logo

сиёсат

МУСОБИҚА. ДАР РАШТ ҒОЛИБОН БА МАРҲАЛАИ СЕЮМ РОҲ ЁФТАНД

Ҷиҳати таъмини иҷрои Амри Президенти Ҷумҳурии Тоҷикистон, аз 24 феврали соли 2016, АП 688, бо мақсади дар сатҳи баланди фарҳангию сиёсӣ ҷашн гирифтани 25 - солагии Истиқлолияти давлатии Ҷумҳурии Тоҷикистон қарори раиси ноҳияи Рашт «Дар бораи баргузории мусобиқаи ноҳиявӣ бахшида ба 25 - солагии Истиқлолияти давлатии Ҷумҳурии Тоҷикистон» барои муайян намудани шаҳраку деҳоти беҳтарин, деҳа, маҳалла, хона ва оилаи намунавӣ ба тасвиб расид.

Зумрад Лоиқова, муовини раиси ноҳия, зимни суҳбати телефонӣ иброз дошт, ки бо ибтикори комиссияи босалоҳияти мақомоти иҷроияи маҳаллии ҳокимияти давлатии ноҳияи Рашт бо мақсади ошно сохтани мардум  бо шартҳои озмун ҳашт ҷаласа дар сатҳи ноҳия, бистучор ҷаласа дар сатҳи ҷамоатҳои шаҳраку деҳот ва чор маҷлиси васеи назди раиси ноҳия доир карда шуд. Раванди баргузории озмун нишон дод, ки дар шаҳраки Ғарм корҳои созандагиву бунёдкорӣ вусъати тоза мегиранд. Аз ҷумла, дар доираи мусобиқа навсозии майдони варзишӣ, боғи фарҳангӣ, таъмири асосии бинои бахши  фарҳанг, сохтмони бинои таълимӣ дар кӯчаи ба номи Э. Муҳиддин, сохтмони толори варзишӣ барои 800 ҷойи нишаст бо тамоми таҷҳизоти варзишӣ дар назди Донишкадаи омӯзгории Тоҷикистон дар ноҳияи Рашт, бинои нави таълимӣ ва хобгоҳи сеошёнаи коллеҷи тиббӣ,   меҳмонхонаи «Соҳили Сурхоб» бо харҷи 40 миллион сомонӣ анҷом гирифтанд.
Дар шаҳраки Ғарм қисмати берунии беш аз 40 муассисаи давлатӣ ва хонаҳои шахсии шаҳрвандон таъмир гардид. Ин амал  барои ноил гаштани шаҳраки Ғарм ба беҳтарин шаҳрак мусоидат намуд ва Ҷамоати шаҳраки Ғарм аз беҳтаринҳо дониста шуд. Дар деҳаи Ҳоити Ҷамоати деҳоти  Ҳоит, ки дар соҳили рӯди Обикабуд ҷо гирифтааасту манзараҳои дилфиреб дорад, дар даврони соҳибистиқлолӣ даҳҳо иншооти маъмуриву марказҳои тиҷоратӣ бунёд ёфтанд. Биноҳои дуошёнаи ҷамоати деҳот ва шуъбаи корҳои дохилӣ, чойхона - фароғатгоҳҳо, роҳҳои мумфаршу ба талабот ҷавобгӯ, боис гаштанд, ки Ҳоит дар байни дигар деҳаҳои ноҳия аз беҳтаринҳо ҳисобида шавад.
Сокинони ноҳияи Рашт бо меҳнати ҳалолу созанда ва дар фазои орому осоишта шароити зисту зиндагиашонро беҳтар намуда, барои худ ва фарзандон хонаҳои наву замонавӣ месозанд. Сокини деҳаи Ҳалқарфи Ҷамоати деҳоти Навдӣ Саидҷон Азизов аз ҷумлаи онҳост. Ӯ дар як муддати кӯтоҳ тавонист, ки манзили зисти замонавӣ бо тамоми шароитҳои маданию маишӣ бунёд намояд. Манзили истиқоматии навбунёдаш ғолиби озмуни хонаи беҳтарин гардид. Оилаи Ҳоҷӣ Шарифов аз деҳаи Чашмаи Қозии Ҷамоати деҳоти Нусратулло Махсум аз оилаҳои соҳибмаърифат ва намунавӣ ба шумор меравад. Панҷ фарзандаш дар рӯҳияи худшиносию худогоҳӣ тарбия ёфта, чор нафар соҳиби маълумоти олӣ ва як нафар маълумоти миёнаи касбӣ мебошанд. Тибқи хулосаи комиссияи ноҳиявӣ оилаи намунавӣ оилаи Ҳоҷӣ Шарифов дониста шуд. Ғолибони марҳалаи якуму дуюм - хона ва оилаи намунавӣ, деҳа, маҳалла, деҳот, шаҳраки беҳтарин ба марҳалаи сеюм роҳ ёфтанд.

Додоҷон РӮЗИЕВ,
 «Ҷумҳурият»


Баёни ақида (0)    Санаи нашр: 21.07.2016    №: 141    Мутолиа карданд: 466

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед