logo

сиёсат

ИСЛОМИ СИЁСӢ

АГАР БА СЕСАД СОЛИ ОХИР НАЗАР АНДОЗЕМ...
Маҳз дар солҳои соҳибистиқлолӣ ба хотири огоҳии комили мардуми тоҷик аз асолати инсонгароёнаи дини мубини Ислом бо ибтикори Сарвари давлат китоби муқаддаси Қуръон дар тарҷумаи тоҷикӣ ба дасти аҳолии мамлакат расида, маҷмӯи имконият ва шароит барои иҷрои фароизи динӣ фароҳам омад. Муҳимтар аз ҳама, имрӯз беҳтарин китобҳои бар пояи мазҳаби Имом Абу Ҳанифа дар масоили фиқҳ ва умуман фарҳанги исломӣ навишташуда бо ташаббуси давлат ба дасти чоп мерасанд.

Танҳо зарурати он мемонад, ки ҷомеа ва мардум аз ин осори нашршуда ба хотири баланд бардоштани маърифати динии худ истифода кунанд, на ин ки аз рӯи шунидаву фаҳмидаҳо амал намуда, ба доми фиреби нафароне, ки мардумро ба экстремизми динӣ мекашанд, биафтанд.
Мутаассифона, ба вуҷуд омадани ҳизбу ҳаракатҳои ба ном динӣ, ки аслан ба асли фарҳанги исломӣ робитае надоранд, имрӯз на танҳо номи ин дини мушаррафро бад менамоянд, балки ба куштори одамони бегуноҳ даст мезананд. Салафиҳо бо баҳонаи бозгашт ба асли ислом ва тоза кардани он аз бидъат мардуми мусалмонро ба қатлу куштор ҳидоят мекунанд. Дар натиҷаи ташвиқоти дурӯғин наврасону ҷавононро аз кишварҳои Осиёи Марказӣ ба сафи худ ҷалб намуда, вазъи ҷамъиятиву сиёсиро халалдор месозанд. Амалҳои террористии дар Покистон, Афғонистон, Сурияву Ироқ, Фаронса, Белгия, Туркия ва дигар кишварҳо рухдода, ҳақиқати ин амрро тасдиқ мекунанд.
Дар китоби муқаддаси Қуръон, сураи  Моида, ояти 32 омадааст: «Ҳамоно ҳар кас, шахсеро бидуни қассос ё бе он ки дар замин фитна ва фасоде барпо бикунад, бикушад, монанди он аст, ки тамоми мардумро куштааст». Ба ҳамин маънӣ, дар сураи Нисо, ояти 93 омадааст: «Ва ҳар ки амдан муъминеро бикушад, кайфараш дӯзах аст, ки дар он мондагор хоҳад буд ва Худо бар ӯ хашм мегирад ва лаънаташ мекунад ва азобе бузург барояш омода сохтааст». Аз ин рӯ, имрӯз он гурӯҳҳои экстремистӣ, ки аз номи дини мубини Ислом ҳарф мезананд, ҳаргиз иртиботе ба аслу моҳияти инсонгароёнаи Ислом надоранд ва танҳо аз ин номи муқаддас истифода мебаранд. Барои аз миён бардоштани таъсири ногувори афкори ҳизбу ҳаракатҳои ифротии «Давлати исломӣ», «Салафия», «Ҳизб-ут-таҳрир» дар Ҷумҳурии Тоҷикистон тамоми тадбирҳо дар сатҳи давлатӣ  роҳандозӣ шудаанд.  Сарвари муаззами кишвар дар суханрониву вохӯриҳои худ ба ин масъала таваҷҷуҳи хос зоҳир намуда, таъкид медоранд, ки бояд нисбат ба сарнавишти ҷавонони гумроҳшуда бетараф набошем ва барои пешгирӣ аз шомилшавии ҷавонон ба ин гурӯҳҳо корҳои ташвиқотиро пурзӯр намоем.
Агар ба таърихи сесад соли охири кишварҳои исломӣ назар афканем, дармеёбем, ки тайи ин муддат ислом ҳамеша василаи зери султа нигоҳ доштан барои абарқудратҳо будааст. Онҳо бештар ба таассуби динии мусалмонон такя карда, барои пиёдасозии ҳадафу манфиатҳояшон исломи сиёсиро ба вуҷуд оварданд. Исломи сиёсӣ асосан бо мақсади ҳарчи бештар дахолат кардан ба корҳои давлатдорӣ ва дар ин раванд ҷорӣ намудани қонунҳои шариат ва ба вуҷуд овардани бархӯрди мусалмону ғайримусалмон роҳандозӣ шудааст. Табиати исломи сиёсӣ тафриқаандозӣ байни мардум аст. Зеро бовару эътиқоди инсонҳо гуногун буда, он наметавонад якхела бошад. Чунин ҳолат ҳеҷ гоҳ ба манфиатҳои миллии кишварҳои мусалмонӣ набуд ва нест. Ба ибораи дигар, ҳамон усули сиёсии «тафриқа андозу ҳокимият намо», ки хоси мустамликадорон буд, аз он маншаъ мегирад.
Дар давлатҳое, ки ҳизбу ҳаракатҳои экстремистиву террористӣ фаъолияти пинҳонӣ ё ошкоро доранд, мухолифату парокандагӣ, адовату душманӣ аз байн намеравад.
Зикри як нукта муҳим аст, ки дар солҳои ҷанги шаҳрвандии Тоҷикистон низ ҳамин «исломгароён» давлатро ба вартаи нестшавӣ расонда буданд. Аз ин рӯ, ҳар як фарди ватандӯсту меҳанпараст, худшиносу худогоҳ ва бонангу номус бояд бо чунин равия ва ҳизбу ҳаракатҳои террористиву экстремистӣ оштинопазир бошад ва дар амнияту рушди устувори кишвар саҳми назарраси худро гузорад.

Ҷамолиддин ТИЛЛОЕВ,
корманди ШКД ВКД Ҷумҳурии Тоҷикистон дар шаҳри Кӯлоб


Баёни ақида (0)    Санаи нашр: 11.07.2016    №: 134    Мутолиа карданд: 605

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед