logo

порлумон

МАҲСУЛОТИ ЗАРГАРӢ. ҚОЧОҚИ ОН ПЕШГИРӢ МЕШАВАД

Дар ҷаласаи Маҷлиси намояндагони Маҷлиси Олӣ, ки таҳти раёсати Шукурҷон Зуҳуров баргузор гардид, вакилон ду созишномаи байни Ҷумҳурии Тоҷикистон ва Ҷумҳурии Қирғизистонро бекор карданд. Инҳо Созишнома байни Ҷумҳурии Тоҷикистон ва Ҷумҳурии Қирғизистон дар бораи ба шаҳрвандони Ҷумҳурии Тоҷикистон додани ҳуқуқи  ба таври сода баромадан аз шаҳрвандии Ҷумҳурии Тоҷикистон ва ба онҳо додани ҳуқуқи ба таври сода қабул кардани шаҳрвандии Ҷумҳурии Қирғизистон ва Созишномаи байни Ҷумҳурии Тоҷикистон ва Ҷумҳурии Қирғизистон оид ба тартиби содаи гирифтани шаҳрвандӣ мебошанд.

Маҳмадшариф Ҳақдод, муовини вазири корҳои хориҷии Ҷумҳурии Тоҷикистон, моҳияти бекор кардани ин созишномаҳои байнидавлатиро шарҳ дода, гуфт, ки онҳо бо назардошти ҳусни ҳамҷаворӣ, нигоҳдорӣ ва таҳкими муносибатҳои дӯстона ва неки ҳамсоягӣ қабул гардида, дар зарфи  14 сол амали таърихии худро пурра иҷро карданд. Назар ба гуфтаи мавсуф, ин амал ҳуқуқи соҳибихтиёрии гирифтани шаҳрвандии дигар давлатро маҳдуд намекунад, танҳо тибқи Қонуни конститутсионии Ҷумҳурии Тоҷикистон «Дар бораи шаҳрвандии Ҷумҳурии Тоҷикистон», ки соли 2015 қабул гардида буд, татбиқ карда мешавад. Зикр гардид, ки Тоҷикистон бо Қирғизистон оид ба душаҳрвандӣ шартнома надорад.
Дар ҷаласа, ҳамчунин, лоиҳаи Қонуни Ҷумҳурии Тоҷикистон «Оид ба ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2016» баррасӣ гардид. Ҷамшед Каримзода, муовини якуми вазири молия, иброз дошт, ки он ба мақсади роҳ надодан ба қочоқи маҳсулоти заргарӣ, кам кардани андозҳои пардохтҳои гумрукӣ ба он, инчунин, пешгирии  ҳолатҳои корруп-сионӣ, паҳн гардидани маҳсулоти бесифати заргарӣ ва ҷалби бештари маблағҳо ба буҷети давлатӣ таҳия гардидааст. Тибқи илова, бар ивази андоз аз арзиши иловашуда, аксиз ва боҷи гумрукӣ ҳангоми воридоти маҳсулоти заргарӣ, пардохтҳои махсуси гумрукӣ барои як грамм тилло 18 сомонӣ ва нуқра 3,6 дирам муқаррар шудааст. Таҳлили нишондиҳандаҳои барасмиятдарории маҳсулоти заргарӣ дар солҳои охир нишон медиҳад, ки ҳангоми воридот, бо сабаби баланд будани пардохтҳои давлатӣ, ки аз 40 то 42 дарсад арзиши молро дар бар мегирад,  ба таври қочоқ воридшавии ин маҳсулотро зиёд кардааст. Гуфта шуд, ки дар нуҳ моҳи соли 2015 аз Туркия тавассути ҳавопаймо соҳибкорони ватанӣ ба кишвар беш аз 700 килограмм маҳсулоти заргарии танҳо аз тилло ворид кардаанд, ки аз он 15 килограмм ба таври расмӣ ба қайд гирифта шудаасту халос. Аз 685 килограми он пардохтҳои гумрукӣ ба маблағи 39,7 миллион сомонӣ ба Буҷети давлатӣ ворид нагардидааст. Иловаҳои воридшуда ба таъсиси корхонаҳои муштараки коркарди ашёи хоми ватанӣ, бештар гардидани  ҷойҳои нави корӣ ва имкони ба кишвари содиркунандаи маҳсулоти дохилӣ табдил додани  Тоҷикистон шароит фароҳам меорад.
М. САФАР, «Ҷумҳурият»


Баёни ақида (0)    Санаи нашр: 2.07.2016    №: 130    Мутолиа карданд: 10544

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед