logo

иҷтимоиёт

РОҲҲОИ МАҲАЛЛӢ. МАСЪУЛИН КАМ ТАВАҶҶУҲ МЕКУНАНД, ЧАРО?

Аз сабаби нокифоя ё тӯли 20 - 30 соли охир тамоман ҷудо нашудани маблағ аз буҷети шаҳру ноҳияҳо барои таъмиру нигоҳдории роҳҳои маҳаллӣ коршиносон фақат 15 дарсади роҳҳои аҳамияти дохилидоштаи вилояти Хатлонро коршоям арзёбӣ мекунанду бас.
Музаффар Холиқов, сармуҳандиси муассисаи давлатии нигоҳдории роҳҳои автомобилгарди минтақаи Қӯрғонтеппаи вилоят, гуфт, он мабалғгузорие, ки барои нигоҳдории ҷодаҳои нақлиётгарди минтақавӣ аз ҷониби мақомоти иҷроияи ҳокимияти давлатии шаҳру ноҳияҳо тӯли чанд соли охир сурат мегирад, кофӣ нест. “То ин муддат бо ин мақсад шаҳру ноҳияҳои Панҷ - 10 ҳазор, Сарбанд - 18 ҳазор, Хуросон - 46 ҳазор ва Ёвон - 614 ҳазор сомонӣ ҷудо кардаанд. Мутаассифона, ноҳияҳои дигар, назири Бохтар, Шаҳритуз, Қубодиён, Ҷомӣ, Вахш, Ҷайҳун ва Дӯстӣ ҳанӯз ягон сомонӣ ихтисос надодаанд. Ҳол он ки барои бо “асфалти тафсон” рӯйпӯш кардани як километр роҳ камаш 500 ҳазор сомонӣ зарур аст ва ба замми ин дар вилоят 20 кӯпрук, ки ҳудуди 70-солӣ хидмат кардаанд, ба таҷдиди куллӣ ниёз доранд. Маъмулан барои як кӯпруки дарозиаш 10 ва паҳноияш 6 метр камобеш 200 ҳазор сомонӣ сарф мешавад”, – изҳор намуд ҳамсуҳбати мо.
Тибқи мушоҳидаҳои мо, идораҳои роҳтаъмиркунии шаҳру ноҳияҳои вилоят барои аз ин ҳолати ногувор баромадан шағал, қум ва битумро дар зери нури офтоб хелидаю дам медиҳанд ва он ҳини пур кардани чуқурчаҳои роҳ бо унвони “омехтаи сиёҳ” истифода мегардад. “Албатта, ин маҳсулот нисбат ба “асфалти тафсон” хеле арзон аст, аммо сифаташ аз кафолати ягон ниҳод бархӯрдор нест. Он дар аввалин рӯзи бориш ё пас  аз  гузаштани чанд мошини гаронвазн мисли реге, ки ҳеҷ шираю часпиш надорад, аз ҳам мерезад”, - дилпурона иброз медоранд мутахассисону ронандаҳо ва худи роҳсозон.
Аз ҳолати роҳҳои маҳаллӣ истифодабарандагони ҳамешагии онҳо – ронандаҳои нақлиёти мусофирбар (такси) ҳам розӣ нестанд. Убайдулло Саидов, сокини ноҳияи Бохтар, гуфт, ки аз сабаби зиёд масраф шудани маблағ  барои  таъмири  автомашинааш аз кирокашӣ фоидаи хуб ба каф наоварда истодааст. “Бинобар  бисёрии  чуқурчаҳо ва пастию хамии роҳ моҳе нест, ки  ягон ҷойи мошинам нашиканад ё вайрон нашавад”, - мегӯяд ӯ.
Омили дигари сарҳангом таъмир нашудани роҳҳои маҳаллӣ фарсудагии техникаи роҳсозӣ аст. “Дар мувозинаи корхонаи мо 7 техникаи роҳсозӣ мавҷуд аст, ки аз он сетоаш сохти шӯравӣ буда, дар ҳолати корношоям қарор доранд. Албатта, он воситаҳои корие, ки мо дар ихтиёр дорем, барои нигоҳдории 144 километр роҳҳои маҳаллӣ басанда нестанд”, – иброз доштанд Толиб Тоҳиров ва Илҳом Қараев, сардорони муассисаҳои давлатии нигоҳдории роҳҳои автомобилгарди ноҳияҳои Қубодиён ва Ҷалолиддини Балхӣ.
Давлатшоҳ Гулмаҳмадзода, раиси вилояти Хатлон, дар нишасти хабарӣ аз вазъи роҳҳои маҳаллӣ изҳори нигаронӣ кард. “Умед дорем, ки пас аз мавриди истифода қарор гирифтани корхонаи истеҳсоли нафти минтақаи озоди иқтисодии “Данғара” бо дастрасӣ пайдо намудан ба муми арзон ин ҳама мушкилот бартараф мешаванд”, – гуфт ӯ.
Роҳҳои хуб барои чӣ заруранд? Посухи беҳтарин ба ин пурсиш аз суханҳои Асосгузори сулҳу ваҳдати миллӣ - Пешвои миллат, Президенти кишвар Ҷаноби Олӣ Эмомалӣ Раҳмон бармеояд. Сарвари давлат таъкид кардааст: “Пешравии тамоми соҳаҳои хоҷагии халқ ба тараққиёти соҳаи роҳсозӣ бевосита алоқаманд аст”. Пас, масъулини шаҳру навоҳии вилояти Хатлонро мебояд сари ин масъала жарфтар тафаккур варзанд, то роҳи ҳалли он мисли нур дар зулмот зудтаъсиру фоидаовар бошад.

Зокир ҲАСАН, “Ҷумҳурият”


Баёни ақида (0)    Санаи нашр: 4.08.2016    №: 156    Мутолиа карданд: 423

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед