logo

фарҳанг

ҲАМПОЯИ БОМИ ҶАҲОН

Дар даврони шӯравӣ ба рушди адабиёти бачагона диққати махсус  дода  мешуд. Дар ин замина дар Иттиҳоди Шӯравӣ  як қатор шоирону нависандагони маъруф, ки шӯҳрати умумииттифоқӣ ва ҷаҳонӣ пайдо карда буданд, рӯи саҳнаи эҷод омаданд. Мояи ифтихори миллати тоҷик бояд бошад,  ки  он давра  тавонист ба доираи умумииттифоқ  ва дар ин росто ба  арсаи ҷаҳонӣ  адибони маъруфи худро рӯйи кор биёрад. Яке аз чунин шахсиятҳо  шоири маъруфи мо, ки эҷодаш  барои  ҳар як хонандаи тоҷик ва  доираи кӯдакони умумииттифоқ азизу  гиромӣ  аст, устод  Мирсаид  Миршакар буд.

Устод насли  замони оғози дигаргуниҳо  ва шоҳиди сохтмонҳои азими  ҷумҳурии ҷавони  Тоҷикистон буда, ба   арсаи эҷод  аз  корҳои комсомолӣ ҷалб гаштааст. Дар кори ободкунии водии Вахш саҳм гузошта, сармуҳарририи рӯзномаи «Зарбдори сохтмони Вахш»-ро ба  уҳда дошт. Дар ҳамин давра ӯ  рӯ ба адабиёт  ва эҷод  меоварад  ва соли 1934  достони маъруфи худ «Ливои  зафар»-ро  оид ба сохтмони Вахш  ба  нашр  мерасонад. Ин яке аз  аввалин  кӯшишҳои инъикоси сохтмонҳои умумихалқӣ  дар адабиёти тоҷик  арзёбӣ  мегардад. Шоир солҳои Ҷанги Бузурги  Ватанӣ  низ  хеле  фаъол буда, асарҳои зиёд, аз ҷумла асарҳои ҳаҷвии хубе  интишор намудааст. Ин давраест,  ки ашъори ватандӯстона ва як қатор  достонҳои  бачагонаи ӯ  рӯи чопро  дид.
Ашъори давраи ҷангии устод дар маҷмӯаи «Шеърҳо  ва паёмҳо»  соли 1945  дар Москва  рӯи  чопро дид. Устод  ба  адабиёти кӯдакона  аҳамияти  хоса медоданд.  Достонҳои  шоир «Калиди  бахт», «Ленин дар Помир», «Бачаҳои Ҳиндустон», «Панҷи ноором», «Варақҳои муҳаббат», «Исёни хирад»,  пйесаҳои «Қишлоқи тиллоӣ», «Муаллими ишқ», «Тошбек  ва Гулқурбон», «Шаҳри ман», «Фоҷиаи Усмонов», «Байрақи мактаб»  доир  ба  навсозиҳои давр тағйирот  дар ҳаёти мардуми тоҷик  иншо  шудаанд.
Устод  яке  аз адибони  сермаҳсултарини  на танҳо адабиёти шӯравии тоҷик, балки адабиёти сермиллати шӯравӣ  маҳсуб  ёфта, камтар шоирону  на висандагон  ба  ӯ  расидагӣ карда тавонистаанд.
Достонҳои  маъруфи   «Панҷи ноором»  ва «Қишлоқи тиллоӣ» - и ӯ  ба  фонди  тиллоии адабиёти шӯравӣ  дохил гашта, дар сатҳи иттифоқ машҳур гаштаанд. Шоир барои эҷоди  ин достонҳо  соли 1950 барандаи  мукофоти давлатии СССР гашт.
Ӯ  чун яке аз сипаҳсолорони адабиёти бачагонаи Иттиҳоди Шӯравӣ шинохта шуда, зиёда аз 30 сол дар қатори адибони номвари шӯравӣ Расул Ғамзатов, Нодар Думбадзе, Мустай Карим, Олег Гончар, Максим Танк, Михаил Шолохов, Сергей Михалков аъзои шӯрои таҳрияи «Китобхонаи адабиёти ҷаҳонӣ барои кӯдакон»-и нашриёти  маъруфи «Детская литература» - и Москва  буда,  номаш  дар қатори  ин шахсиятҳои бузурги  ҳамон вақт  дар саҳфаҳои аввали  ин нашрия ба табъ мерасид  ва  дар зарфи ин даҳсолаҳо шояд  на камтар аз 600  миллион нусхаи китоби  чопгаштаи  ин нашриёт  номи ӯро  ба  ёдгор  гузошта бошад.
Ашъораш  чун шоири номвари шӯравӣ дар маҷаллаҳои машҳури марказии  «Новый мир», «Дружба народов», «Литературная газета», «Правда», «Известия», «Литературная Россия»  ва  ғайраҳо  чоп шудаанд.  Ӯ  раиси кумитаи Тоҷикистонии якдилии халқҳои Осиё  ва Африқо, аъзои кумитаи шӯравии он ва бинобар шоири номвар буданаш аъзои Раёсати  Иттифоқи нависандагони  СССР  буд.
Муҳимтараш ин аст, ки   ӯ  ҷой  ва мақоми баланди худро дар адабиёти бачагонаи сатҳи ҷаҳонӣ ва миллати тоҷик дорад ва ҳамин  гуна боқӣ хоҳад  монд.
Варқаи ЗАЙНИДДИН,
рӯзноманигор


Баёни ақида (0)    Санаи нашр: 16.06.016    №: 116    Мутолиа карданд: 878

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед