logo

иҷтимоиёт

21 СОЛ БО «ҶУМҲУРИЯТ»

ТУРДИАЛӢ БОЙБОБОЕВ БА СИФАТИ ХАБАРНИГОРИ ҚАТОРӢ БА КОР ОМАДА БУД...
«Дар ҷавонӣ дар сари санг ҳам хоб мебарад, кас аз давлати пирӣ бенасиб намонад», - мегӯянд миёни мардум. Воқеан ҳам бисёр дидаам, ки мардум ба худ аз давлати пирӣ бенасиб намонданро орзу ва дар ин бобат дуо ҳам кардаанд…
Бо қомати расо ва қадаммониҳои бардам бо поғундаҳои маҷмааи табъу нашри «Шарқи озод» боло баромадани марди танумандеро аз пас назора карда, ба ӯ ҳавасам меояд. Чун бо каси нахустин рӯ ба рӯ мешаваду лаб ба сухан мекушояд, овози марғуладораш тамоми роҳравро пур мекунад. Ин марди қоматбаланду сарбаландро дар ин даргоҳ ҳама мешиносанду эҳтиром мекунанд. Ӯ Турдиалӣ Бойбобоев аст, ки зиёда аз 50 соли ҳаёти босамари худро сарфи коғазу қалам намудааст.

Нахустин навиштаҳояш ҳангоми дар факултаи таъриху филологияи Донишкадаи омӯзгории Ленинобод таҳсил карданаш дар рӯзномаи «Ҳақиқати Ленинобод» рӯйи чопро дидаанд. Аз лавҳаҳои равону одӣ сар карда, то очеркҳои мураккаби доманадор силсилаи симоҳои қаҳрамонони ҷабҳаи меҳнатро офаридааст, ки ҳар кадоме тақдири худро бо дасти хеш офаридаанд. Ин буд, ки ҳини тақсимот низ аз ҳайати комиссия хоҳиш кард, ки ӯро ба Душанбе, ба идораи ягон рӯзнома ба кор фиристанд. Дили ҷавонро нашикаста ӯро ба Душанбе нею ба Қӯрғонтеппа мефиристанд. Онҷо бо Пиримқул Сатторӣ вохӯрда, бо кумаки ӯ дар рӯзномаи «Ифтихори Вахш» ба кор оғоз мекунад.
Сипас, қаламаш муаррифгари ҳунараш гардида, бо пешниҳоди Мутеулло Наҷмиддинов ба рӯзномаи «Комсомоли Тоҷикистон» (ҳоло «Ҷавонони Тоҷикистон») ва аз он ҷо бо дархости роҳбарияти «Тоҷикистони советӣ» (ҳоло «Ҷумҳурият») ба ин нашрия ба кор мегузарад. Дар ин рӯзнома 21 сол, аввал ба сифати хабарнигорӣ қаторӣ ва минбаъд дар вазифаи мудири шуъбаи кишоварзӣ, ифои вазифа менамояд.
Тақдири минбаъдаи ӯ бо маҷаллаи «Илм ва ҳаёт» сахт марбут аст. Ӯ аз соли 1993 то соли 2012 дар вазифаҳои муҳаррири шуъба ва сардабири маҷалла хизмат кардааст.
Ӯро бо супоришҳои махсус ба гӯшаву канори ҷумҳурӣ мефиристоданд. Агар касеро таъриф мекард, зуд обрӯ меёфт, пеш мерафт, касеро, ки танқид кунад, сояи гумону шубҳа то дер гоҳ аз пасаш мегашт.
Т. Бойбобоев дар нигоштани очерк маҳорати хоса дорад. Исмаш низ дар таърихи журналистикаи тоҷик чун яке аз очеркнависони чирадаст сабт гардидааст. Панҷоҳ очерки беҳтаринашро зери ҷилди як китоб гирд ҳам овардааст. Ҳар як очерк бозгӯ аз маҳорати касбии муаллифаш мебошад. Қаҳрамонҳои очеркҳояш мардони майдони меҳнат ҳастанд. «Мо онҳоро ҳамчун намуна барои дигарон нишон медодем», - мегӯяд худи Турдиалӣ Бойбобоев.
Чакидаҳои хомааш дар 17 китоб гирд омадаанд. Ба ғайр аз очерк, ҳикоя ҳаҷвияҳои хубе низ иншо мекунад, ки мухлисони зиёде низ доранд. Китобҳои «Қулла», «Теғи шифо» ва «Ангушти шашум» - ашро ихлосмандони эҷодаш ҳамчун намунаи хуби осори бадеӣ муаррифӣ менамоянд.
Муҳимтар аз ҳама, самимият ва одамияти ӯст, ки ҷозибааш ҳар хонанда, бинанда ва шунавандаро ба худ ҷалб мекунад. Дар суҳбат озод аст. Ба ҳамсуҳбаташ фишор намеорад, фикрашро бо далелҳои раднашаванда баён менамояд. Аз ин ҷост, ки бо ӯ ҳамсуҳбат шудан ба ҳар кас хушоянд аст.
Ҷавононро хеле дӯст медорад. Мехоҳад бо онҳо ҳамдаму ҳамнафас ва маслиҳатгару раҳнамо бошад. Умри бобаракати 80 – солаашро сарфи некиву накукорӣ кардааст. Аз ин рӯ, шабҳо бо оромӣ ба хоб мераваду субҳгоҳон бо умеди дидору воқеаҳои нек чашм мекушояд. Давлату сарвати ягонаи ӯ ҳамин давлати пирӣ аст. Инро бо ҳама дидан мехоҳаду ба ҳама ҳаминро орзу дорад.

М. ТАБАРӢ,
«Ҷумҳурият» 


Баёни ақида (0)    Санаи нашр: 20.07.2016    №: 140    Мутолиа карданд: 484

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед