logo

иқтисод

ХОРУҒ. ХАТИ ОБРО РАСМАН БА ИСТИФОДА ДОДАНД, АММО...

Хати обгузари Боғевдара - Хоруғ, ки иншооти бузург дар самти таъмини аҳолӣ бо оби ошомиданӣ дар Вилояти Мухтори Кӯҳистони Бадахшон маҳсуб меёбад, ба дарозии 13 километру 250 метр тӯл кашида, тавассути лӯлаҳои васеъқутри он дар як рӯз 15 ҳазор метри мукааб оби тоза мегузарад. Ин хат, ки дар рӯзҳои таҷлили Рӯзи ваҳдати миллӣ расман ифтитоҳ ёфт, бо назардошти зиёд гардидани аҳолии шаҳр бунёд шуда, солҳои сол метавонад ба сокинони маркази вилоят хизмат расонад.

Барои сохтмони иншоот 18 миллиону 737 ҳазор сомонӣ равона гардид. Бо ҳамин мебоист мушкилоти сокинони шаҳри Хоруғ дар самти таъминот бо оби ошомиданӣ ба пуррагӣ ҳалли худро пайдо мекард. Вале, тавре дар машварати назди раиси вилоят зикр гардид, ҳоло сокинони шаҳри Хоруғ ҷиҳати таъминот бо об бо мушкилӣ рӯбарӯанд. Корҳои зиёди сохтмонии хати обгузар то ҳол анҷом дода нашудаанд ва як қисми онҳо иҷрои бетаъхири худро тақозо доранд. Чунончи, дар доираи лоиҳаи сохтмон бояд корҳои пайваст намудани қубури асосӣ ба 4 ҳавзи мавҷудаи нигаҳдории об, насби таҷҳизоти безараргардонии оби ошомиданӣ ва ҳавопарто, гидроизолятсияи шоҳқубур дар ду мавзеъ аз болои дарёи Ғунд, насби қубури эҳтиётии обпарто барои ҳолатҳои садамавӣ ва бунёди чоҳҳои садамавии обпарто анҷом дода мешуданд. Дар самти таъминоти лоиҳа бо техникаву таҷҳизот низ камбудиву норасоиҳо ҷой доранд. То ҳол ба гурӯҳи татбиқи лоиҳа - КВД “Хоҷагии манзилию коммуналӣ”- и вилоят 2 техникаи барои сохтмон ва нигаҳдории минбаъдаи лоиҳа зарурӣ - трактори МТЗ-80 ва нақлиёти таъмири техникӣ дастрас нашудааст. Дар мавриди нигаҳдории минбаъдаи иншооти обрасон КВД “Хоҷагии манзиливу коммуналӣ” - и вилоят бояд бо таҷҳизоти автоматии муосир оид ба пешгирии садама, ҳамчунин мутахассисоне, ки бо ин таҷҳизот кор карда тавонанд, таъмин бошад. Вале дар ин самт низ то ҳол коре ба анҷом нарасидааст.
 Роҳбарони ҷамъиятҳои дорои масъулияти маҳдуди "Бунёд", “Бадахшонинтернешнл” ва ҶСП "Барқи Помир", ки пудратчиёни асосии ин иншоот мебошанд, сабаби таъхир ёфтани корҳоро ба сари вақт таъмин нашудани маблағҳо аз ҷониби сармоягузори асосии иншоот - Бонки аврупоии таҷдиду рушд рабт медиҳанд. Тавре раиси вилоят Шодихон Ҷамшед таъкид кард, дар амалигардонии лоиҳаи сохтмон бисёр корҳо тариқи ҳашар анҷом дода шуданд.
 Иброҳимбек Ғозибеков, мудири шуъбаи саноат, энергетика ва коммуникатсияи вилоят, зикр кард, ки ҷиҳати таъмини аҳолии шаҳри Хоруғ айни ҳол 4 ҳавзи танзимкунанда бо ғунҷоиши умумии 8000 метри мукааб мавҷуд аст. Дар 2 ҳавз об полоиш меёбад, ду ҳавзи дигар дар ҳолати садамавӣ қарор дорад. Ҳангоми бориши борон аксаран ҳавзҳоро, ки дар таги доманакӯҳ ҷойгиранд, сел пахш мекунад. Барои ҳалли пурраи мушкилоти сокинони шаҳри Хоруғ бо оби ошомиданӣ дар баробари анҷом додани сохтмони хати обрасони Боғевдара - Хоруғ бунёд намудани ҳавзҳои нав бо ғунҷоиши мувофиқ (15 ҳазор метри мукааб) ва таҷдиди шабакаи обрасони дохили шаҳр зарур аст. Бе анҷом додани ин корҳо мушкили оби ошомидании сокинони шаҳр ҳалли пурраи худро пайдо намекунад. Аз ҷониби дигар, резиши ин миқдор об аз баландии бештар аз сад метр фишори баланд ва хавфи садамаи техникиро ба вуҷуд меорад.
Раҳмони ГУЛЗОР, ”Ҷумҳурият”


Баёни ақида (0)    Санаи нашр: 3.08.2016    №: 155    Мутолиа карданд: 525

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед