ҳам мавсимианд. Дар баъзеи ноҳияҳои дигари вилоят шояд аз сабаби набудани имконияти молиявӣ ягон ҳавзи шиноварӣ бунёд нагардидааст.
Комилҷон Хидиров, сухангӯйи Ситоди  ҳолатҳои фавқулодаи вилояти Хатлон, гуфт, ки дар 25 шаҳру ноҳияи вилоят ҳамагӣ 3 ғаввос хизмат мерасонад.
Бино ба иттилои Ориф Нозимов, котиби матбуотии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, соли 2015  дар миқёси кишвар 183 нафар ҳангоми шиноварӣ ғарқ шудаанд. Аз ин шумор 40 нафар ноболиғи то 10 – сола мебошанд.
Дар вилояти Хатлон, ки минтақаи гармтарини Тоҷикистон аст, соли 2015 - ум 36 нафар ғарқ шудааст, ки нисбат ба соли 2014 ин шумора 8 нафар зиёд аст.
- Бештари ҳолатҳои ғарқшавӣ аз ҳисоби риоя накардани қоидаҳои шиноварӣ, беназоратии волидон ва набудани ҳавзҳои шиноварӣ дар марказҳои шаҳру навоҳӣ сар мезанад, - гуфт Ориф Нозимов.
Масъулони вилояти Хатлон бояд ҷиҳати ташкили ҳавзҳои шиноварӣ чораҳои фаврӣ андешанд. Зеро чунин ҳолат метавонад шумораи ғарқшудагонро афзун намояд.
Кумитаи ҳолатҳои фавқулода ва мудофиаи граждании Ҷумҳурии Тоҷикистон ҳушдор медиҳад, ки бо расидани фасли тобистон, шаҳрвандон ҳини шиноварӣ дар кӯлу дарёҳо ба қоидаҳои шиноварӣ риоя намоянд. Падару модарон фарзандонро дар ин фасл аз ҳарвақта бештар зери назорати қатъӣ гиранд. Дар истироҳатгоҳҳои кӯдакона, ки мактаббачагон вақти таътил ба фароғати тобистона фаро гирифта мешаванд, аз ҷониби масъулон назорати ҷиддиро ба роҳ мондан зарур аст.
Лашкар ШАРИФ, «Ҷумҳурият»


Баёни ақида (0)    Санаи нашр: 9.06.2016    №: 111    Мутолиа карданд: 501

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед