logo

сиёсат

ХОВАРИ МИЁНА. САБАБИ НИЗОЪҲОИ ФАРОГИР СУИСТИФОДА АЗ АРЗИШҲОИ ИСЛОМ АСТ

Дар Паёми имсолаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон масъалаи раванди хатарнок касб намудани экстремизм ва терроризм ҳамчун мавзӯи калидӣ баҳогузорӣ шуд. Дарвоқеъ, суистифодаи арзишҳои волои дини ислом боиси роҳандозии низоъҳои динию мазҳабӣ ва миллию нажодӣ дар кишварҳои Ховари Миёна гардидааст.

Чунин вазъи таъсиргузории беруна аз мо талаб менамояд, ки ба масъалаи зиракӣ ва ҳушёрии сиёсӣ таваҷҷуҳи зиёд зоҳир намоем ва корҳои фаҳмондадиҳиро дар байни ҷавонон тақвият бахшем. Наврасону ҷавонон бояд донанд, ки ҳамаи низоъҳо дар заминаи «вусъати бесобиқаи бархӯрди манофеи абарқудратҳо барои аз нав тақсим кардани ҷаҳон» ва сабаби асосии ҷангу куштор, низоъҳои мазҳабию динӣ ва харобию вайрониҳо гурӯҳи террористии «Давлати исломӣ» будааст.    
Ин созмони террористиро муҷоҳидони салафӣ таъсис доданд ва моҳи июни соли 2014 худро ҳамчун «Давлати исломӣ» дар қисмати ғарбии Ироқ муаррифӣ карданд. Ин гурӯҳ мақсади асосии худро бунёди Хилофати саросарии ҷаҳонӣ эълон кард ва Абубакри Бағдодиро халифаи нахустини худ эълон намуд. Сипас, номи пурраи он дар шакли англисии «Islamic State of Iraq and the Levant» (ISIL) пайдо шуд. Дарҳол номи русии он - «Исламское государство Ирака и Леванта», ки шакли мухтасараш ИГИЛ аст, дар расонаҳо паҳн гардид. Дар як вақт номи арабиаш низ ҳамчун «ад-Давлату-л-исломияту фӣ-л-Ироқи ва-ш-Шом» расонаӣ шуд. Худи роҳбарону саркардагони ин созмон онро «Давлати исломӣ» номгузорӣ кардаанд.
Бояд зикр кард, ки имрӯз экстремизм ва терроризми диние, ки дар шакли «Давлати исломӣ» зуҳур кардааст, проблемаи глобалии ҷаҳонӣ аст. Ҳарчанд аксари давлатҳои ҷаҳон ин созмонро ниҳоди террористӣ эълон кардаанд, вале ҷои бисёр таассуф аст, ки ҳоло ҳам таъсиргузорӣ ва мағзшӯии мубаллиғонаш дар байни шаҳрвандони кишварҳои гуногуни ҷаҳон, алалхусус, ҷавонони  тоҷик идома ёфта истодааст. Кӯшишҳои бадном кардани мазҳаби суннатии ҳанафӣ аз тариқи расонаву сомонаҳо ва шабакаҳои иҷтимоии хориҷӣ роҳандозӣ мешаванд. Мо бояд зиракона дарк намоем, ки саркардагони «Давлати исломӣ» аслан ният доранд мафкураву андеша ва ҷаҳонбинии насли ҷавони кишвари моро тағйир диҳанд. Дар ин масъала  онҳо тамоми имкониятҳои технологияи баланд ва таъсиррасони равонию идеологиро роҳандозӣ менамоянд.
Ин ҷо зарур мешуморем ба таваҷҷуҳи падару модароне, ки ҷавонписарону духтарони бакамолрасида доранд, масъулона расонем, ки аз гуфтору рафтор ва кору пайкори фарзандонашон огоҳии комил дошта бошанд, вазъияти мураккаби муосиррро дуруст ба онҳо фаҳмонда диҳанд ва нагузоранд, ки ҷигарбандонашон ба коми аждаҳоӣ ва доми аҳримании душманони ислом ва фарҳангҳои миллӣ гирифтор шаванд. Маълум аст, ки шахси ҳунарманд, огоҳ ва кордон ҳеҷ гоҳ ба доми фиреби касе намеафтад. Ин хатар бештар байни ҷавонони дар муҳоҷирати меҳнатӣ қарордошта таъсири нохуб дорад. Ба назари мо, шинохтани  мубаллиғони ба ном худоҷӯи «Давлати исломӣ» он қадар мушкил нест. Дурӯғ будани даъватҳои онҳоро аз рӯйи мантиқи одӣ муайян кардан мумкин аст.
Яке аз онҳо, ваъдаи пардохти маблағҳои калон ва шароити ниҳоят хуби кору зиндагӣ аст, ки дар шароити буҳрони молиявию иқтисодӣ дурӯғи маҳз мебошад. Дуюм, онҳо асосан ба ҷиҳод ва фидокорӣ дар роҳи адолати исломию инсонӣ даъват мекунанд. Дар замони пешрафти илму техника ва табодули маълумот аз тариқи интернет ҳар кас метавонад огоҳӣ пайдо кунад, ки маънои аслии ҷиҳод барои  зиндагии созгор саъю талош ва ҷидду ҷаҳд кардан аст. Ҷиҳоде, ки онҳо пешниҳод мекунанд, худкушӣ аст.
Аз ин рӯ, вазифаи ҳар шахси  солимфикри ҷомеаи шаҳрвандии Тоҷикистон ҳам ҳаст, ки бо истифода аз ҳамаи роҳу василаҳои имконпазир ҷавононро аз  таъсиргузории ақидаҳои маъшуми беруна раҳоӣ бахшем. Бояд ҳар  зиёии ватандӯст нагузорад, ки падару модари тоҷик бо хуни ҷигар фарзанд тарбия карда, ба воя расонад, вале ба ҷойи дар хидмати халқу Ватани худ будан онҳо ба осонӣ гирифтори ақидаҳои заҳрогини мазҳабии сохта ва ифротӣ шаванд, дар хорию зории хоки бегона оғуштаи хун ва қурбони андешаҳои беарзиш гарданд.
Тоҷикистони соҳибистиқлол аз оғоз дар сафи пеши мубориза бо зуҳуроти экстремизм ва терроризм қарор дошт. Мардуми шарифи Тоҷикистон дар таҷрибаи худ дарк кардаанд, ки танҳо давлату давлатдории пойдори миллӣ, беҳтар шудани зиндагии мардум, раванди бебозгашти ободонию созандагӣ, худшиносию худогоҳӣ ва ифтихори ватандорӣ ояндаи дурахшони моро муайян карда метавонанд.
Дар шароити кунунӣ ба хотири ҳифзи манфиатҳои давлатдории миллӣ ва таъмини рушди устувори иқтисодӣ ва фарҳангӣ мо роҳи дигаре ба ҷуз дарёфти ҳалли дурусту оқилонаи ин масъалаи ташвишовар  надорем. Ҷавонони хушбахти Ватан бояд донанд, ки натиҷаи кӯркӯрона ва булҳавасона пайравӣ кардан ба ҳизбу ҷараёнҳои ифротӣ танҳо   пушаймонию саргардонӣ аст. Онҳо бояд бовар кунанд, ки ҳар раванду ҷараёни дурӯғин оқибат расвою шарманда мешавад, ки гурӯҳи террористии «Давлати исломӣ»  истисно нест.

Баракатулло КАМОЛЗОДА,
сардори Раёсати назорати иҷрои
қонунҳо оид ба ноболиғон ва ҷавонони Прокуратураи генералии Ҷумҳурии Тоҷикистон,
мушовири адлияи дараҷаи 1


Баёни ақида (0)    Санаи нашр: 16.07.2016    №: 137    Мутолиа карданд: 552

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед