logo

иҷтимоиёт

АЛЛА КСЕНДЗОВА: «ҲАМЕША БО ТОҶИКИСТОН БУДЕМ»

Ҷумҳурии Тоҷикистон дар оғӯши худ намояндагони халқу миллатҳои гуногунро сарҷамъ намуда, Ҳукумати мамлакат барои ҳифзи ҳуқуқу озодиҳо ва муҳайё сохтани шароити хуби иҷтимоии онҳо пайваста ғамхорӣ зоҳир менамояд. Аз ҷумла, дар вилояти Суғд ҳанӯз ҳам мардуми русзабон бо тоҷикон аҳлу тифоқ ба сар бурда, баҳри пешрафти кишвар якдилона меҳнат мекунанд.
Яке аз онҳо Алла Ксендзова, зода ва муқими шаҳраки Бобоҷон Ғафуров аст. Ӯ солиёни дароз дар Комиссариати ҳарбии вилояти Суғд кор карда, феълан дар ноҳияи Бобоҷон Ғафуров фаъолият дорад. Ин бонуи ситорагарму малламӯ баробари ворид шуданамон ба дафтари кораш бо назокати ба худ хос, тоҷикӣ ҳарф задаву моро самимона пазируфт. Бино ба гуфтаи ӯ, падараш лаҳистонӣ ва модараш рус аст. Сарфи назар аз рӯйдодҳои ибтидои солҳои 90-ум аз миллати тоҷику ин сарзамини бостонӣ дил накандааст ва то ҳанӯз дӯсташон медорад. Ваҳдату осоиш ва ободиву шукуфоии Тоҷикистонро ба ҷон мехоҳад.
- Аз синни кӯдакӣ падарам ба мо - фарзандон таъкид медоштанд, ки Тоҷикистон Ватани азизи шумост. Барои ободиву пешрафти он аз дилу ҷон кӯшед. Ин гуфтаҳои падар дар гӯшам садо дода, ҳидоят мекунанд, ки дар базму тараб ва рӯзҳои вазнини халқу миллати ин диёри куҳанбунёд якҷо бошам. Аз ин рӯ, солҳои ҷанги шаҳрвандӣ низ бо Тоҷикистон будем, гуруснагиву ташнагиро якҷо паси сар карда, рӯзи имзои созишномаи сулҳ якҷо шодию хурсандӣ кардем, - бо меҳр меафзояд Алла Ксендзова.
Владимир Александрович ва Любов Александровна бошанд, то ба синни нафақа расидан, дар шабакаҳои барқии вилояти Суғд фаъолият кардаанд. Волидони онҳо солҳои 20-уми қарни гузашта аз шаҳрҳои Красноярску Нижний Новгороди Русия ба Тоҷикистон омадаанд.
- Ман аслан зодаи шаҳри зебову ҳамешаҷавони Душанбеям ва худро бе ин хоку об тасаввур карда наметавонам. Соли 1957 бо оилаам ба шаҳри Қайроққум (ҳоло Гулистон) омадам. Дар НБО-и «Дӯстии халқҳо» то соли 2007 кор кардем. Дар ин муддат фарзанддор шуда, онҳоро соҳиби маълумоти олӣ намудем. Шаҳри Гулистон, воқеан, шаҳри дӯстист. Зеро дар вақти бунёди Неругоҳи барқи обии «Дӯстии халқҳо» ва комбинати қолинбофӣ намояндагони 87 миллату халқияти дӯсту бародар паҳлуи ҳам истода заҳмат кашидаанд, - изҳор медорад Любов Александровна.
Владимир Александрович бо як самимияти афзун аз ваҳдати миллӣ, дастовардҳои солҳои соҳибистиқлолии Тоҷикистон ҳарф зад.
- Аз дидани биноҳои замонавӣ, роҳҳои мумфарш, кӯчаҳои чароғон, чеҳраҳои шукуфон ва самимии мардуми тоҷик, ки аз файзи Истиқлолияти давлатӣ ва ваҳдати миллист, меболаму ифтихор мекунам. Охир, ин ҳама гӯшаву канор Ватани ман ва ин мардуми босаодат ҳамватанони мананд. Ҳар гоҳе ба Русия, ба он сарзамини аҷдодӣ сафар намоям, ба дӯстону ҳамсояҳо аз муҳаббату меҳандӯстии мардуми тоҷик ва меҳмоннавозии онҳо ҳарф мезанам. Ва ҳар бор фоли нек мекушоем, ки фардои Тоҷикистон дурахшон аст, - таъкид мекунад Владимир Александрович.
   
Ҷовиди АШТӢ, «Ҷумҳурият»


Баёни ақида (0)    Санаи нашр: 23.06.2016    №: 122-123    Мутолиа карданд: 503

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед