logo

иҷтимоиёт

ИСТИҚЛОЛИЯТ ВА РУШДИ ИЛМИ ТИБ

А. ҒОИБОВ,
президенти Академияи илмҳои
тиббии Вазорати тандурустӣ ва ҳифзи иҷтимоии аҳолии
Ҷумҳурии Тоҷикистон

Академияи илмҳои тиббӣ, ки зодаи даврони истиқлол аст, аз рӯзҳои аввали фаъолият неруи асосиро баҳри иҷро намудани «Стратегияи миллии тараққиёти Ҷумҳурии Тоҷикистон дар давраи то соли 2015» ва дигар барномаҳои давлатӣ равона намуда, ба дастовардҳои назаррас ноил  гардидааст.
Ворид намудани усулҳои нави ташхиси молекулярӣ – генетикӣ ва иммунорадиологӣ, ҷарроҳиҳои мурракаби барқарорсозӣ ва пластикӣ, дил, пайвандсозии узву бофтаҳо, истифодаи ҳуҷайраҳои бунёдӣ ҳангоми бемориҳои ишемияи дил, рагҳои хунгард ва ҷигар бо истифодаи технологияи навтарин аз ҷумлаи онҳо ба ҳисоб мераванд.
Олимони академия барои тибби амалӣ як қатор протоколҳо ва стандартҳои гастроэнтерологӣ, саратоншиносӣ, момодоягӣ тайёр намуда, дар мониторингҳои иҷрои онҳо ширкат меварзанд.
Дар ин давра, дар асоси натиҷаҳои корҳои илмӣ – тадқиқотӣ дар марказҳои ҷумҳуриявии илмии ҷарроҳии дилу рагҳо,  бемориҳои дил, маркази вилоятии ҷарроҳии дилу рагҳои шаҳри Хуҷанд ва Маркази тиббии хусусии «Ибни Сино» беш аз 470 амалиёти ҷарроҳӣ дар дилу рагҳо, зиёда аз 570  амалиёти ангиография, 181 амалиёти стендгузорӣ ва ангиопластика, инчунин дар муассисаҳои тиббии кишвар ба 67 нафар беморон амалиёти ҷарроҳии иваз намудани буғум бо буғуми сунъӣ ба анҷом расонда шуданд.  Дар Маркази миллии илмии пайвандсозии узв ва бофтаҳои инсон аз соли таъсиси он  ба 250 нафар беморон амалиёти ҷарроҳии пайвандсозии гурда ва ба 18 нафар беморон ҷарроҳии пайвандсозии ҷигар гузаронда шуд.
Натиҷаҳои тадқиқоти илмии олимон тарзи нави ташхис ва табобати гепатити В ва С – ро дар ҷумҳурӣ ворид намуд, ки боиси паст гардидани аворизҳои он гардид. Айни замон корҳои илмӣ дар самти омӯзиши ҳолати метаболикӣ идома доранд, ки яке аз роҳҳои асосии пешгирии фарбеҳӣ ва бемории қанд мебошад. 
Бахшида ба 25 - солагии Истиқлолияти давлатӣ дар Академияи илмҳои тиббӣ сессияи илмию амалии байналмилалӣ дар мавзӯи  «Технологияҳои инноватсионӣ дар соҳаи ҷарроҳии дилу рагҳо ва момодоягӣ - гинекологӣ» баргузор гардид. Дар кори сессия зиёда аз 100 нафар мутахассисон, аз ҷумла намояндагони ташкилотҳои байналмилалӣ, Донишкадаи омӯзиши Осиёи Марказӣ ва сафоратхонаи Фаронса дар Ҷумҳурии Тоҷикистон ширкат варзиданд.
Олимони академия дар самти ихтироъкорӣ ба муваффақиятҳои назаррас ноил гардиданд. Аз ҷумла, кормандони Пажӯҳишгоҳи гастроэнтерология академик Ғ. Қ. Мироҷов ва профессор А. Ҳ. Қодиров аз ҷониби Маркази миллии патенту иттилооти Вазорати рушди иқтисод ва савдои Ҷумҳурии Тоҷикистон бо медалҳо  қадрдонӣ гардиданд.
Баҳри ба роҳ мондани робитаҳои илмӣ академия бо клиникаи “UBBO – EMMIUS - KLINIK” – и Олмон аз моҳи майи соли 2016  созишнома ба имзо расонд, ки дар доираи он олимони ҷавон ба таҳсил дар хориҷи кишвар сафарбар мегарданд. Тибқи созишнома ҳамасола олимони Олмон дар беморхонаҳои пойтахт амалиётҳои гуногуни ҷарроҳиро бо таври ройгон мегузаронанд.  Ҳамчунин, робитаҳои илмӣ бо олимони Ҷумҳурии Мардумии Чин ва Ҷумҳурии Исломии Эрон хеле хуб ба роҳ монда шудааст.
Бо ташаббуси АИТ аз соли 2015 таҳлили рисолаҳои ҳимояшуда гузаронда шуда, пешниҳодҳои илмии онҳо барои дар амалия истифода шудан ба муассисаҳои тандурустӣ равона гардиданд.
Барои хубтар ба роҳ мондани корҳои илмӣ  дар академия шӯрои табъу нашр доир ба баррасӣ ва нашри китобҳои  илмии  олимон, кумитаи биотекӣ ва шӯрои экспертӣ доир ба баррасии лоҳаҳои аз ҳисоби  буҷети давлат  маблағгузоришаванда     фаъолият доранд.
Имрӯз, вобаста ба талаботи замон,  пеши олимони тиб вазифаҳои азим меистанд, ки амалӣ  намудани  онҳо  дар  илми тибби тоҷик саҳифаҳои навро боз хоҳад кард.
 


Баёни ақида (0)    Санаи нашр: 4.08.2016    №: 156    Мутолиа карданд: 380

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед