logo

сиёсат

МАОРИФПАРВАРИ БУЗУРГ

Шинохту эътирофи шахсиятҳои бузурги таърихӣ танҳо арҷгузорӣ ба  корномаю истеъдоди беназири онҳо набуда, ҳамзамон, таҷдиди назари ҷомеаи ҷаҳонӣ ба таъриху фарҳанги бою ғании ҳамон миллатест, ки  тавассути шахсияти алоҳида рисолати таърихиро дар ягон соҳаи муҳим  ба ҷо овардааст. Ба монанди Куруши Кабир, Анӯшервони Одил, Исмоили Сомонӣ - шахсиятҳои  сиёсӣ, Абуабдуллоҳи Рӯдакӣ, Фирдавсӣ, Абуалӣ ибни Сино, Саъдӣ, Ҳофиз, Ҷалолуддини Балхӣ, Абдураҳмони Ҷомӣ, Бедил, Аҳмади Дониш, Садриддин Айнӣ, Муҳаммад Иқбол, Мирзо Турсунзода - симоҳои бузурги  илму фарҳанг ва дигарон, ки ҳар  кадоме рисолати таърихиашонро иҷро карда, бо корнамоиҳои  беназир сафҳаҳои китоби миллии худро рангин ва бақои халқи хешро таъмин намудаанд.
Дар ин робита, 9 декабри соли 2015 барои миллати  тамаддунофари тоҷик ва кулли тоҷикистониён санаи таърихӣ маҳсуб меёбад, ки дар саҳифаҳои таърихи халқамон бо оби ноби тилло сабт гардид. Дар ин рӯз вакилони Маҷлиси намояндагон фарзанди барӯманди миллат, Президенти мардумӣ муҳтарам Эмомалӣ Раҳмонро расман ба мақоми шоистаи «Асосгузори сулҳу ваҳдати миллӣ - Пешвои миллат» пазируфтанд. Ин боиси ифтихори баланду сарфарозии мост.
Ба фаъолияти пурсамари ин марди хирад Қаҳрамони миллии Афғонистон Аҳмадшоҳи Масъуд баҳои  арзанда дода, гуфта буд: «Истиқлолият ба Тоҷикистон Эмомалӣ Раҳмон -  сиёсатмадори сатҳи ҷаҳониро дод. Имрӯз ӯ машҳуртарин фарзанди Тоҷикистон ва тамоми  тоҷикони ҷаҳон ва дӯсти ҳақиқии Афғонистон аст».
Дар ҳақиқат, мардуми Тоҷикистон ва ҷомеаи ҷаҳонӣ Асосгузори сулҳу ваҳдати миллӣ - Пешвои миллат Эмомалӣ Раҳмонро ҳамчун  маорифпарвари бузург низ хуб мешиносанд. Аз  рӯзҳои аввали Сарвари давлат интихоб гардидан ӯ дар баробари  ҳалли масъалаҳои ниҳоят муҳим, аз ҷумла хотима бахшидан ба ҷанги шаҳрвандӣ, ба эътидол овардани вазъи сиёсӣ, барқарорсозии сулҳу ваҳдати миллӣ, баромадан аз бумбасти коммуникатсионӣ, таъмини амнияти озуқаворӣ, расидан ба истиқлолияти энергетикӣ соҳаи маорифро низ яке аз самтҳои  афзалиятноки фаъолияти давлату Ҳукумат эълон намуд.
Пеш аз ҳама, асосҳои ҳуқуқии пешрафти маориф дар Конститутсияи Ҷумҳурии Тоҷикистон муайян гардида, сипас қонунҳои Ҷумҳурии Тоҷикистон «Дар бораи маориф», «Дар бораи таҳсилоти олии касбӣ ва таҳсилоти касбии баъд аз муассисаи олии таълимӣ», «Низомномаи намунавии ташкили раванди таълим дар муассисаҳои  таҳсилоти олии касбии Ҷумҳурии Тоҷикистон дар низоми  кредитии таҳсилот» ва дигар санадҳои меъёрии ҳуқуқии соҳаи маориф ба тасвиб расиданд. Дар натиҷа, дар як муддати кӯтоҳи таърихӣ барномаи бо компютер таъмин намудани раванди таълим дар ҳама муассисаҳои таҳсилоти миёнаи умумӣ ва макотиби олӣ амалӣ гардид.
Муҳайё кардани шароити хуби кору фароғат ба кормандони соҳаҳои маориф ва илм пайваста дар мадди назари роҳбарияти аввали мамлакат аст. Дар чанд соли охир музди меҳнати  кормандони соҳаҳои маориф ва илм, идрорпулии донишҷӯён 2 - 3 баробар афзуд. Аз 1 - уми июли соли равон бошад, маошу идрорпулӣ мутаносибан 20 - 30 дарсад зиёд мегардад.
Ҳамон тавре ки Асосгузори сулҳу ваҳдати миллӣ - Пешвои миллат Эмомалӣ Раҳмон таъкид менамояд, наврасону ҷавонон бояд соҳиби дониш, рафтору гуфтори шоиста, хислатҳои наҷиби инсонӣ бошанд.Ҷумҳурии соҳибистиқлоли худро  дар ҳамаи соҳаҳо арзанда муаррифӣ намоянд. Дар омода кардани ин гуна мутахассисон, дар баробари оилаю ҷомеа, нақши муассисаҳои маорифу илм бағоят калон аст.
Мо - омӯзгорон, аҳли маорифу илм аз ин шахсияти бузург ифтихор намуда, сиёсати маорифпарваронаю бунёдкоронаи ӯро дастгирӣ менамоем ва Ҷашнҳои Ваҳдату Истиқлолияти давлатиро бо дастовезҳои муносиби корҳои таълимӣ, тарбиявӣ ва илмию методӣ пешвоз мегирем.

Куган ИЗАТУЛЛОЕВ,
Корманди шоистаи Тоҷикистон, дотсент,
Абдулҳай ҚАЛАНДАР,
барандаи Ҷоизаи ба номи Носири Хусрав
ва нишони Сухан


Баёни ақида (0)    Санаи нашр: 22.06.2016    №: 121    Мутолиа карданд: 473

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед