logo

иқтисод

АНОРБОҒИ ДАШТИҶУМ ЭҲЁ МЕШАВАД?

Дар ноҳияи Шамсиддини Шоҳини вилояти Хатлон  машварати илмию амалӣ роҷеъ ба боғутокпарварӣ баргузор гардид. Дар он олимону мутахассисони Академияи илмҳои ҷумҳурӣ, Институти боғдорӣ ва сабзавоткорӣ, Маркази захираҳои генетикии Академияи илмҳои кишоварзии Тоҷикистон, деҳқонону соҳибкорон ва аҳли  маорифу фарҳанги ноҳия  ширкат варзиданд.
Эҳёи боғҳои табиии ноҳияи Шамсиддини Шоҳин, аз ҷумла анорбоғҳои  овозадори мавзеи Даштиҷум, ки алҳол  ба нигоҳубину парвариш ниёз доранд, мавзӯи марказии машварат қарор гирифт.
Мавриди зикр аст, ки шароити агроэкологӣ ва пасту баландшавии ҳарорати ҳаво, инчунин давомнокӣ ва шиддатнокии нурҳои офтоб дар минтақаҳои кӯҳсори мамлакат омилҳои тағйирёбии табиӣ ба шумор рафта, боиси ғанӣ гаштани генофонди  табиати ин диёр гаштаанд.
Ноҳияи  Шамсиддини Шоҳин дорои иқлими мусоид буда, дар он аксари дарахтони мевадиҳанда, аз қабили анор, анҷир, хурмо, себ, чормағз, нок, тут, ангур, зардолу нағз нашъунамо мекунанд. Аз ин ҷост, ки сокинони ноҳия анъанаҳои неки падару бобоёнро идома дода, навъҳои маҳаллии  дарахтони мевадиҳандаро то кунун парвариш намуда, нигоҳ доштаанд.
Анори навъи «Шириндона» - и мавзеи Даштиҷум дар Осиёи Марказӣ ҳамто надорад. Мутаассифона, дар 10 - 15 соли охир аз бемасъулиятии  роҳбарони вақт анорбоғи Даштиҷум рӯ ба таназзул оварда, шуҳрати қаблиашро гум кард. Боғҳои нодири анору анҷирзор низ ба  ҳар гуна касалӣ дучор ва туъмаи ҳашарот гаштанд.
Танҳо имрӯз мақомоти иҷроияи маҳаллии ҳокимияти давлатии ноҳия тасмим гирифтааст, ки  дар деҳаи Анҷироб беш аз 20 гектар боғҳои анорро ба 65 оила тақсим карда диҳад, то ин ки анорбоғҳо бо кумаки сокинон, ҷамоати деҳот, олимони соҳа ва саромоягузорон аз нав барқарор шаванд.
То чӣ андоза масъулони ноҳия муваффақ мешаванд, вақт нишон медиҳад, ҳарчанд худи тасмими тақсими замин ба деҳқонони асил аз нигоҳи аввал муфид ва мусбат метобад.
Ш. ТИЛЛОЕВ, рӯзноманигор


Баёни ақида (0)    Санаи нашр: 27.06.2016    №: 126-127    Мутолиа карданд: 514

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед