logo

иҷтимоиёт

ЛАГЕРҲОИ ТОБИСТОНА. АЗ “ПАРАСТУ” - И БЕСАРУСОМОН ТО НИЁЗҲОИ “БОБОДАРХОН”

Бо ин ном раёсати маорифи вилояти Суғд маводи танқидии хабарнигор Ҷовиди Аштиро, ки 4 июни соли 2016 дар рӯзномаи  “Ҷумҳурият” ба табъ расидааст, мавриди баррасӣ қарор дод.

Мавриди зикр аст, ки лагери «Парасту» - и шаҳри Конибодом  солҳои 60 - уми асри гузашта ба тариқи ҳашар сохта, ба ихтиёри Раёсати маорифи шаҳр вогузор шудааст. Бо гузашти вақт, дар воқеъ, биноҳо куҳнаву фарсуда гашта, ба талаботи рӯз ҷавобгӯ  нестанд.
Тибқи қарори раиси шаҳр дар истироҳатгоҳ як  қатор корҳо  ба  сомон  расиданд. Аз ҷумла, барои кабудизоркунӣ ва таъмиру тармим аз моҳи феврал корҳои омодагӣ ҷараён гирифт, 78 бех ниҳолҳои сояафкану мевадиҳанда шинонда шуданд.
Бо ҳидояти шаҳрдорӣ ва муассисаҳои таълимии шаҳр лагер соҳиби100 адад кӯрпа гардид. Бо кумаки омӯзгорони фанни технологияи муассисаҳои таълимӣ барои кӯрпаҳо абраву астари нав дӯзонида шуд. Бо ин мақсад аз ҷониби раёсати маориф 1200 сомонӣ маблағ ҷудо гардид.
Илова бар ин, толори дуюми хӯрокхӯрӣ, ки  дар ҳолати садамавӣ қарор дошт, аз таъмири асосӣ баромад. Инчунин, 120 метр қисмати шимолии лагер панҷарабандии оҳанӣ гардид.
Боронҳои пай дар пайи моҳи май ба таъмири лагер латма зада, деворҳои сафедкардашударо шуст.  Ошхонаи лагерро низ ҳоло аз таъмир бароварда, дар атрофи пайроҳаҳо гулҳои ороишӣ шинонданд
Баъди ислоҳи ҳамаи он камбудиҳо ва эродҳои зикргардида лагер дар басти якум 100 нафар кӯдаконро ба истироҳату фароғат фаро гирифт.
Дар ноҳияи Ашт як лагери берун аз шаҳр дар деҳаи “Бободархон”- и Ҷамоати деҳоти Понғоз мавҷуд буда, ҳар сол 60 - 80 хонанда дар ин лагер истироҳат менамояд.
Бо мақсади боз ҳам беҳтар намудани шароити лагери мазкур таъмиру тармим ва таҷҳизонидани он корҳои таъмирию ободонӣ анҷом ёфт. Дар боғи лагер зиёда аз 120 бех дарахтони мевадиҳанда шинониданд.
Корҳои рангубори ҷойҳои хоб ва ошхона ба анҷом расид. Лагери мазкур баъди таъмир  санаи 15 июни соли 2016 ба фаъолият оғоз ва  60 нафар хонандагонро ба истироҳати бофароғат фаро гирифт.
     Раёсати  маорифи мақомоти иҷроияи маҳаллии ҳокимияти давлатии шаҳри Исфара баҳри дар сатҳи зарурӣ омода намудани биною иншоотҳои истироҳатию солимгардонӣ ва ташкили истироҳати кӯдакону наврасон дар мавсими тобистони соли 2016 тибқи нақша - чорабиниҳо дар истироҳатгоҳи берун аз шаҳрии ба номи “Гагарин” корҳои зиёдеро ба сомон расонд. Аз ҷумла, ҳуҷраи оббозӣ (душ) ба маблағи 3000 сомонӣ аз нав барои шаш ҷой сохта шуд. Ошхона    бо маблағи 1800 сомонӣ таъмир ва  бо таҷҳизоти технологӣ ва яхдонҳо таъмин гардид. Чор бино бо лавозимоти хоб ҷиҳозонида, шаш айвончаҳои истироҳатии баҳорӣ таъмир ва рангубор гардиданд.
Умуман, барои омода намудани истироҳатгоҳ ба мавсими истироҳати тобистона бо дастгирии мақомоти иҷроияи маҳаллии ҳокимияти давлатии шаҳри Исфара 26050 сомонӣ сарф намуданд.
Абдумухтор Ғаффоров - сардори истироҳатгоҳи “Гагарин” барои хунукназарӣ ба вазифаи хизматӣ аз вазифа озод гардид.
Имсол дар вилоят 20 лагери беруназшаҳрӣ фаъолият менамояд, ки аз ин шумора 12 адади он дар тобеияти шуъбаҳои маорифи шаҳру ноҳияҳо ва кумитаи вилоятии иттифоқҳои касабаи маориф ва илм қарор доранд.
Умуман,  дар ҳамаи ин истироҳатгоҳҳо тибқи нақшаи пешакӣ фарогирии 102322 нафар хонандагони муассисаҳои таълимии вилоят ба истироҳат ва солимгардонӣ ба нақша гирифта шудааст.

О. КАРИМЗОДА,
сардори раёсати маорифи
вилояти Суғд


Баёни ақида (0)    Санаи нашр: 7.07.2016    №: 132    Мутолиа карданд: 446

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед