logo

иқтисод

БОЗИЧА НАБОЯД МУҶИБИ ЗИЁНИ КӮДАК БОШАД

Нозирони Агентии  Тоҷикстандарт ҷиҳати ҳимояи бозори истеъмолӣ аз воридоти молҳои пастсифат ва хатарнок, аз ҷумла бозичаҳои пластикӣ, ки асосан аз Ҷумҳурии Мардумии Чин ворид мешаванд, санҷишҳо гузаронданд.

Дар натиҷаи санҷишҳо танҳо дар нимаи дуюми моҳи майи соли равон аз бозорҳо ва нуқтаҳои савдои кишвар зиёда аз 7 ҳазор дона бозичаҳои пастсифат тариқи қочоқ ба қаламрави кишвар воридгардида ошкор карда шуда, аз фурӯш боздошта шуданд.
Воридкунандагон ва соҳибкороне, ки ин бозичаҳоро бе ҳуҷҷати тасдиққунандаи сифат ва бехатарӣ ба муомилот баровардаанд, тибқи Кодекси ҳуқуқвайронкунии маъмурӣ ҷазо гирифтанд.  Бо мақсади ҳифзи ҳаёт ва саломатии кӯдакон, дар асоси Қонуни Ҷумҳурии Тоҷикистон «Дар бораи бамеъёрдарории техникӣ» аз тарафи агентӣ Регламенти техникии Ҷумҳурии Тоҷикистон “Бехатарии бозичаҳо” таҳия гардида, барои мувофиқа ба вазорату идораҳои дахлдор  пешниҳод шудааст. Бинобар ин, масъулонро зарур аст, ки баҳри пешгирии воридоти ин гуна  маҳсулот фаъолиятро пурзӯр намоянд.
Алҳол озмоишгоҳи Агентии Тоҷикстандарт бо асбобу таҷҳизоти нави муосир муҷаҳҳаз аст.  Ба воситаи онҳо таркиби бозичаҳо амиқ  санҷида  мешаванд. Бибисоро Ризоева, мутахассиси пешбари маркази ташхиси агентӣ, доир ба сифат ва тарзи коргирӣ бо бозичаҳо мегӯяд, ки:
- Дар озмоишгоҳ айни ҳол ғайр аз маҳсулоти хӯрока бозичаҳои кӯдаконаро низ аз санҷиши лабораторӣ гузаронда истодаем. Дар вақти ташхис  муайян гардид, ки рангҳои қисме аз бозичаҳо ноустувор мебошанд.  Кӯдакон ин бозичаҳоро  хоҳ - нохоҳ ба даҳони худ мерасонанд ва бо луоби даҳони худ ранги онҳоро фурӯ мебаранд. Аз ин лиҳоз, ранги онҳо бояд устувор бошад. Ҳамчунин, сӯрохиҳои бозичаҳо набояд аз меъёр зиёд ё хурд бошад, зеро  ҳангоми бозӣ эҳтимоли ба он сӯрохиҳо дармондани ангуштони кӯдакон  мавҷуд аст. Бештари бозичаҳо бо сабаби пастсифат будан ниҳоят зудшикан ҳастанд, теғҳои тез доранд, ки ин ҳам метавонад ба кӯдак зарар расонад. Қисми дигари бозичаҳо ба шакли ҳайвонот сохта шуда, бо пашми гуногун ороиш ёфтаанд. Пашми онҳо мустаҳкам набуда, дар вақти бозӣ мерезад ва кӯдакон мӯйҳои сунъиро ба даҳон мебаранд. Ғайр аз ин, дар мағозаву бозорҳо бозичаҳои резинӣ ба фурӯш гузошта шудаанд ва онҳо бӯи гуногун доранд. Ҳамчунин, дар борҷомаи бозичаҳое, ки аз Ҷумҳурии Мардумии Чин ворид мешаванд, ба забони давлатии мо доир ба муҳлати истифодабарӣ, истеъмоли бозичаҳои қандакдор, аз чӣ иборат будани таркиби онҳо ягон маълумот дарҷ нагардидааст.
Мутахассисони озмоишгоҳи ташхисӣ тавсия медиҳанд, ки волидон ҳангоми харидорӣ намудан бозичаҳои рангашон устувор, босифату пурбардоштро (бо назардошти синни кӯдак) интихоб намоянд. 
Зимнан, модоме ки талабот ба бозича то ин андоза зиёд аст, чаро ҷиҳати истеҳсоли бозичаҳои кӯдакона дар дохили кишвар Вазорати саноат ва технологияҳои нав  андеша накунад?
 
 Матлубаи АБДУҚАҲҲОР,
 «Ҷумҳурият»


Баёни ақида (0)    Санаи нашр: 16.06.016    №: 116    Мутолиа карданд: 623

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед