logo

маориф

ЗАБОНОМӮЗӢ. НАБОЯД РАВАНДИ ОНРО БЕНАЗОРАТ МОНД!

Дар замони мо муносибатҳои байналмилалӣ васеътар мегардад. Дар чунин шароит барои ташаккули муносибати фарҳангӣ миёни халқҳо зарурати такмил додани таълим ва омӯзиши забонҳо, хусусан русӣ ва англисӣ пеш омадааст. Забоншиносон бар онанд, ки ҳар қадар фарҳанги муошират баланд бошад, ҳамон қадар фарҳанги миллӣ боло меравад.

Мутаассифона, ҷараёни таълими забономӯзӣ дар муассисаҳои таълимии кишвар ҳанӯз қонеъкунанда нест, гузашта аз ин таълими ин фанҳо ба сатҳу сифати баланд ва самаранокӣ ниёз дорад. Ин натиҷагирӣ бо назардошти дар муассисаҳои давлативу ғайридавлатӣ аз ҳисоби ҷавонон кам будани тарҷумони забони русӣ ва англисӣ бароварда шудааст. Сабаби асосӣ сатҳи пасти омодасозии кадрҳои баландихтисос ва бозомӯзии кадрҳои омӯзгорӣ мебошад. Бо вуҷуди роҳандозии барномаҳои нави таълимӣ ва андешидани чораҳои зарурӣ аз ҷониби донишгоҳу донишкадаҳои кишвар омодасозии кадрҳои омӯзгорӣ ҳанӯз ба талаботи бозори меҳнат ҷавобгӯй нест. Аз садҳо хатмкунанда қисми зиёдашон бо сабаби малакаи пасти касбӣ ва забономӯзӣ бе ҷойи кор монда, роҳ сӯйи муҳоҷират мегиранд, дар он ҷой низ аз надонистани забон, хусусан русӣ ба мушкилӣ рӯ ба рӯ мешаванд. Вазъ дар муассисаҳои таълимии ноҳияҳои дурдасти кӯҳистон бо вуҷуди ҳамасола тариқи роҳхат фиристодани мутахассисон ташвишовар аст. Дар аксари муассисаҳои таълимӣ омӯзгорони ғайриихтисос дарс мегӯянд. Деҳотиён аз сабаби дар таълимгоҳҳо набудани омӯзгорон пурра ба омӯзиши забонҳо фаро гирифта намешаванд.
Феълан дар ҷумҳурӣ барои рушди забони русӣ - ҳамчун воситаи муоширати байналмилалӣ Барномаи давлатии такмили таълим ва омӯзиши забонҳои русӣ ва англисӣ барои солҳои 2015 - 2020 роҳандозӣ шудааст. Масъули барнома Зулфия Сафарова, иброз намуд, ки амалисозии барнома зина ба зина камбудиҳои ҷойдоштаро бартараф карда истодааст. Вазъ нисбат ба солҳои қаблӣ беҳтар шудааст. Аллакай кадрҳои ихтисосманд ҷойи мутахассисони ғайриихтисосро гирифта истодаанд. Бо вуҷуди ин камбудиҳо ҳоло ҳам зиёданд. Дар ноҳияҳои дурдасти кӯҳистон норасоии мутахассисони соҳибкасб бештар ба назар мерасад. Дар минтақаҳо омӯзиши забонҳо бинобар сабаби кам будани соатҳои дарсӣ ва дурии роҳ, махсусан дар муассисаҳои ибтидоии камнуфуз, ки аз якдигар хеле дур ҷойгиранд, хуб ба роҳ монда нашудааст. Агар омӯзиши забон дар як ҳафта се соат ба роҳ монда шуда бошад, аз рӯйи 1,5 воҳиди корӣ ин хеле кам аст, чун як воҳиди корӣ 18 соати дарсиро дар бар мегирад, аз ин рӯ, бо назардошти соати ками дарсӣ ва дурии роҳ на ҳамаи омӯзгорон хоҳиши дарсдиҳӣ доранд.
Набудани муошират яке аз омилҳои асосии  косташавии забон дар минтақаҳои кишвар гардидааст. Муошират дар деҳот нисбат ба марказ маҳдуд аст. Агар омӯзгор бо забони русӣ хуб дарс дода тавонад ҳам, бе муоширати байни ҳамдигар наметавон забонро ба пуррагӣ аз худ кард. Бо сабаби ба таълими фанҳо машғул будани мутахассисони ғайриихтисос масалан, дар ноҳияҳои Ҷайҳун ва Панҷ, аз рӯйи 1,5 воҳиди корӣ, ки ба 8 нафар омӯзгори фанни русӣ эҳтиёҷ доранд. Дар ноҳияи Панҷ 1 нафар омӯзгори фанни забони англисӣ намерасад. Мушкилоти дигар норасоии базаи моддию техникӣ ва методӣ, лексикографӣ ва иттилоотӣ, ҳамчунин технологияи инноватсионӣ ва моделҳои муосири таълим, адабиёт зарурӣ мебошад. Ҳарчанд дар даҳсолаи охир баъзе китобҳои нави таълимӣ аз фанҳои забони русӣ ва англисӣ таҳия ва нашр шудаанд, онҳо наметавонанд ба талабот ҷавобгӯ бошанд.
Ин ва мушкилоти дигари раванди забономӯзӣ аз масъулон талоши бештар аз пештар мехоҳад.
О. ВАФОБЕКЗОДА, «Ҷумҳурият»


Баёни ақида (0)    Санаи нашр: 15.06.2016    №: 115    Мутолиа карданд: 2473

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед