logo

иқтисод

ФОИЗИ БАЛАНДИ ҚАРЗ. БА АНДЕШАИ КОРШИНОСОН МОНЕАИ РУШД АСТ

Рушди истеҳсоли маҳсулоти воридотивазкунанда ва тақвияти содирот аз ҳадафҳои асосии сиёсати иқтисодии кишваранд. Масъалаҳои пайдо намудани  роҳи расидан ба ин ҳадафҳо, таҳқиқи самтҳои самараноки истеҳсол ва диверсификатсияи тавлиди молҳои ватанӣ ҳамвора мавриди баррасии иқтисодшиносон мебошанд.

Мутахассисони соҳа, якҷо бо олимону коршиносон вобаста ба таҳқиқу муҳокимаи мавзӯъҳои хоса дар арафаи истиқболи 25 – солагии Истиқлолияти давлатӣ чанд конфронси илмӣ - амалӣ доир намуданд. Дар онҳо баҳри татбиқи нақшаву барномаҳои нав  хулоса ва пешниҳодоти судманд ба иштирокдорон манзур гардиданд. Дар  конфронси сатҳи ҷумҳуриявӣ оид ба мавзӯи  “Тоҷикистон: роҳҳои татбиқи пурсамари стратегияи табодули воридот”, ки бо ҳузури доираи васеи  мутахассисони соҳаҳои саноат, кишоварзӣ, нақлиёт, бонк ва тиҷорат дар Коллеҷи техникии Донишгоҳи техникии Тоҷикистон доир гашт, иштирокдорон дастгирии ширкатҳои истеҳсолиро аз ҷиҳати супурдани андоз ва гирифтани қарзҳо бо фоизи паст  муҳим арзёбӣ намуданд. 
Ба қавли Убайдулло Асроров, директори Коллеҷи техникӣ, таҷрибаи  кишварҳои Чин, Ветнам, Тайланд, Малайзия, Индонезия нишон медиҳад, ки афзоиши шумораи  ширкатҳои хурд ва миёнаи истеҳсолӣ дар рушди  саноат нақши ҳалкунанда мебозад. Монеаҳое, ки фаъолияти чунин корхонаҳоро халалдор месозанд, бояд аз байн  бурда  ва  муҳити  беҳтарини сармоягузорӣ барои онҳо фароҳам оварда шавад. Ҳамчунин, коршиносони масоили иқтисодӣ бовар доранд, ки бо сиёсати пешгирифтаи Ҳукумати мамлакат дар самти беҳтар сохтани истеҳсолоти дохилӣ  ва ҳамкориҳои судбахши тиҷоратӣ дар ояндаи наздик табодули воридот ба содирот амалӣ мегардад. Дар  натиҷаи он таркиби бахши истеҳсолии иқтисод комилан дигаргун ва бо мақсадҳои стратегии Ҳукумат мувофиқ хоҳад шуд.
Пешниҳод ва хулосаи муҳаққиқони соҳа  дар асоси таҳқиқоти анҷомдода ва баррасии мавзӯъҳо  доир ба рушди истеҳсолот дар конфронси мазкур асосан чунинанд:
-Барои истеҳсоли маҳсулоти воридотивазкунанда дар ҷумҳурӣ пойгоҳи ашёи хоми арзон ва хеле самаранок мавҷуд аст.  Аз ин лиҳоз,  татбиқи  сиёсати табодули воридот ба содирот имкон дошта, боиси афзудани даромади аҳолӣ, хусусан  кам шудани шумораи муҳоҷирони меҳнатӣ мегардад.   Сармояи  дохилӣ бо  мақсади тақвияти  бахши  саноатии кишвар, пеш аз ҳама  ба коркарди маҳсулот  равона карда шавад. Бинобар ин, сармояҳои дохилӣ  бештар дар барқарор намудани корхонаҳои истеҳсолии хурду миёна ва  сармояҳои мустақими хориҷӣ  барои татбиқи барномаҳои гуногун бояд истифода  гарданд.
- Баҳои иқтисодии  ашёи хоми дар ҷумҳурӣ мавҷудбуда муайян ва ба ҳисоб гирифта шавад. Ашёи хоме, ки хусусияти табиии такрористеҳсолӣ дорад,  бештар бояд истифода гардад.
- Тамоми маводи истеъмолӣ ва ғайристеъмолие, ки ба кишвар ворид карда мешавад, аз назари самаранокии иқтисодӣ, иҷтимоӣ ва экологӣ бояд баҳои ҳақиқии иқтисодӣ дошта бошад.
Ба ҳамин монанд барои вусъати истеҳсоли маводе, ки хусусияти табодули воридот ба содирот дорад,  мутахассисон ташкили як бонки муштараки давлатию саҳомиро аз ҳисоби васоити буҷавӣ ва сармоягузорӣ  роҳи ҳалли масъала донистанд. Гуфта шуд, ки чунин бонкҳо  дар як қатор кишварҳои ҷаҳон амал мекунанд ва барои устувор гардондани ин тарзи истеҳсолот саҳми арзанда доранд.

Ташрифулло САЪДУЛЛОЕВ,
 «Ҷумҳурият»


Баёни ақида (0)    Санаи нашр: 14.06.2016    №: 114    Мутолиа карданд: 477

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!


Дар сомонаҳои дигари Тоҷикистон хонед