logo

фарҳанг

ЛИБОСИ МИЛЛӢ НАБОЯД БО УНСУРҲОИ БЕГОНА МАХЛУТ БОШАД!

Либоси миллӣ муаррифгари  фарҳанги воло, тахайюлоти бадеӣ ва ҷаҳонбинии ҳар халқу давлат мебошад. Эҳтиром ба арзишҳои миллӣ,  расидан ба қадри офаридаҳои ниёгон, аз ҷумла либоси миллӣ идомаи раванди тамаддунофарӣ ба шумор меравад. Мардуми мо ҳамеша кӯшиш менамояд, ки арзишҳои маънавии хешро беолоиш нигоҳ дошта, онҳоро равнақу ривоҷ диҳад. Вале, баъзан беэътиноӣ ба ин ганҷи бебаҳо моро ба ташвиш меорад. Аз ҷумла, фарҳанги  либоспӯшии мо, алалхусус занону духтарон, рӯзҳои охир мавриди нигаронии аҳли ҷомеа қарор гирифтааст, ки бесабаб ҳам нест.
Дар ҳоле, ки мо фарҳанги ғании худро дорем, тақлиди кӯр – кӯрона ба тарзи либоспӯшии кишварҳои дигар бисёр нанговар аст. Баъзан мебинем, ки занҳои синну солашон ба ҷое расида ба тарзи либоспӯшии ҷавонон тақлид менамоянд. Ин тақлидкорӣ на танҳо анъанаҳои миллии моро аз байн мебарад, балки ба ҷаҳонбинии мо низ латма ворид месозад. Ёд дорам, ки бо гузашти солҳо занон навъи матоъ ва гулпардозиҳои хосро интихоб мекарданд. Дар ҷавонӣ ба рангҳои сурху зарду гулобӣ майл дошта бошанд, бо гузашти солҳо ба рангҳои сабзу малла рӯй меоварданд. Пироҳани занҳои ҷавонро гулҳои баргу буттаҳояшон калон  - калон оро диҳад, занони солхӯрда гулҳои хурди тоқа – тоқаро дӯст медоштанд. Аз рӯйи либоспӯшӣ метавонистед синну соли занонро муайян намоед, вале ҳоло чӣ?
Чи тавре, ки Нусратулло Зокиров, сардори шуъбаи пажӯҳиши ҳуқуқи исломии Маркази исломшиносӣ дар назди Президенти Ҷумҳурии Тоҷикистон иброз медорад, либоси миллат бояд ба шароити ҷуғрофии минтақаи зисти он мувофиқ бошад ва мутобиқи фарҳангаш интихоб ва татбиқ гардад. 
"Дар ислом, аз ҷумла дар ояти 31 сураи «Ан - Нур» сухан дар бораи сатри аврат рафтааст, на дар бораи пӯшидани либоси сиёҳ ва сатри арабӣ, ки мероси анъанаҳои замони ҷоҳилия буда, он дар шароит ва муҳити ҷуғрофии араб барои аз чангу ғубор ва қуми биёбон ҳифз кардан бисёр қулай аст. Баъди густариши ислом ҳам муҳити ҷуғрофии араб тағйир наёфта, ҳамон сатр дар шаклу муҳтавои нав ҳамчун воситаи ҳифз аз чангу қум то имрӯз боқӣ мондааст ва аслан зодаи ҳаёти воқеии табиӣ - иҷтимоии араб аст.
Албатта, яке аз аломатҳои зоҳирие, ки мусулмононро аз пайравони дигар дину оинҳо фарқ мекунад, ин сару либос мебошад. Шариати исломӣ бевосита ягон шакли муайян ва стандарти либоси диниро барои мусулмонон таъйин накардааст, балки пӯшонидани нуқтаҳои муайяни баданро, ки бештар ҷанбаи ахлоқӣ - иффатӣ дорад, баён намудааст.      
Мусулмонони кишварҳои мухталиф либоси шаръиро мувофиқи минтақаи ҷуғрофӣ ва мутобиқи фарҳангҳояшон интихоб ва татбиқ намудаанд", - таъкид менамояд Н. Зокиров.   
Дар вилояти Хатлон низ ба масъалаи риояи одобу тарзи либоспӯшии миллӣ аҳамияти ҷиддӣ дода мешавад. Таҳти роҳбарии Махфират Хидирзода, муовини раиси вилояти Хатлон, гурӯҳи корӣ таъсис дода шудааст. Он ба  ноҳияҳои минтақаҳои Кӯлоб ва Қӯрғонтеппа сафар намуда,  бо занон ва ҷавонон вохӯриҳо гузаронида истодааст. Дар ин вохӯриҳо аксаран ҷавондухтарон, аз ҷумла донишҷӯёни донишкадаҳои олӣ, коллеҷу литсейҳо ва занони фаъоли вилоят  иштирок намуда, тарзи ҳаёти солим ва риояи суннатҳои миллиро тарғиб менамоянд. 
Ҷамолиддин ТИЛЛОЕВ,
корманди ШКД ВКД Ҷумҳурии Тоҷикистон дар шаҳри Кӯлоб


Баёни ақида (0)    Санаи нашр: 19.07.2016    №: 139    Мутолиа карданд: 1388

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ


Дар сомонаҳои дигари Тоҷикистон хонед