logo

сиёсат

«ДАВЛАТИ ИСЛОМӢ» ДАР КӮТОҲМУДДАТ АЗ БАЙН ХОҲАД РАФТ

Ҳадафи аз ҳама хатарбори гурӯҳи «Давлати исломӣ» нобуд сохтани давлатҳои миллист. Вале ин гурӯҳ, ки замоне дар хоки Ироқу Сурия нуфузи зиёд касб карда буд, баъд аз амалиёти низомии Русия дар Сурия ба шикаст рӯ ба рӯ шуд. Бисёр минтақаҳои таҳти нуфузи он аз ҷангиён озод ва баробари бозпас гирифтани шаҳри Раққа, ки аз пойгоҳи аслии ҷангиён аст, «Давлати исломӣ» дар кӯтоҳмуддат аз байн хоҳад рафт.

Дар ин бора роҳбарияти Маркази тадқиқоти стратегии назди Президенти Ҷумҳурии  Тоҷикистон дар суҳбат бо хабарнигорон ибрози назар намуданд. Худобердӣ Холиқназар, директори марказ, дар мавриди ҷалби шаҳрвандони Тоҷикистон ба сафи ҷангиёни «Давлати исломӣ» дахл намуд ва гуфт, ки омори ҷалби шаҳрвандон ба гурӯҳҳои террористӣ дар нимсолаи аввали соли ҷорӣ ба таври назаррас коҳиш ёфтааст. Зикр шуд, ки то кунун эмиссарҳои «Давлати исломӣ» бо истифода аз усулҳои муосир ва имкониятҳои васеи интернетӣ бо чанд забон корҳои ташвиқотии худро идома медиҳанд, вале таблиғоти густардаи Ҳукумат алайҳи ифротгароӣ дар ҳамаи минтақаҳои ҷумҳурӣ натиҷаҳои судманд ба бор оварда, мафкураи зиддитеррористиву зиддиифротиро дар ҷомеа шакл бахшидааст.
Бояд гуфт, ки то кунун эътилофҳои алоҳидаи байналмилалӣ, аз ҷумла эътилофи таҳти роҳбарии Амрико бо гурӯҳи террористии «Давлати исломӣ» дар набарданд. Аммо, таҳлилгарони умури низомӣ зимни таҳлили вазъ дар мубориза алайҳи терроризм ба ҷониби Русия бартарӣ медиҳанд. Зеро ба эътирофи умум амалиёти низомии Русия зидди «Давлати исломӣ», ки моҳи сентябри соли 2015 бо дархости расмии Ҳукумати Сурия сурат гирифт, натиҷаҳои муассир ба дунбол дошт. Чунончи, баъд аз ҳамин амалиёт мавзеъҳои таҳти тасарруфи «Давлатӣ исломӣ» озод ва мавқеи он дар Ироқу Сурия танг шуд ва теъдоди ҷангиён низ коҳиш ёфт. Дар ҳамин ҳол, таҳлилгарон мегӯянд, ки қудратҳои ҷаҳони муосир дар мубориза бо терроризм дунболи манофеи геополитикии худ ҳастанд ва агар манфиати онҳо дар муқовимат алайҳи  «Давлати исломӣ» дар Ироқу Сурия аз ҳам тафовут намедошт, кайҳо ин гурӯҳи террористӣ аз байн бурда мешуд.
Дар пасманзари ҳаводиси ахир ба таҳдиди хатарҳо аз сӯи Афғонистон ба Осиёи Марказӣ таваҷҷуҳ зоҳир шуда, нуфузи бештари гурӯҳҳои тундрав дар ин кишвар мояи нигаронии амиқ арзёбӣ гардид. Аз ин рӯ, таъкид мешавад, ки бояд кишварҳои минтақа ва давлатҳои узви Созмони Аҳдномаи амнияти дастаҷамъӣ барои ҷилавгирӣ аз хатарҳои эҳтимолӣ омода бошанд.
Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 13.07.2016    №: 136    Мутолиа карданд: 504

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед