logo

иҷтимоиёт

"ХОКИ ВАТАН..." – САДОИ ОРМОНҲОИ МАРДУМ

Аз рӯзҳои ҷанги шаҳрвандӣ ҳар як нафари калонсол хотирае дорад. Журналистон низ. Бо мақсади таъкид аз муҳимияти ваҳдати милливу тақвияти шуури миллӣ суҳбате анҷом додем бо Тоҳир Розиқов, хабарнигори Радиои Тоҷикистон дар вилояти Хатлон:

- Дар солҳои ҷанги шаҳрвандӣ ноҳияи мо – Вахш ва ҳам деҳае, ки ман он ҷо зиндагӣ мекардам маркази даргириҳо буд. Ҳамдеҳагоне, ки солиёни дароз ҳамдаму ҳамнафаси якдигар буданд,  дар ду сангари муқобили ҳам ҷой гирифтанд. Байни эшон ҷанг сар зад, хонаҳо сӯхтанд, қисме шаҳид ва иддае фирорӣ гардиданд. Ин мусибат маро сари андешае овард, ки ба ҳамдеҳагонам чӣ кумаке карда метавонам. Андешаҳои мағшуш бо вуҷуди он, ки бинокор будам, оқибат маро ба даргоҳи Радиои Тоҷикистон овард. Маро дар маркази ҷанг – дар минтақаи Қӯрғонтеппа хабарнигор таъйин карданд. Ҳамин тариқ, камина низ яке аз воқеанигорони барномаи “Хоки Ватан...” гардидам. Аксари маводҳои зиндаи барномаи мазкур аз минтақаи Қӯрғонтеппа пахш мешуданд. Банда аз дигар ҳамтоҳои хеш дида ба фирориён бештар наздик будам. Шерхони Бандари Афғонистон як муддат ҷойи зисти муваққатиям гашт. Он мардуми парешонро даъватҳои ростин, соҳибиродагӣ ва вафо бар ваъда аз ҷониби Пешвои миллат Эмомалӣ Раҳмон, ки дар суҳбатҳои хосаю матбуотию рӯ ба рӯ ба ҳама ҷонибҳои даргир таъсиргузор буд, ба ҳам овард. Аз он рӯзҳо лаҳзаҳои хотирмон кам надорам. Яке аз онҳо вақти вохӯриамон бо раиси хоҷагии “Авесто”- и ноҳияи Қубодиён Раҳматулло Абдуллоев аст. Ӯ ба ман гуфт, ки 90 дарсади аҳолии хоҷагиашон  дар Афғонистонанд ва фақат мӯйсафедону кампирон мондаанду бас. Ману ӯ ба тракторе савор шуда, хона ба хонаи фирориён гашта, овози наздикони онҳоро сабт мекардем. Баъд садоҳоро ба радио мефиристодам. Фирориён тавассути мавҷи фарогири радиои Тоҷикистон садои падару модар ва момою бобои худро шунида, бовар ҳосил мекарданд, ки дар Ватан касе онҳоро озор намедиҳад ва давлат кафили осоиштагияшон мебошад.
Дар яке аз чунин рӯзҳо бо Маҳрамбек ном нафаре вохӯрдем, ки зану кӯдаконаш дар он тарафи дарё гуреза буданд. Мо овози Маҳрамбекро сабт кардем. Ӯ пайвандонаш, аз ҷумла додарарӯсаш Давлатбек Ҷононовро даъват мекард, ки ба Ватан баргарданд, зеро ин ҷо осудаву ором аст ва ба ҷонашон ҳеҷ хатар таҳдид намекунад. Аксари фирориён ба Давлатбек эътимоди комил доштанд. Бинобар ин, аз ӯ илтимос карданд, ки аввал ӯ ба Ватан баргардад ва агар бовар ҳосил кард, ки Ватан ором аст, пас онҳоро ҳам тавассути радио даъват ба баргашт кунад.
Давлатбек баъди як ҳафта ба Тоҷикистон баргашта, ба ваъдааш вафо кард. Ӯ дар муроҷиат ба пайвандонаш хабар дод, ки ҳама баргаштани фирориёнро бесаброна интизоранду аз ҷониби давлат барои пешбурди рӯзгорашон кумакҳо низ пайдо гардида истодааст.
“Мана, худи ман баргаштан замон  ба  кор сар кардам. Аз рӯи касбам -  духтур, ҳоло ба муолиҷаи беморон машғулам, - аз радио садо медод овози Давлатбек.
Баъди ин фирориён гурӯҳ - гурӯҳ, ба баргаштан оғоз карданд.
Барои ман беҳтарин ва гуворотарин лаҳзаи ҳаётам ин буд, ки барномаи “Хоки Ватан...” дигар лозим нашуд, зеро то охирин фарди фирорӣ ба Ватан баргашт.
Зокир ҲАСАН, “Ҷумҳурият”


Баёни ақида (0)    Санаи нашр: 26.06.2016    №: 125    Мутолиа карданд: 484

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед