logo

иҷтимоиёт

КАСБОМӮЗӢ БАРОИ ҶАВОНДУХТАРОН МУҲИМТАР АСТ

Дар корхонаи хурди хусусии “Баҳор”- и ноҳияи Шуғнон   ниёзи мардум ба маҳсулоти хушсифати  бофандагиву  дӯзандагӣ бароварда мешавад. Бахусус, ба намадҳои  хуштарҳи аҷдодӣ талабот зиёд мебошад. Муштариён  метавонанд  мувофиқи  табъу  завқ  намадҳои  ҳархела  ва  гуногунранг  харид  намоянд  ё  фармоиш диҳанд.
Ба  гуфтаи  Баҳор  Худоназарова, роҳбари корхона, “Баҳор”  зодаи   даврони Истиқлолияти давлатии Тоҷикистон  аст. Солҳои   навадуми  асри  гузашта  мавҷи  хусусигардонӣ  кишварро фаро  гирифт  ва  дар  ин  ҷараён ба филиали  фабрикаи  дӯзандагии  шаҳри  Хоруғ дар  деҳаи   Поршневи  ноҳияи  Шуғнон  низ  хатари  азбайнравӣ  таҳдид  кард. Он  вақт  ин зани кордону пурғайрат сардори  сех  буд. Қаблан дар ин ҷо кор дар  ду  баст  идома ёфта, 300  нафар  дӯзанда  фаъолият дошт.   Буҳрони  шадиди  иқтисодӣ ба ин ҷо низ таъсири манфӣ расонд. Баҳор  Худоназарова  аз хавфи он ки бинои  сехро  ба  анборхона  ва  ё  хонаи  истиқоматӣ табдил  надиҳанд, онро барои ҳамчун коргоҳи дӯзандагӣ истифода бурдан хусусӣ  гардонд. Бо   дастгирии  молиявии  мақомоти иҷроияи маҳаллии ҳокимияти  давлатии ноҳия  ва  Барномаи    инкишофи  манотиқи  кӯҳистони  Бунёди  Оғохон  ба фаъолият шурӯъ намуд. Барои  хариди бино ва таҷҳизот аз маблағҳои  андӯхтаи  оила истифода бурд.
- Ҳоло  вазъ  дигар  аст. На  танҳо  сехи  дӯзандагиро  ба кор дароварда тавонистем, балки  истеҳсоли маҳсулоти  бофандагиро низ роҳандозӣ  намудем.  Маҳсулоти корхонаамон  рақобатпазир аст. Мо  онро  ба  бозор набароварда, пешкаши муштариён  гардонда истодаем. Мизоҷон худашон ба  корхона  омада, мувофиқи  табъ  маҳсулоти  даркориашонро  харид  менамоянд. Махсусан,  намад харидори зиёд дорад. Маҳсулоти дигари хушхарид сарулибоси  арӯсӣ ва ҷиҳози тӯй мебошад. Чеварони мо  барои  арӯсон  тамоми  намуди  сарулибос  ва  рахти  хоб  тайёр  мекунанд.  Дар оянда ният дорем, ки дар маркази вилоят – шаҳри Хоруғ ва дигар нуқтаҳо  фурӯши  маҳсулоти  корхонаро  роҳандозӣ намоем, - мегӯяд Баҳор Худоназарова.  
Имсол   лоиҳаи  пешниҳодкардаи  корхонаи хурди истеҳсолии “Баҳор”  дар  самти  рушди ҳунарҳои  мардумӣ  аз  ҷониби Кумитаи кор бо занон ва оилаи  назди  Ҳукумати  ҷумҳурӣ  дастгирӣ  ёфт.  Соҳибкор Баҳор Худоназарова ба  гирифтани Гранти  президентӣ  комёб  гардид. Дар назди  корхона  маркази  омӯзиши   ҳунарҳои  мардумӣ  амал  мекунад, ки  дар  он  ҷавондухтарон  ба   касбомӯзӣ  фаро  гирифта шудаанд. Баъди омӯзиш онҳо  дар  “Баҳор”  бо  кори  доимӣ  таъмин  мегарданд ё ба соҳибкории инфиродӣ машғул шуда, ба мардум хизмат мерасонанд.
Раҳмони ГУЛЗОР, “Ҷумҳурият”


Баёни ақида (0)    Санаи нашр: 19.07.2016    №: 139    Мутолиа карданд: 396

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед