logo

маориф

5 СОЛ. ДАР ИН МУДДАТ ЛИТСЕЙИ КАСБИИ МАЪЮБОН ДАСТОВАРДҲОИ ЗИЁД ДОРАД

Литсейи касбии махсуси маъюбон, воқеъ дар маҳаллаи Камонгарони ноҳияи Сино, соли панҷум аст, ки дарҳои худро боз кардааст. Ин ягона макони таълиму тадрис ва бо ҷойи кор таъмин намудани маъюбон дар пойтахт ба ҳисоб меравад, ки аз рӯйи шаш ихтисос мутахассис тайёр мекунад. Муассиса дорои 10 синфхонаи назариявӣ, 6 устохона, 6 синфхонаи умумӣ ва 4 хонаи кории муҷаҳҳаз бо таҷҳизоти муосир, ҳамчунин китобхонаи электронӣ, қироатхона, бунгоҳи тиббӣ ва ошхонаи ба талаботи замон ҷавобгӯ мебошад.

Касбомӯзони гурӯҳҳои радиомеханика, телевизион, системаи роёна ва интернет – технология, ҳисобдорӣ, дӯзандагӣ ва пойафзолдӯзӣ аз он изҳори қаноатмандӣ намуданд, ки барояшон шароити хуби зиндагиву омӯзиши касбу ҳунар фароҳам оварда шудааст. Давриннисо ном хонандаи курси дуюми гурӯҳи ҳисобдории литсей, донандаи хуби забони русӣ ва англисӣ, бо самимияти беандоза аз имкониятҳои васеи таълимӣ дар муассиса ибрози андеша намуда, гуфт, ки акнун метавонад баъд аз хатми литсей бе монеа ба донишгоҳ дохил шуда, соҳибкасб гардида дар оянда ба ҳайси муҳосиб ва тарҷумони забони англисӣ кор кунад.
Қайд кардан ба маврид аст, ки мисли Давриннисо дар муассиса хонандагони болаёқат зиёданд. Шумораи онҳо ба 263 нафар расидааст, ки дар самтҳои мухталиф ба касбомӯзӣ машғуланд. Махсусан, маҳсули дастранҷи дӯзанда – тарроҳони моҳир қобили таваҷҷуҳ аст. Кори онҳо метавонад на танҳо диққати мардуми кишвар, балки сайёҳони хориҷиро низ ҷалб намояд. Барои ин ташкили намоиш – фурӯши маҳсулоти дастии онҳо ба манфиат аст. Зимни суҳбат бо онҳо, тафаккури солим, рӯҳи шикастнопазир, иродаи қавӣ ва ниҳоят диди некбинона аён буд. Албатта, дастгирии устодону омӯзгорони пуртаҷриба низ инҷо чашмрас аст. Хонандагон дарк менамоянд, ки агар бо баҳои хубу аъло таҳсил намоянд, баъди хатм тибқи имтиёзи барояшон пешбинишуда ба мактабҳои олии мамлакат дохил мешаванд. Барои баланд бардоштани маънавиёти худ хонандагон аз китобхонаи электронӣ, ки дорои адабиёти зиёди бадеӣ ва таълимӣ мебошад, васеъ истифода мебаранд.
Пизишкони бунгоҳи тиббию ҳуҷраи физиотерапевтӣ иборат аз 7 нафар ба солимгардонии хонандагони маъюб аҳамияти ҷиддӣ медиҳанд. Барои беҳсозии саломатии онҳо утоқи тавонбахшӣ бо воситаҳои ҳаракатдиҳандаи узвҳои бадан, маҳс, сандалии барқӣ амал мекунанд.
Ба гуфтаи Мавлуда Саидаҳмадзода, директори муассисаи литсейи касбии махсуси маъюбон, сарпарасти асосии муассиса Вазорати саноат ва технологияҳои нави ҷумҳурӣ мебошад, ки аз ҷониби Ҳукумати мамлакат ҷиҳати дастгирии ҳамаҷонибаи шахсони дорои имконияташон маҳдуд вобаста шудааст. Вазорат дар давоми чанд соли охир барои таъмини муассиса бо дастгоҳҳои дӯзандагӣ ва утоқи таъмири ашёи рӯзгор мусоидат намудааст. Бо вуҷуди ин, муассисаи таълимӣ ба толори варзишии дорои таҷҳизоти солимгардонӣ ниёз дорад. Зеро маҳз ривоҷи варзиш дар литсей омили бардамиву рӯҳи солими маъюбон мегардад. Ҳамчунин литсейи касбии махсуси маъюбон ба таъмир ниёз дорад, утоқҳои хоб ва баъзе аз синфонахонаҳои таълимӣ аз дастгоҳҳои муътадилсозии ҳавои хона  маҳруманд. Феълан 100 нафар хонандагони маъюб дар таътили тобистона ба истироҳатгоҳҳо сафарбар шудаанд. Масъулони соҳа умед бар он доранд, ки бартараф сохтани мушкилоти ҷойдошта аз ҷониби сарпарасти кул ва дигар шахсони хайрхоҳ боиси сарфарозии ҳар як касбомӯз гардида, дар солимии ин қишри ҷудонопазири ҷомеа мусоидат мекунад.
 
О. ВАФОБЕКЗОДА,
С. АЛИМОВА,
«Ҷумҳурият»


Баёни ақида (0)    Санаи нашр: 13.07.2016    №: 136    Мутолиа карданд: 4414
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед