logo

иҷтимоиёт

ЛӮХТАКИ ДАСТИ ДИГАРОН НАШАВЕМ!

Ё ҚИССАИ ҶАВОНЕ, КИ БАРОИ ПАЙРАВӢ БА СОЗМОНИ ИФРОТИИ «ТОЛИБОН» 25 СОЛ ПУШТИ ПАНҶАРА РАФТ
Шаҳриёр Турахонов аввалҳои моҳи апрели соли 2015 тавассути шабакаи иҷтимоии «Одноклассники» бо Умар ном шахс шинос шуд. Баъд аз ду ҳафтаи шиносоӣ дар суҳбатҳои доимии интернетӣ Умар мавзӯи «ҷиҳод» ва фарз будани онро барои ҳар як мусалмон тарғибу ташвиқ намуда, мансубияти худро ба ташкилоти экстремистӣ-террористии ҳаракати «Толибон» изҳор дошт ва Шаҳриёрро барои ба муқобили «кофирон» ҷиҳод кардан аз номи ташкилоти экстремистӣ - террористии «Толибон» даъват кард.
Дере нагузашта, Умар ба зеҳни Шаҳриёри нуздаҳсола ақидаҳои ифротиро ҷой намуда, бо роҳи таъсири ғоявӣ ӯро барои гаравидан ба ин ҳаракат моил сохт.
Дар Ҷумҳурии Исломии Афғонистон Шаҳриёри акнун роҳгумро намояндаи Умар - Ҷамол ном чӯпон, ки аз паштузабонони афғон буд, аз рӯйи расмаш шинохта пешвоз гирифт. Ҷамол ӯро ба хонаи Ҳакими Араб ном мӯйсафеди 70 - сола дар мавзеи Кокули ин кишвар ҷой намуд. Баъд аз гузаштани як ҳафта Ҷамол аз хонаи Ҳакими Араб Шаҳриёрро гирифта, ба мавзеи Бойдингак бурд ва ба Умар таслим кард.
Пас аз як моҳ Умар ӯро ҳамроҳи аскаронаш ба назди Мустафо ном қумандони ташкилоти экстремистӣ - террористии «Толибон» бурд. Ному насаби аслии ӯ, тавре  ки тафтишот муайян кардааст, Холиқов Раҳимҷон Назирович буда, шаҳрванди Ҷумҳурии Тоҷикистон мебошад ва ҳоло дар Дашти Арчии Афғонистон қарор дорад. Дар рафти вохӯрӣ Раҳимҷон Холиқов, бо тахаллуси «Мустафо», ба ӯ ҷиҳод бар зидди «кофирон» - ро тарғиб намуд.
Ҳамин тавр, Шаҳриёр Турахонов тахминан як моҳ дар қароргоҳи низомии Мустафо бо ҳамроҳии 40 нафар ҷангҷӯёнаш таълимоти ақидавию динӣ ва ҷангиро аз ҷониби гурӯҳи муҷоҳидон таҳти роҳбарии Раҳимҷон Холиқов, Мавлавӣ Камол, Мавлавӣ Исрор ва Мавлавӣ Шералии афғонтабор гирифт.
Баъди омода шудан барои содир намудани ҷиноятҳои террористӣ дар мавзеи Тошкӯтали Дашти Арчии Афғонистон шӯрои қумондонҳои ташкилоти экстремистӣ-террористии «Толибон» баргузор гардид. Дар ин ҷаласа қумондонҳо қарор намуданд, ки дар баробари содир кардани таркишҳо дар дигар шаҳру ноҳияҳо, бо истифода аз имконият дар пойтахти Ҷумҳурии Тоҷикистон низ таркишҳо ба амал оранд.
Мустафо 28 октябри соли 2015  Шаҳриёрро вазифадор намуд, ки дар назди Театри опера ва балети ба номи Садриддини Айнӣ худро битарконад. Ӯ ба иҷрои ин амали ҷиноятӣ розигӣ дод. Мустафо барояш дастур дод, ки дар хонаи истиқоматиаш, воқеъ дар ноҳияи Панҷ, намояндаашро бо номи Абубакр мунтазир шавад, то ки ӯ воситаи таркандаро оварда, дар миёнбандаш маҳкам намояд. Тибқи нақшаи тарҳрезишуда, ҳангоми наздик шудани Шаҳриёр ба ҷойи таъйиншуда таркиш бо роҳи пахш намудани тугмача аз ҷониби Абубакр бояд ба амал бароварда мешуд.
Шаҳриёр тибқи супориши гирифтааш 2 ноябри соли 2015, аз деҳаи Дашти Арчии Афғонистон вориди ноҳияи Фархор шуд. Рӯзи 5 ноябр дар натиҷаи гузарондани чорабиниҳои оперативӣ-ҷустуҷӯӣ  ӯ аз ҷониби мақомоти ҳифзи ҳуқуқи Тоҷикистон дастгир гардид ва дар ниҳоят бо ҳукми суд 25 сол равонаи зиндон шуд.
Акнун Шаҳриёр Турахонов  вақти зиёде дар ихтиёр дорад, то ба дарки ин асл бирасад, ки лӯхтаки дасти дигарон шудааст. Барои онҳо, ки бадхоҳи миллату давлати Тоҷикистон ҳастанд, ба ҳеҷ ваҷҳ сарнавишти Шаҳриёр ва дигар ҷавонони раҳгуму беандешае, ки шомили гурӯҳҳои ифротӣ шудаанд, муҳим нест. Муҳим он аст, ки бо дасти чунин ҷавонони зудбовар оромию суботро дар Тоҷикистон халалдор намуда, ғаразҳои сиёсиашонро бароварда созанд.
Ҳамакнун, тамоми даврони ширини ҷавонӣ, айёми худсозиҳо ва ташаккулёбиҳо, марҳилаҳои беҳтарини умрро Шаҳриёр пушти панҷараи зиндон сипарӣ хоҳад кард. Чӣ илоҷ, тавре ки халқ мегӯяд: «Худкардаро даво нест…».
Носирҷон МАЪМУРЗОДА, рӯзноманигор


Баёни ақида (0)    Санаи нашр: 2.08.2016    №: 154    Мутолиа карданд: 575

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед