logo

сиёсат

СУЛҲИ ТОҶИКОН. ИН ТАҶРИБА НАМУНАИ ИБРАТИ БУЗУРГТАРИН СИЁСАТМАДОРОНИ ҶАҲОН АСТ

Низомиддин ЗОҲИДӢ,
муовини аввали вазири корҳои
хориҷии Ҷумҳурии Тоҷикистон


Мусаллам аст, ки ҳадафи асосии ҳастии маънавии ҳар халқ ба даст овардани озодӣ, истиқлолият, таъсиси давлати миллӣ ва идораи мустақилонаи корҳои давлатдорӣ аст. Асосгузори  сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ин раванд таъкид намудаанд, ки «Омили ҳастии ҳар як миллат андешаи истиқлол ва бунёди давлати мустақили миллӣ мебошад».

Бешак, Ваҳдат омили ҳастии миллат аст, ки бо талошу ҷонбозиҳои фарзандони фарзонаи миллат на ба осонӣ ба даст омадааст. Балки бо талошҳои пайгиронаи Эмомалӣ Раҳмон, ки аз минбари Иҷлосияи XVI Шӯрои Олии Ҷумҳурии Тоҷикистон сарчашма гирифта, то ба имзои Созишномаи умумии истиқрори сулҳ ва ризоияти миллӣ расиданд, дарахти пурбаракоти сулҳу ваҳдатро барои тоҷикистониён чун неъмати бузург ба сабзиш овард.
Ҳаёт дуруст будани роҳи интихобкардаи Ҳукумат ва давлати Тоҷикистонро дар тақвияти нақшаҳои сулҳу созиш ва ваҳдати миллӣ исбот намуд.
Имзои Созишномаи умумии истиқрори сулҳ ва ризоияти миллӣ дар Тоҷикистон, ки бо заҳмату талош ва ибтикороти беш аз панҷсолаи Сарвари давлат Эмомалӣ Раҳмон ба даст омад, дастоварди ормоншиносӣ ва сабақгирӣ аз сарнавишти таърихии тоҷикон маҳсуб мешавад. Маҳз эътиқод ба қудрату тафаккури зеҳниву маънавӣ ва гароиши азалии тоҷикон ба сулҳу мадоро, ки аз фитрати олии инсонӣ ва таҳаммулгароии ин миллати созандаву бунёдкор сарчашма мегирад, ба Сарвари давлат эътимоду боварӣ бахшид, то аз минбари Иҷлосияи XVI Шӯрои Олии Ҷумҳурии Тоҷикистон башорате аз расидани сулҳи деринтизор ба сарзамини Тоҷикистон диҳад ва бо ҳиммати баланди инсонӣ аз миёни он гирудорҳову сангарҳои хунрез сулҳ, ваҳдату ҳамдилӣ ва ягонагиро барои миллат дастовез орад. Ҳамин эътиқоду боварии том ба ҳастии маънавии халқи худ ва ҷасорати қавлу амали Сарвари давлат   буд, ки миллати моро аз парешониву фано наҷот бахшид ва роҳи расидан ба ормонҳои маънавии тоҷиконро дар марҳалаи нав муқаррар намуд.
 Ҳосили талошҳои Сарвари сулҳофар ва меъмори Ваҳдати миллӣ Эмомалӣ Раҳмон дар баробари эҷоди равобити густурдаи Тоҷикистон бо мамолики олам, фарҳанги сулҳи тоҷиконро ҳамчун таҷрибаи бузургу мондагори давлатдорӣ муаррифӣ сохт. Бо таъкид ба ин матлаб Президенти мамлакат Эмомалӣ Раҳмон дар китоби хеш «Тоҷикон дар оинаи таърих» навиштаанд: «Таҷрибаи нодири Ҳукумати Тоҷикистон дар масъалаи баргардонидани фирориён ва дар мамлакат фароҳам омадани фазои сулҳу оштӣ чун сиёсати беназири давлатдорӣ аз ҷониби Созмони Милали Муттаҳид ва бисёр мамлакатҳои ҷаҳон мавриди омӯзиш ва табодули назар қарор гирифтаанд».
 Бузургтарин сиёсатмадорони ҷаҳонӣ таҷрибаи сулҳи тоҷиконро намунаи ибрат номида, дар симои Сарвари давлати Тоҷикистон паёмовари воқеии сулҳ ва меъмори ваҳдатро шинохтаву барои ҷаҳони муосир муаррифӣ намуданд.
Аҳамияти таърихии сулҳу ваҳдати  тоҷикон дар оғози давлатдории навини миллӣ бо гузашти замон на танҳо коҳиш намеёбад, балки дарки моҳият ва арзиши ваҳдату ягонагӣ дар сарнавишти таърихии тоҷикон дар охири ҳазорсолаи дувум ва оғози ҳазорсолаи сеюми мелодӣ зарурати беш аз пеш касб мекунад. Аз ин рӯ, дар ниҳоди ҷомеа ва хосатан насли наврас парваришу таҳким бахшидани эҳсоси ваҳдату ҳамбастагии миллӣ ҳамчун натиҷаи тафаккури созандаву бунёдкор, кафолати истеҳкоми пояҳои истиқлолият ва омили рушду шукуфоии Тоҷикистони соҳибистиқлол аз тақозоҳои марҳалаи кунунии давлатдории миллӣ маҳсуб мешавад.
Мардуми тоҷик саодатёр аз он ҳастанд, ки ба шарофати таҳкими сулҳу субот ва ваҳдати миллӣ имрӯз Тоҷикистони азиз қадамҳои устувор дар ҷодаи тараққиёти хеш гузошта, бо иқдомоти созанда ва ташаббусҳои Сарвари давлат дар анҷумани давлатҳои мутамаддин мақом ва манзалати шоистаро касб кардааст. Дар ин самт бояд аз тарҳрезии сиёсати хориҷии “дарҳои боз” аз ҷониби Президенти кишвар ёдовар шуд, ки он моҳиятан фарҳанги ҳамзистии тоҷикон бо олами пуртазоди имрӯз аст. Татбиқи бомуваффақияти ин сиёсат, ки ба дарки амиқи манфиатҳои миллӣ ва шинохти дақиқи аҳволи оламу оламиён такя мекунад, аз дастовардҳои даврони соҳибистиқлолӣ ва самараҳои неки сулҳу ваҳдат дар кишвар арзёбӣ мегардад.
«Идеали сиёсии мо, - фармудаанд Президенти мамлакат Эмомалӣ Раҳмон, - Ваҳдати миллист». Воқеан ҳам дар шароити имрӯзаи ҷаҳони муосир, ки равандҳои ҷаҳонишавӣ вусъати рӯзафзун пайдо кардаанд, рақобатҳои геополитикӣ торафт авҷ мегиранд, чолишҳои муосир, аз қабили терроризм экстремизми динӣ, қочоқи маводи мухаддир, ҷиноятҳои созмонёфтаи фаромиллӣ ва ғайра ба ҳастии ҷисмонӣ ва маънавии халқҳои мухталифи ҷаҳон таҳдид мекунанд, таҳкими ваҳдати миллӣ омили аслӣ ва асосӣ аст, ки метавонад ба пойдориву бақои миллати тоҷик, ҳифзу идомати фарҳангу маънавиёти он мусоидат кунад ва дар ниҳояти кор миллатро ба сарманзили мақсуди хеш, яъне эҷоди давлати демократӣ, дунявӣ, ҳуқуқбунёд ва пешрафтаву мутамаддин бирасонад.   

 


Баёни ақида (0)    Санаи нашр: 26.06.2016    №: 125    Мутолиа карданд: 544

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед