logo

иҷтимоиёт

САТҲИ БЕМОРИҲОИ ДИЛУ РАГҲОИ ХУНГАРД АФЗУДААСТ. ЧӢ БОЯД КАРД?

Солҳои охир дар аксар кишварҳои ҷаҳон сатҳи болоравии гирифторӣ ба бемориҳои дилу рагҳои хунгард мушоҳида мешавад, ки мутаассифона, Тоҷикистон низ истисно нест. Бино ба таҳлили худи коршиносон дар давоми 5 - 6 соли охир он тахминан 39 дарсад зиёд гардидааст, ки хеле нигаронкунанда аст. Қариб 40 дарсади ин ҳолатҳо сабаби марги беморон мегарданд.

Тошпӯлод  Гулмуродов, корманди илмии Маркази ҷумҳуриявии ҷарроҳии дилу рагҳои хунгард иброз дошт, ки ин бемориҳо миёни бемориҳои сабаби марги инсоншаванда ҷойи аввалро мегиранд.
 «Бемориҳои мазкур сабук ба назар расанд ҳам, ба ҳаёти инсон хавфи калон доранд. Тибқи маълумоти Ташкилоти умумиҷаҳонии тандурустӣ бештар аз 30 дарсади беморони мазкурро метавон ба таври пурра бо истифода аз технологияҳои гуногуни инноватсионии ҷарроҳӣ ва эндоваскулярӣ муолиҷа намуд. Таҳлилҳо нишон медиҳанд, ки дар Тоҷикистон миқдори бемориҳои системаи дилу рагҳои хунгард дар соли 2014 нисбат ба соли 2000 - ум 39,2  дарсад  зиёд гардидааст.  Дар ин сол фавт дар заминаи бемории ишемияи дил дар байни мардони сини 40 – 46 - сола 194,4 нафар ба 100 000 аҳолӣ баробар шуд.
Тибқи маълумоти Вазорати тандурустии кишвар ҳамасола дар ҷумҳурӣ беш аз 1700 нафар кӯдакон бо нуқсони модарзодии дил таваллуд шуда, 75 дарсади онҳо бинобар нагирифтани табобати махсусгардонидашуда бармаҳал мефавтанд.
Вазорати тандурустӣ ва ҳифзи иҷтимоии аҳолӣ, ҳамчунин  иттилоъ медиҳад, ки барои коҳиш додани хавфи бемории мазкур дар баробари тайёр кардани табибони соҳаи ҷарроҳии дил, инчунин таҷҳизоти зарурии соҳа низ дастрас карда шудааст. Нусратулло Салимзода, вазири тандурустӣ ва ҳифзи иҷтимоии аҳолӣ, вобаста ба ин масъала изҳор дошт, ки амалиётҳои ҷарроҳии дил дар кишвар натиҷаи мусбат дода истодаанд.
«Солҳои пеш шаҳрвандони мо барои ҷарроҳӣ, ё табобат бо харҷи маблағҳои зиёд ба хориҷи кишвар мерафтанд. Ҳоло чунин имконият дар кишвар фароҳам оварда шудааст. Солона теъдоди мушаххаси кӯдакони гирифтори бемории дил аз ҳисоби буҷети мақомоти иҷроияи маҳаллии шаҳри Душанбе ҷарроҳӣ мешаванд.
Дар Маркази ҷумҳуриявии илмии ҷарроҳии дилу рагҳои хунгард, Маркази ҷумҳуриявии клиникии бемориҳои дил, Маркази вилоятии ҷарроҳии дилу рагҳои хунгарди шаҳри Хуҷанди вилояти Суғд ва Маркази тибби хусусии «Ибни Сино» - и назди ҶСП «Дили солим» дар маҷмӯъ соле беш аз 1000 амалиёти ҷарроҳӣ дилу рагҳои хунгард, аз ҷумла  амалиётҳои мураккаб дил гузаронда мешавад, - иброз дошт Нусратулло Салимзода.
Ҳ. САНГОВА, “Ҷумҳурият”


Баёни ақида (0)    Санаи нашр: 18.07.2016    №: 138    Мутолиа карданд: 383

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед