logo

фарҳанг

УСТОДИ БАРҶАСТАИ ХОРЕОГРАФИЯ

Тибқи қатъномаи  Иҷлосияи 38 - уми Конференсияи генералии ЮНЕСКО  ҷашнгирии 100 - солагии асосгузори хореографияи тоҷик, коргардону басаҳнагузорандаи операҳо, коргардони филмҳо ва рақсҳои миллии халқи тоҷик Ғаффор Валаматзода ба феҳристи ҷашнвораҳои ЮНЕСКО барои соли 2016 ворид шудааст.

Асосгузори санъати хореографии тоҷик Ғаффор Валаматзода   дар оғоз ба ҳайси артисти балет ва балетмейстри Театри мусиқии Тоҷикистон ба номи Лоҳутӣ кору фаъолият намуда, пасон, ба вазифаи солисти балет ва балетмейстри Театри опера ва балети Тоҷикистон мегузарад.
 Ғаффор Валаматзода ҳамчун устоди рақс дар таҳия ва ба саҳнагузории намоишномаҳои солҳои ҷанг, аз қабили «Ду гул»,  «Розия», «Тоҳир ва Зуҳро» саҳми муносиб гузоштааст. Ӯ на танҳо дар Тоҷикистон, балки дар майдонҳои ҳарбу зарб ва дар байни ҷанговарони тоҷик бо барномаҳои ҷолиби консертию ҳунарӣ,  ҳунарнамоӣ карда, сазовори таҳсину эҳтиром гаштааст.
Метавон гуфт, ки нимаи дуюми солҳои сиюм ва нимаи якуми солҳои чилум барои Ғаффор Валаматзода солҳои воридшавӣ ба олами беканори санъати хореографӣ, омӯзишу таҳқиқ ва нишон додани истеъдоди баланди касбӣ дар ҷодаи интихобкардааш маҳсуб меёфтанд. Маҳз ҳамин истеъдоди баланди касбиаш ба ӯ имконият дод, ки ҳамчун устоди рақс дар таҳияю ба саҳнагузории аввалин намоишномаҳои Театри опера ва балети ба номи Садриддин Айнӣ, аз қабили «Восеъ», «Лола», «Шӯриши Восеъ», «Ду гул», «Розия», «Таҳмоси Хуҷандӣ», «Тоҳир ва Зуҳро» саҳм гузорад. 
  Ғаффор Валаматзода соли 1951 Донишкадаи давлатии санъати театрии ба номи А.В. Луначарскии шаҳри Москваро бомуваффақият хатм менамояд. Пас аз хатми донишкадаи олии касбӣ ӯ ба сифати сарбалетмейстри Театри опера ва балети ба номи С. Айнӣ ифои вазифа мекунад. То оғози кор дар ин вазифа бо сайю кӯшиши Ғаффор Валаматзода намоишномаҳои «Лайлӣ ва Маҷнун», «Княз Игор», «Оршин мол - олон», «Сарчашмаи бахт» рӯйи саҳна омаданд. Аввалин кори мустақилонаи Ғаффор Валаматзода дар эҷоди асари саҳнавӣ намоишномаи «Лайлӣ ва Маҷнун»  буд. 
Доштани таҷрибаи кофӣ дар таҳияи асарҳои саҳнавӣ ба Ғаффор Валаматзода имкон медиҳад, ки ҳамчун режиссёр ва муаллифи сенария дар офаридани филм-балети «Лайлӣ ва Маҷнун» саҳм гирад. Ӯ бо ҳамкории Т. Березансева соли 1960 ин филмро ба навор мегирад ва филм сазовори мукофоту дипломҳо мегардад. Ҳамзамон, Ғаффор Валаматзода ҳамчун таҳиягар ва устоди рақс дар тавлиди филмҳои бадеии «Киноконсерти тоҷикӣ», «Консерти панҷ ҷумҳурӣ», ансамбли «Лола» саҳми муносиб гузоштааст.
Солҳои 50-ум ва нимаи аввали солҳои 60-уми асри гузашта Ғаффор Валаматзода дар таълифи мусиқӣ, таҳия ва басаҳнагузории рақсҳои намоишномаҳои «Русалка», «Лауренсия», «Эсмералда», «Аида», «Дилбар», «Фаввораи Боғчасарой», «Кӯли қувон», «Пӯлод ва Гулрӯ», «Роҳи пуршараф», «Гилеми кабуд», «Корсар», «Комде ва Мадан», «Кармен», «Афсонаи кӯҳӣ» кӯшиши зиёд ба харҷ дод.
Ӯ солҳо вазифаҳои директори Театри опера ва балети ба номи С. Айнӣ, Филармонияи давлатии Тоҷикистон, роҳбари бадеӣ ва сарбалетмейстри ансамбли давлатии рақсии «Лола» - ро ба уҳда дошт.
Бо саъйю кӯшиш ва часпу талошҳои бевоситаи Ғаффор Валаматзода соли 1965 ансамбли «Лола» созмон ёфт. Ғаффор Валаматзода ба ҳайси роҳбари бадеӣ ва балетмейстр барои шаклгирию рушдёбии ин ансамбл саҳми муносиб гузоштааст. 
Хизмати Ғаффор Валаматзода дар рушду такомули санъати хореографии тоҷик, созмондиҳии дастаҳои ҳунарӣ, эҷоду таҳияи асарҳои саҳнавӣ, густариши равобити фарҳангии Тоҷикистон бо дигар кишварҳо, тарбияи истеъдодҳои ҷавон хеле назаррас мебошад.
Барои хизматҳои арзандааш дар инкишофи санъати миллии тоҷик Ғаффор Валаматзода бо унвони фахрии Артисти халқии СССР сарфароз гардидааст. Инчунин, ӯ барандаи Ҷоизаҳои давлатии СССР, Ҷумҳурии Тоҷикистон ба номи Абуабдулло Рӯдакӣ мебошад. 

Шариф КОМИЛЗОДА,
директори Пажӯҳишгоҳи фарҳанг ва иттилооти
Вазорати фарҳанги Ҷумҳурии Тоҷикистон


Баёни ақида (0)    Санаи нашр: 16.06.016    №: 116    Мутолиа карданд: 1344

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард


Дар сомонаҳои дигари Тоҷикистон хонед