logo

иҷтимоиёт

Идигул Қосимзода: “БОЛО БУРДАНИ САТҲИ ДОНИШИ ЗАНОНУ ДУХТАРОН МУҲИМ МЕБОШАД”

Тоҷикистон соли 2013 ба узвияти Комиссия оид ба мақоми зан дар Созмони Милали Муттаҳид  пазируфта шуд.  Дар таърихи истиқлол нахустин бор соли 1995 дар Конфронси чоруми умумиҷаҳонии занон, ки дар шаҳри Пекин баргузор гардид, бонувони мо низ ширкат варзиданд. 
Ҳамаи ин замина гузошт, ки Тоҷикистон дар байни кишварҳои собиқ Иттиҳоди Шӯравӣ яке аз аввалинҳо шуда силсилаи санадҳои ҳуқуқии байналмилалӣ: Конвенсия «Дар бораи барҳам додани ҳамаи шаклҳои зӯроварӣ нисбати занон», «Дар бораи ҳуқуқҳои сиёсии занон», «Дар бораи ҳуқуқҳои кӯдак» - ро ба тасвиб расонад. 
Дар ин раванд боло бурдани сатҳи дониши занону духтарон хеле муҳим буд. Маҳз бо ҳамин мақсад квотаи президентӣ таъсис дода шуд. Идигул Қосимзода, раиси Кумитаи кор бо занон ва оилаи назди Ҳукумати Ҷумҳурии Тоҷикистон, дар ин маврид зикр намуд, ки аз соли 1997 то соли 2005 тибқи квотаи президентӣ 5548 ҷой ба духтарони деҳоти дурдаст барои ба таҳсил дар муассисаҳои таҳсилоти олии касбӣ фаро гирифтан дода шуд. “Дар ин муддат тибқи квота 10482 нафар духтар  дар муассисаҳои таҳсилоти олии кишвар қабул гардида, зиёда аз 7889  нафар донишгоҳҳои олиро хатм намуданд. Айни замон, 2608  духтар дар муассисаҳои таҳсилоти олии касбӣ таҳсил намуда истодаанд. Дар соли таҳсили 2015 - 2016  аз 1312 нафар ҷавононе, ки тибқи квота қабул гардидаанд, 678 нафари онҳоро духтарон  ташкил медиҳанд. 123 нафар духтарони тибқи квота соҳиби маълумоти оли гашта, дар сатҳҳои гуногуни роҳбарӣ фаъолият намуда истодаанд”.
Таҳлилҳо нишон медиҳанд, ки ба таҳсилоти касбӣ ҷалб намудани занону духтарон низ идома дорад. Тибқи маълумоти Агентии омори назди Президенти Ҷумҳурии Тоҷикистон дар соли таҳсили 2012 - 2013 дар ҷумҳурӣ  4502 нафар духтарон ба муассисаҳои таҳсилоти ибтидоии касбӣ ҷалб шуданд. Вобаста ба ин, И.Қосимзода иброз дошт, ки “Кумитаи занон ва оила ҷиҳати татбиқи воқеии сиёсати хирадмандонаи Президенти мамлакат роҷеъ ба ҷалби бонувони манотиқи дурдасти кӯҳистон  бо ҷойи кор барномаи бовусъатеро роҳандозӣ намуда, бо дастгирии ташкилотҳои байналмилалӣ барои бонувони хонашин ҷойи кор таъмин менамояд.
Ба хотири ҷалби занону духтарони Вилояти Мухтори Кӯҳистони Бадахшон ба касбомӯзӣ корҳои хонагии ҳунарҳои мардумӣ ташкил карда шудааст, ки шумораи коргоҳҳои хурд имрӯз ба 49 адад расидааст. Занҳои ноҳияҳои Шуғнон,  Ишкошим ва Роштқалъа ба ҷӯроббофӣ, муҳрабофӣ ва тоқидӯзӣ машғул буда, маҳсулоти истеҳсолкардаашонро дар назди ташкилотҳои “Де Памир” ва “Лаёқат” ба фурӯш мегузоранд”.
- Имрӯз мо бояд проблемаи таъбизи занро на танҳо чун масъалаи иҷтимоиву сиёсӣ, балки ҳамчун ҳалли проблемаи афзоиши сиҳатии аҳолӣ баррасӣ намоем.
Ҳанӯз дар анҷумани сеюми занон зикр шуда буд, ки яке аз роҳҳои паст кардани таъбиз нисбат ба занон расондани дастгирии маънавию психологӣ ба занон - қурбониёни зӯроварӣ тавассути ташкили марказҳои буҳронӣ, марказҳои ноҳиявии машваратии ҳуқуқӣ ва телефонҳои боварӣ мебошад. «Бо дастгирии молиявии Ҳукумати ҷумҳурӣ ва созмонҳои ғайридавлатӣ дар назди Кумитаи кор бо занон ва оилаи  ҷумҳурӣ, кумита ва шуъбаҳои дар шаҳру ноҳияҳо будаи он 110 маркази  иттилоотӣ - машваратӣ фаъолият дорад. Дар ин марказҳо  ҳуқуқшиносон ва равоншиносон ба шахсоне, ки ба хушунат дучор гардидаанд, ба таври ройгон машваратҳои судманд медиҳанд,- мегӯяд И. Қосимзода.

Ҳ.САНГОВА, «Ҷумҳурият»


Баёни ақида (0)    Санаи нашр: 2.08.2016    №: 154    Мутолиа карданд: 579

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед