logo

иқтисод

ҶС «НАФИСА»

ИҚТИДОРҲОИ ИСТЕҲСОЛИИ ИН КОРХОНАИ ТАВОНО БОСАМАР ИСТИФОДА НАМЕШАВАНД, ЧАРО?

Ҷӯроб, хоса пахтагӣ, моли бозоргиру серталабот буда, дар ҳама фасли сол харидори худро меёбад. Аммо, сарфи назар аз он ки Тоҷикистон кишвари пахтаи аълосифат аст, бархе  аз тоҷирони мо  солҳост, ки  бозорро бо  ҷӯробҳои  хориҷӣ, ки аксаран аз нахи сунъӣ (синтетика) истеҳсол мешаванд, пур кардаанд. Чаро иқтидорҳои бузурги истеҳсоли ҷӯроб дар кишвар  самаранок истифода намешаванд? Барои чӣ дар бозорҳо ҷӯробҳои  истеҳсолгарони ватанӣ   кам  ба чашм мерасанд? Магар Тоҷикистон метавонад, ки талаботи бозори дохилиро бо ҷӯробҳои хушсифати пахтагӣ пурра таъмин намояд? Дар робита ба ҳамин мавзӯъ Абдулло Муҳаммадиев, директори  тиҷоратии ҷамъияти саҳомии «Нафиса», андешаҳояшро ба хабарнигори «Ҷумҳурият» чунин гуфт:
- Ҷӯроби ҷамъияти саҳомии «Нафиса», ки аз нахи тозаи пахтагин истеҳсол мегардад, муштариёни зиёд дорад. Ҳоло корхона 20 намуди  (артикули) ҷӯроби пахтагини  хушсифату аз ҷиҳати экологӣ тозаи мардона, занона ва кӯдакона  истеҳсол мекунад.  Соли 2015  барои муштариёнаш  дар  кишвар    755 ҳазор ҷуфт ҷӯроб истеҳсол намуд.  Дар чор моҳи соли ҷорӣ бошад,  истеҳсоли ҷӯроб дар корхона ба  326 ҳазор ҷуфт расид, ки назар ба ҳамин давраи соли гузашта зиёд аст. Бо вуҷуди ин, айни ҳол корхона ҳамагӣ 2 – 3 дарсади иқтидори истеҳсолии худро истифода мебарад ва рӯшан аст, ки талаботи афзояндаи сокинони кишварро ба ҷӯробҳои босифату арзон  қонеъ карда наметавонад. Дар замони шӯравӣ «Нафиса»   соле то 60 – 64 миллион ҷуфт ҷӯроб истеҳсол мекард. Хосияти фарқкунандаи моли ватанӣ  аз моли воридотӣ  он аст, ки пурра пахтагӣ ва  ҳавогузар буда,  пойҳо андаруни онҳо арақ намекунанд. Ҷӯробҳои корхона аз риштаҳои пахтагини аълосифат истеҳсол шуда, ба  талаботи бозори ҷаҳонӣ  ҷавобгӯ  мебошанд. Ҳамчунин, моли худӣ бо назардошти иқлими гарми Тоҷикистон аз нахи тозаи пахта   истеҳсол шуда, дар баробари ин,  нисбат ба ҷӯробҳои воридотӣ 10 – 15 дарсад арзонтар аст. 
Кам шудани истеҳсолот назар ба талабот боиси он гардидааст, ки дар бозорҳои  ҷумҳурӣ, аз ҷумла «Корвон», мардум ҷӯробҳои  истеҳсоли  хориҷиро сарфи назар аз сифати паст ва нархи гаронашон, мехаранд.

 - Пас,  барои баланд бардоштани иқтидори истеҳсолии корхонаи «Нафиса»  чӣ мушкилиҳо  садди роҳ  гардидаанд?
- Аввалан, мо барои васеъ намудани истеҳсолот ба қарзҳои бонкӣ эҳтиёҷ дорем. Бонкҳои тиҷоратии мамлакати мо  барои истеҳсолот, пурра намудани фондҳои гардишӣ, ҷиҳозондани  корхона бо техника ва технологияҳои нав ҳанӯз ҳам қарзҳои дарозмуддати имтиёзнок пешниҳод намекунанд.  Қарзҳои пешниҳодшаванда кӯтоҳмуддат  буда,  фоизҳои солонаашон гарон аст, яъне 26 – 36 дарсади солонаро  ташкил медиҳад.  Дар бозорҳо  имкон додан ба фурӯши моли воридотӣ, ки то андозае мавқеи фурӯши моли ватаниро танг  сохтааст, омили дигар аст. Агар  ин мушкилиҳо ҳалли худро аз ҷониби масъулон пайдо намоянд,  имкони пешравии истеҳсолоти корхонаҳои ватанӣ меафзояд, аз ҷумла  масъулони  «Нафиса» метавонанд тадриҷан ба зиёд намудани ҳаҷм ва номгӯи  истеҳсоли  ҷӯробҳои ватанӣ ноил гарданд. 
Иронбӣ МӮСОЗОДА,
«Ҷумҳурият»


Баёни ақида (0)    Санаи нашр: 9.06.2016    №: 111    Мутолиа карданд: 487

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед