logo

иҷтимоиёт

ТАРКИШ ДАР ХАТЛОН. МАСЪУЛОН БА КУҶО МЕНИГАРАНД?

9 июли соли ҷорӣ, соатҳои 15:40 дар як нуқтаи фурӯши сӯзишвории ҳудуди ноҳияи Бохтар сӯхтор ва таркиши ниҳоят сахт рух дод. Дар натиҷа як нафар ҳалок ва 17 тан ҷароҳатҳои гуногуни ҷисмонӣ бардошт.

Аз Вазорати корҳои дохилӣ иттилоъ доданд, ки нуқтаи фурӯши гази моеъ ба ҶДММ «Кафолат - Садбарг» тааллуқ доштааст. Ҳарчанд ба ҷойи ҳодиса кормандони раёсати Хадамоти давлатии оташнишонии вилояти Хатлон ва дигар ниҳодҳои дахлдор сафарбар шуда бошанд ҳам, аз оқибати вазнини он ҷилавгирӣ карда натавонистанд.
Ҳамакнун комиссияи вижаи Ҳукумати мамлакат дар ҳамдастӣ бо прокуратураи ноҳияи Бохтар ва идораи сӯхторнишонии ноҳия аз пайи таҳқиқ ва муайян кардани зарари расида ҳастанд. Лекин дар асоси таҳқиқҳои фаврӣ аз ВКД иттилоъ дода шуд, ки ин ҳодиса дар натиҷаи вайрон намудани қоидаҳои бехатарӣ аз сӯхтор ҳангоми холӣ намудани гази моеъ аз нақлиёти «Дулан» - и ҳомили гази моеъ ба зарфи нигоҳдории газ сар задааст. Тибқи хабарҳои пешакӣ зимни интиқоли газ шланг, ки дар сараш оҳани насбшаванда дорад, зери фишори зиёд аз дасти корманди НФС парида, ба баданаи фӯлодини зарфи газдор бархӯрда, оташ ба амал омадааст. Ва дар наворҳои видеоии шоҳидони ҳол дида мешавад, ки оташи газ ҳамон замон мошинро иҳота кардааст. Дар аввал зарфи газкашони “Дулан” аз як ҷояш таркида, сӯхтори миёна ба амал овард. Дар таркиши дувум он зарф ва дигар асбобу ускунаи НФС ба ҳаво парида, то 80 -100 метр пош хӯрдаанд. Чуноне зикр гардид, ин таркиш хисороти ҷонӣ низ дар пай дошт. Нафари фавтида, ки корманди ҳамин НФС буд, Алихон Малахов ном дошта, се фарзанд доштааст. Корманди дигари ин нуқтаи сӯзишворӣ З. Зоиров то лаҳзаи чопи мақола дар беморхонаи вилоятии ба номи Бӯрӣ Воҳидови шаҳри Қӯрғонтеппа бистарӣ буд. Дар ин хусус ба мо Раҷабмо Гадоева, навбатдори шуъбаи қабули беморони муассисаи тиббии мазкур хабар дод. 16 нафари дигар, азбаски табибон ҳолаташонро сабук арзёбӣ карданд, пас аз дарёфти хидмати тиббӣ бо хоҳиши худ ба хонаҳояшон рухсат шуданд. Аз мавҷ, чарахса ва алангаи оташу таркиш мағоза, нонво, ошхона, нуқтаи фурӯши маҳсулоти полизӣ, боми хонаҳо ва ду нақлиёти тамғаи Opel ва Mersedes зарари ҷиддӣ диданд.
“Ин гуна нуқтаи оташангез набояд дар мавзеи сераҳолӣ бунёд меёфт. Дар атрофаш хонаҳои бисёр ва нуқтаҳои фурӯши маҳсулоти ғизоӣ ҷойгиранд. Мувофиқи меъёрҳои ҷаҳонӣ дар ин гуна ҷойҳо бояд василаи худкори бо кафк муҷаҳҳаз насб шуда бошад. Аммо то ҷойе ман медонам, ин гуна таҷҳизоти муосири сӯхторнишонӣ дар тамоми вилоят фақат дар кадом як НФС - и шаҳри Кӯлоб ҳасту бас. Хайрият, ки ин НФС ҳаҷман калон набуд, вагарна...”, - афзуд як нафар сокини ноҳияи Бохтар, ки шоҳиди ҳол буд.    
Зимнан соҳибкорони хатлонӣ аз бунёди корхонаву коргоҳҳои истеҳсолӣ дида, ба сохтмони НФС - ҳо таваҷҷуҳи бештар доранд. Ҳарчанд дар шаҳру ноҳияҳои калони вилоят тақрибан дар сад метр як НФС ҳаст, аммо сохтмонҳои нав ба нави онҳо ҳанӯз идома доранд. Мутаассифона, зимни эъмори НФС - ҳои нав ҳам мавзеи сераҳолӣ будан ба инобат гирифта намешавад. Мисоли равшани онро дар кӯчаи “Ургутмаҳалла” - и шаҳри Қӯрғонтеппа дидан мумкин аст. Ин ҷо ширкати “Bahor oil” бо хароҷоти зиёд аз ҷиҳати ҳаҷм калонтарин НФС - ро сохта истодааст. Масъулон дар чӣ андешаанду ба куҷо менигаранд?
Зокир ҲАСАН,
“Ҷумҳурият”


Баёни ақида (0)    Санаи нашр: 12.07.2016    №: 135    Мутолиа карданд: 858

03.05.2019


 ТАВСЕАИ ҲАМКОРИҲОИ СОХТОРҲОИ ГЕОЛОГИИ ТОҶИКИСТОНУ ӮЗБЕ-КИСТОН

 МУЛОҚОТИ ИСМАТУЛЛО НАСРЕДИН БО МЕҲР ХОЛИД

 ФИЛМИ «ТАНГНО» АЗ ҚАЗОН БО ҶОИЗА БАРГАШТ

 ИҶОЗАТНОМА БАРОИ ФАЪОЛИЯТИ ОПЕРАТОРИ НИЗОМИ ПАРДОХТӢ

 ЁВОН. БУНЁДИ 341 ИНШООТ ТО ҶАШНИ ФАРХУНДА

 ВАРЗОБ. ФАРДО АЗ ИМРӮЗ ЗЕБОТАР ХОҲАД ШУД

 ОЛМОН ЗИДДИ ВУРУДИ НИЗОМИЁН БА ВЕНЕСУЭЛА

 ДАР ҲИНДУСТОН АЗ ХАТАРИ ТУНДБОДИ «ФАНИ» БЕШ АЗ 800 ҲАЗОР НАФАР КӮЧОНДА ШУД

 ПАРЛАМЕНТИ ҚИРҒИЗИСТОН КОРКАРДИ КОНҲОИ УРАНРО БОЗДОШТ

 ДАР ТУРКМАНИСТОН НАРХИ ЧИПТАИ ҲАВОПАЙМОҲО ДУ БАРОБАР БОЛО РАФТ

ТУРКИЯ СЕЮМ КИШВАРИ САБЗТАРИНИ ДУНЁ ЭЪТИРОФ ШУД

02.05.2019


 Ҳадияи раиси шаҳр ба ифтихори 74 – умин солгарди Рӯзи Ғалаба

 Мулоқоти Хусрав Нозирӣ бо Муҳаммад ибни Абдураҳмон

 Баррасии фаъолияти ҳуқуқэҷодкунӣ дар кишвар

 ҶОМИ КФО. Пирӯзии «Истиқлол» бар «Дордой»

 Баргузории мизи гирд доир ба дипломатияи мардумӣ дар Тошканд

 Ҷонибҳои тақобули Сурия қисме аз масоили баҳсиро ҳал намуданд

 ЮНИСЕФ: "Беш аз 2 миллион нафар мардуми Ангола аз хушксолӣ дар азоб аст"

Дар Ҷопон давраи нави Рэйва оғоз ёфт

 Ҷаҳон дар як сатр

01.05.2019


Ноболиғони тоҷик ба Ватан баргардонда шуданд

Вохӯрии Сироҷиддин Муҳриддин бо Ҳамад Солим

Рушди иҷтимоиву иқтисодии минтақаҳои кишвар матраҳ гардид

Се собиқадори тоҷик дар паради Ғалаба дар Москва ва Санкт - Петербург ширкат мекунанд

Дар Венесуэла исён зидди ҳукумат бебарор анҷом ёфт

Дар Либия 345 нафар қурбони бархӯрди мусаллаҳона гашт

Истеҳсоли рекордии чой дар Кения

Дар Париж ба барҷастатарин занҳои олим арҷгузорӣ намуданд

ҶАҲОН ДАР ЯК САТР

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид


Дар сомонаҳои дигари Тоҷикистон хонед