logo

иқтисод

ДЕВАШТИЧ: НОМУС ВА ҲУВИЯТИ МИЛЛӢ

Рустам ҶӮРАЗОДА,
 раиси ноҳияи Деваштич

Имрӯзҳо  ба муносибати 25 - солагии Истиқлолияти давлатӣ дар ноҳияи Деваштич корҳои созандагиву бунёдкорӣ вусъати тоза касб мекунанд. Ин аст, ки дар партави сиёсати бобарори Ҳукумати мамлакат дар даврони соҳибистиқлолӣ дар ноҳия танҳо бо роҳи сохтмони асосӣ, ҳашарҳои умумӣ, ҷалби соҳибкорони маҳаллӣ ва ёрии созмонҳои байналмилалӣ беш аз 80 иншооти соҳаи маориф ва 23 бинои ҳифзи сиҳатии омма  мавриди баҳрабардорӣ қарор гирифтанд. Беш аз 20 лоиҳаи хати оби нӯшиданӣ амалӣ шуда, ба истиқболи ҷашни фархундаи Истиқлолият ба истифода додани 25 иншооти ҷашнӣ дар назар аст.

Айни замон сохтмони яке аз иншооти ҳаётан муҳим - хати оби Даҳкатсой - Даҳанасой оғоз гардидааст, ки барои обёрии заминҳои бекорхобида, боло рафтани ҳосилнокии заминҳои корам, беҳтар гардидани шароити зисту зиндагонии аҳолӣ ва таъсиси ҷойҳои нави корӣ мусоидат менамояд. Бо усули барои мардуми ноҳия хос - ҳашари умумӣ ва ҷалби шахсони саховатпеша соли сипаригардида дар деҳаи Метки Ҷамоати деҳоти Ваҳдати ноҳия аз ҷониби Маҳкам Ёқубов бинои нави мактаб барои 300 хонанда ва ду пул дар роҳи байни деҳаҳои Хишекат-Метк аз ҷониби Норбибӣ Дӯстмуродова сохта шуда, бо иштироки раиси вилоят Абдураҳмон Қодирӣ мавриди истифода қарор гирифтанд. Инчунин бо ин усул дар деҳаҳои Ҳавутак ва Бобучак бунгоҳҳои тиббӣ сохта шуданд, ки баҳри беҳтар намудани хизматрасонии тиббӣ ба аҳолӣ мусоидат хоҳанд намуд.
Дар деҳаи Истиқлоли Ҷамоати деҳоти Муҷун бо роҳи ҳашари умумӣ бинои нави беморхона бунёд гардида, рӯзҳои наздик ба истифода дода мешавад. Дар ин деҳа сохтмони синфхонаҳои иловагӣ дар назди муассисаи таҳсилоти миёнаи умумии рақами 20 идома дорад. Дар доираи имкониятҳои мавҷудаи молиявӣ, ҷалби соҳибкорони маҳаллӣ ва ашхоси саховатпеша биноҳои иловагӣ дар назди муассисаи тарбиявии томактабии № 1 ва гимназияи № 3 сохта шуданд.
Таҳлилҳо нишон медиҳанд, ки ҷиҳати таъмини амнияти озуқаворӣ ва пешрафти иқтисодиёти ноҳия соҳаи кишоварзӣ нақши муҳим мебозад. Алҳол дар ноҳия 124 хоҷагии ҷамоавии деҳқонӣ ва 1867 хоҷагии деҳқонии инфиродӣ амал менамояд. Солҳои пеш соҳаи токпарварӣ хеле тараққӣ карда буд. Ин аст, ки баҳри барқарор намудани токзорҳои куҳна тадбирҳои зарурӣ андешида шудаанд, то шуҳрати қаблии ангуру мавиз ва шарбату шароби ноҳия аз нав барқарор гардад. Бо ин мақсад дар панҷ моҳи соли ҷорӣ 58,94 гектар боғи нав бунёд гардид.
Дар ноҳия, инчунин, ба рушди соҳаи картошкапарварӣ диққати ҷиддӣ дода мешавад. Айни ҳол истеҳсоли картошка ба беш аз 100 ҳазор тонна расонда шудааст. Майдони кишти ин зироат сол ба сол афзуда, ҳоло 3433 гектарро ташкил медиҳад. Дар ин замина, бо дастгирии раиси вилоят дар деҳаи Овчии ноҳия бо роҳандозии сохтмони хати оби полизӣ майдони кишти картошка 100 гектар зиёд гардида, ҳамчунин дар робита ба ин масъала бо иштироки олимони ватанию хориҷӣ конфронси байналмилалӣ доир гардид, ки бовар меравад ба рушди соҳа такони тоза бахшад.
Соли ҷорӣ кирмакпарварони ноҳия низ меҳнати пурмаҳсул намуда, нақшаи фурӯши маҳсулотро 105,3 дарсад иҷро намуданд. Дар панҷ моҳи соли ҷорӣ ҳаҷми маҷмӯи маҳсулоти кишоварзӣ ба 25 миллиону 966 ҳазор сомонӣ расонда шуд, ки нисбат ба ҳамин давраи соли гузашта 110,2 дарсад мебошад. Баҳри баланд бардоштани ҳосилнокӣ коркарди дурусти заминро ба роҳ монда, хоҷагиҳои кишоварзӣ бо тухмиҳои хушсифат таъмин шудаанд.
Бо мақсади амалӣ намудани дастури Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба вусъати корҳои ободониву бунёдкорӣ, гиромидошти арзишҳои миллӣ, таҳкими ҳувияти миллӣ, баланд бардоштани ҳисси хештаншиносӣ, ватандӯстӣ, зебоипарастӣ, бахшида ба 25 - солагии Истиқлолияти давлатии Ҷумҳурии Тоҷикистон мусобиқаи ҷумҳуриявӣ барои шаҳр, ноҳия, шаҳрак, деҳот, деҳа, маҳаллаи беҳтарин, оила ва хонаи намунавӣ баргузор  шуд. Дар натиҷа ҳамчун хонаи намунавӣ - хонаи Ф. Холова, сокини деҳаи Росровути Ҷамоати деҳоти Росровут, оилаи намунавӣ - оилаи Ф. Нуруллоев,  сокини  шаҳраки Ғончӣ, маҳаллаи беҳтарин - маҳаллаи Файзободи Ҷамоати шаҳраки Ғончӣ, деҳаи беҳтарин - деҳаи Истиқлоли Ҷамоати деҳоти Муҷун ва ҷамоати беҳтарин - Ҷамоати деҳоти Яхтан арзёбӣ шуда, дар ин бора маводҳо барои баррасӣ ба мақомоти иҷроияи ҳокимияти давлатии вилоят пешниҳод гардиданд. Дар рафти баргузории мусобиқа диққати асосӣ ба тозаю озода намудани маҳали зист, сарсабзиву хуррамии диёр, амалӣ намудани корҳои зиёди ободонию бунёдкорӣ нигаронда шуд.
 Мардуми сарбаланду меҳнатқарини ноҳия бо шукргузорӣ аз даврони соҳибистиқлолӣ баҳри сазовор пешвоз гирифтани ҷашни 25 - солагии Истиқлолияти давлатии Ҷумҳурии Тоҷикистон, дар ин замина ноил гардидан ба нишондиҳандаҳои баланди истеҳсолӣ ва беҳтар намудани сатҳу сифати зиндагии мардум кору фаъолият менамоянд.
 


Баёни ақида (0)    Санаи нашр: 11.07.2016    №: 134    Мутолиа карданд: 581

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед