logo

иқтисод

ЗИМИСТОНГУЗАРОНӢ. ОМОДАГӢ БА ОН ДАР ВМКБ ҒАЙРИҚАНОАТБАХШ АРЗЁБӢ ШУД

Раиси Вилояти Мухтори Кӯҳистони Бадахшон Шодихон Ҷамшед омодагии шаҳру ноҳияҳои вилоятро ба маъракаи зимистонгузаронӣ ғайриқаноатбахш унвон кард. Дар ин бора дар ҷаласаи навбатии ситоди вилоятӣ оид ба сари вақт омода намудани соҳаҳои иқтисодиёт ва иҷтимоиёти вилоят барои фаъолияти самарабахш дар давраи тирамоҳу зимистони солҳои 2016 - 2017 сухан рафт.
Бино ба иттилои сардори Раёсати рушди иқтисод ва савдои вилоят Латиф Шоҳзодаев, дар назди мақомотҳои иҷроияи маҳаллии ҳокимияти давлатии шаҳру ноҳияҳои вилоят ситодҳои доимоамалкунанда созмон дода шуда бошанд ҳам, фаъолияти онҳо, аз ҷумла ситоди вилоятӣ, самарабахш нест. Идораву муассисаҳо бошанд, дар самти омодагӣ ба ин маъракаи муҳим камҳавсалагӣ зоҳир мекунанд.
 Ба гуфтаи Латиф Шоҳзодаев, соли равон аз буҷаи давлат ҷиҳати хариди ангишту ҳезум барои муассисаҳои иҷтимоӣ, аз ҷумла маориф, тандурустӣ ва фарҳанг 8 миллиону 453,1 ҳазор сомонӣ ҷудо шудааст, ки ин дар муқоиса ба соли пеш 456,7 ҳазор сомонӣ ё 5,7 дарсад зиёд аст. Вале то ба ҳол хароҷоти ин маблағҳо дар соҳаи маориф 16,8, тандурустӣ 32,3 ва фарҳанг ҳамагӣ 4,7 дарсадро ташкил медиҳад. Дар маҷмӯъ то 12 июл дар вилоят харҷи маблағҳои пешбинигардида ба 18,4 дарсад баробар аст.
Дар ноҳияҳои Дарвоз, Ванҷ, Рӯшон ва Шуғнон бошад, то ҳол аз маблағҳои барои хариди ангишту ҳезум ҷудогардида ягон дирам сарф нашудааст. Яъне дар ноҳияҳои номбурда дар ин самт ягон корро анҷом надодаанд. Муассисаҳои маориф, тандурустӣ ва фарҳанги ин ноҳияҳо ба намояндагии Агентии хариди давлатии мол, кор ва хизматрасонии назди Ҳукумати ҷумҳурӣ дар вилоят оид ба хариди ҳезуму ангишт дархост ҳам пешниҳод накардаанд.
 Аммо, тавре аз Раёсати маорифи вилоят иттилоъ доданд, талаботи муассисаҳои ин соҳа ба ангишт дар давраи зимистони имсола 5577 тоннаро ташкил медиҳад. Мутаассифона, дар ин муассисаҳо ягон тонна ангишт харид нашуда, фақат дар чанд муассисаи таҳсилоти ҳамагонии ноҳияҳои Ванҷу Ишкошим аз захираи порсола дар маҷмӯъ 130 тонна ангишт боқӣ мондааст. Дар муассисаҳои тандурустӣ ва фарҳанги вилоят низ айни ҳол ба ин кор даст назадаанд. Кай дар ин муассисаҳо ба омодагӣ ба зимистон шурӯъ мекунанд, маълум нест.
Раиси вилоят дар ҷараёни баррасии масъала аз фаъолияти сусти мақомотҳои иҷроияи маҳаллии ҳокимияти давлатии шаҳру ноҳияҳо ва роҳбарони идораву муассисаҳои вилоятӣ изҳори нигаронӣ кард.
- Солҳои пеш дар таъхир ёфтани корҳои омодагӣ ба тирамоҳу зимистон сари вақт ҷудо нагардидани маблағро баҳона мекарданд, вале имсол, ки маблағҳо сари вақт ҷудо шудаанд, масъулин чӣ баҳона пеш меоранд? Чаро ин маблағҳо сари вақт ва мақсаднок истифода бурда намешаванд? Имсол ҳам ба тараҳҳуми табиат умед мебандем? - гуфт ӯ.
Шодихон Ҷамшед боз аз он изҳори нигаронӣ намуд, ки дар ин самт дар идораву муассисаҳо ҳисобу китоби аниқ нест. Маълумот дар бораи нуқтаҳои фурӯши ангишту гази моеъ дар шаҳру ноҳияҳо ба ҳақиқат мувофиқат намекунад. Раёсатҳои рушди иқтисод ва савдо, кишоварзӣ, ҷамъияти матлубот, Сарраёсати Агентии омор дар вилоят ва дигар сохторҳои марбута ҳамасола талаботи аҳолиро дар давраи тирамоҳу зимистон бо маводи озуқа, аз ҷумла орд, ғалла, картошка, биринҷ, аниқ муайян намекунанд.
Раиси вилоят ба раисони шаҳру ноҳияҳо, роҳбарони идораву муассисаҳои вилоятӣ, бахусус раёсатҳои маорифу тандурустӣ, шуъбаи фарҳанг ва муассисаҳое, ки фаъолияти самарабахши дигар сохторҳо дар давраи зимистон ба онҳо алоқаманд аст, супориш дод, ки дар давоми як моҳ камбудиҳои мавҷударо бартараф намоянд.   
 
 Раҳмони ГУЛЗОР,
“Ҷумҳурият”


Баёни ақида (0)    Санаи нашр: 21.07.2016    №: 141    Мутолиа карданд: 533

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед