logo

иқтисод

6200 ГЕКТАР. ЧАРО ИН МИҚДОР ЗАМИН ДАР ВИЛОЯТИ ХАТЛОН БЕКОР МОНД?

“Дар 15 соли охир дар соҳаи кишоварзӣ 42 лоиҳаи давлатии сармоягузорӣ ба маблағи зиёда аз 3,7 миллиард сомонӣ амалӣ карда шуд. Айни замон дар соҳаи мазкур татбиқи 9 лоиҳаи давлатии сармоягузорӣ дар ҳаҷми 1,5 миллиард сомонӣ идома дорад”.
(Аз Паёми имсолаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии ҷумҳурӣ).

Мутаассифона, ҳолати мелиоративии заминҳои вилояти Хатлон ҳанӯз ҳам беҳбудӣ мехоҳад. Аксар коршиносони соҳаи кишоварзӣ бар он назаранд, ки сабаби асосии аз истифода дур мондани қисми зиёди заминҳои корами вилоят поккорӣ нагаштани заҳбуру заҳкашҳо ва ба таъмир фаро нагирифтани иншооти обрасон мебошад.
Ба иттилои Сафар Раҳимов, муовини сардори раёсати Кумитаи идораи замини вилояти Хатлон, то 1 июни соли равон 6205 гектар, ки аз он 5047 гектараш замини корами обӣ мебошад, аз гардиши кишоварзӣ берун мондааст. Бо сабабҳои шӯршавӣ 737, фаъол набудани шабакаҳои обрасонӣ 409, аз селу лойқа пур шудан 469, нагузарондани корҳои мелиоративӣ 303, матраҳи нодурусти корҳои хоҷагидорӣ 907, норасоии об 2051 гектар замин бекор мондааст. Дар сурати оқилона ва самаранок истифода бурдани ин замин ҳазорҳо тонна маҳсулоти кишоварзӣ истеҳсол кардан мумкин аст.
То таҷдиди хоҷагиҳо нигоҳдорию поккории иншооти обрасон бар зиммаи Раёсати беҳдошти замин ва обёрии вилояту ниҳодҳои он буд. Баъди барҳам хӯрдани колхозу совхозҳо ва ташкили хоҷагиҳои деҳқонӣ аксари саҳмдорон аз замин фоида ба даст овардан хостанд. Аммо тоза кардани заҳбуру заҳкашҳо ба хотири касе нарасид. Барои анҷом додани ин тадбир ассотсиатсияҳои истифодабарандагони об таъсис дода шуданд. Минбаъд нигоҳдории иншооти фавқуззикр аз се манбаъ: раёсати беҳдошти замин ва обёрӣ, ассотсиатсияҳои истифодабарандагони об ва буҷети маҳаллӣ сурат мегирад. Вазъи имрӯза ба он далолат мекунад, ки на ҳамаи масъулон дар матраҳи ин мароми наҷиб яксон саҳм мегиранд. Шамсиддин Гадоев, муовини сардори Раёсати беҳдошти замин ва обёрии вилоят, мегӯяд:
- Ин мавсим бо мақсади нигоҳдорӣ ва поккории иншооти обёрӣ мебоист зиёда аз 7,1 миллион сомонӣ ҷудо мешуд. Вале то моҳи июн ҳамагӣ 1,3 миллион сомонӣ ворид гардидаасту халос, ки баробари 17 дарсади нақша мебошад. Аз нарасидани маблағ ба ҷойи 4432 гектар ҳолати мелиоративии 869 гектарро беҳ карда тавонистанду халос.
Ба андешаи ӯ, омили асосии ин ноҷӯрӣ аз ихтисоси ками маблағ аз ҳисоби маблағҳои буҷети маҳаллист. Шаҳру ноҳияҳои вилоят аз 5,9 миллион сомонӣ ҳамагӣ 12 дарсадро ҷудо намудаанд.
Дар тақвияти гуфтаҳои Шамсиддин Гадоев афзуданием, ки аз як тараф сарчашмаҳои молиявии зикрёфта барои идораҳои байниноҳиявии об кам бошанд, аз тарафи дигар масъулони шаҳру ноҳияҳо муҳимии ин масъаларо нодида мегиранд. Президенти ҷумҳурӣ муҳтарам Эмомалӣ Раҳмон зимни ифтитоҳи бинои нави Кумитаи заминсозӣ (ноябри соли 2012) таъкид карданд: “Вазоратҳои кишоварзӣ, мелиоратсия ва захираи об, Кумитаи давлатии заминсозӣ ва геодезӣ вазифадоранд, ки якҷо бо роҳбарони мақомоти иҷроияи маҳаллии ҳокимияти давлатӣ ҷиҳати пешгирӣ кардани партовшавии заминҳои корам, беҳтар гардондани ҳолати мелиоративии онҳо ва ба гардиши кишоварзӣ ворид намудани ҳар ваҷаби замини киштбоб тадбирҳои зарурӣ андешанд”. Дар ин росто, истифодаи самараноки обу замин омили муҳими таъмини амнияти озуқавории мамлакат, манбаи асосии ашёи хом барои корхонаҳои истеҳсоли маводи ғизоӣ, ҷанбаи вижаи густариши иқтидори содиротии диёр ва замина гузоштан барои таъсиси ҷойҳои нави кор маҳсуб меёбад. Биноан, масъулон вазифадоранд, ки маблағгузориро ақаллан мутобиқи нақша роҳандозӣ намоянд.
Зокири ҲАСАН,
«Ҷумҳурият»


Баёни ақида (0)    Санаи нашр: 7.07.2016    №: 132    Мутолиа карданд: 471

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед