logo

сиёсат

ПЕШВОИ МИЛЛАТ ДАР ШАҲРИ РОҒУН

4 август Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари корӣ ва бо мақсади шиносоӣ аз рафти иҷрои корҳои ободонӣ ба шаҳри Роғун ташриф овард.

Дар доираи  сафар, ҳамчунин, Сарвари давлат Эмомалӣ Раҳмон бо рафти корҳои барқарорсозӣ дар Неругоҳи барқи обии Роғун шинос шуд.
Нахуст Сарвари давлат Эмомалӣ Раҳмон дар майдончаи назоратии рақами як рафти корҳои барқарорсозиро мушоҳида намуд. Тавре аён гардид, корҳо дар ҳама қитъаҳои ин мавзеъ бомаром ва низоми хуб ба роҳ монда шудааст.
Таъкид гардид, ки барои анҷоми корҳои сохтмонӣ дар қитъаҳои рӯизаминӣ ва зеризаминии неругоҳ 2077 адад мошину механизм истифода мешавад.
Сарвари давлат Эмомалӣ Раҳмон дар идомаи боздид, ҳамзамон, аз биноҳои идораи дарвозаҳои таъмирӣ, асосӣ ва садамавии нақбҳои сохтмонии 1 ва 2, дарвозаҳои таъмирии нақби обқабулкунаки муваққатӣ ва камераи васлгарии нақби обқабулкунаки муваққатӣ дидан намуд.
Корҳои сохтмонӣ дар қубурҳои обпартои агрегатҳои 5 ва 6 бо ҷӯшу хурӯш идома дорад. Дар ин ҷо мутахассисони ватанӣ 70 дарсади корҳои нақбканиро ба итмом расондаанд. Корҳои оҳану бетонӣ низ дар қитъаи сохтмонӣ вусъат меёбад.
Аз сифати хуби бунёдкорӣ бармало аён аст, ки  коргарони ин кохи нурофарин дастуру ҳидоятҳои Сарвари давлат Эмомалӣ Раҳмонро оид ба устувору босифат анҷом додани ҳар як амал сармашқи кори худ кардаанд.
 Айни ҳол дар ҳамаи қитъаҳои сохтмонии Неругоҳи барқи обии Роғун наздики 12 ҳазор нафар коргарону мутахассисон шабонарӯзӣ машғули коранд.

Дар идомаи боздид аз Неругоҳи барқи обии Роғун Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо 3 толори мошинҳои неругоҳ, ки майдончаи асосии васлгарии таҷҳизоти тавлидкунандаи барқро ташкил медиҳад, шинос шуд.
Ба Сарвари давлат Эмомалӣ Раҳмон нахуст тарҳи асосии механизми кори агрегатҳо ва тавлидоти барқ, низоми минбаъдаи кори мошинҳо, хоса сохтори он бо натиҷаи охирини корҳои иҷрогардида муаррифӣ карда шуд.
Зимни шиносоӣ бо лоиҳа, Пешвои миллат муҳтарам Эмомалӣ Раҳмон ба татбиқи сифатноки корҳо, ҳисси баланди масъулиятшиносии мутахассисону сохтмончиёни ин қитъаи сохтмонӣ таваҷҷуҳ намуда, масъулинро ба иҷрои бетамдиди ҷадвали корӣ ҳидоят кард.
Тавре иттилоъ дода шуд, тамоми корҳои омодасозӣ, бетонрезӣ ва мустаҳкамкунии иншоот, бахусус инфрасохтори зарурии хизматрасон барои агрегату дигар таҷҳизоти танзимкунанда, дар ин қитъаи сохтмонӣ мувофиқи нақша бо сифати баланд амалӣ карда шудааст, ки ба меъёрҳои байналмилалии сохтмонӣ мутобиқ мебошанд.
Баъди шиносоӣ бо сифати корҳо дар майдончаи васлгарӣ, Пешвои миллат муҳтарам Эмомалӣ Раҳмон аз толори асосии иншооти аср  - Неругоҳи барқи обии Роғун, ки дар он агрегатҳои тавлидкунандаи барқ насб хоҳанд шуд, боздид кард.
Дар ин қитъа ба Сарвари давлат Эмомалӣ Раҳмон ҳаҷми корҳои иҷрошуда, сохтори устуворкунандаи деворҳо, механизм ва тартиби насби агрегатҳо, аз ҷумла пайвандкунии он ба дастгоҳҳои қабулкунандаи қувваи барқ муаррифӣ гардид.
Дар ин мавзеъ барои ҷойгиркунии 6 агрегат, ки иқтидорашон 3 ҳазору 600 мегаватт мебошад, корҳои омодасозӣ ва гузоштани лавозимоти зарурӣ идома дорад. Баъди анҷоми пурраи корҳои омодасозӣ, яъне ҷузъиёти давраи ҷойгиркунии нахустин агрегатҳо, ки дар асоси нақшаи аввали фаъолияти неругоҳи Роғун амалӣ мешавад, дар марҳилаи ниҳоӣ мебошад.
Зимни боздид аз ҷараёни корҳо дар Неругоҳи барқи обии Роғун Пешвои миллат муҳтарам Эмомалӣ Раҳмон, ҳамзамон, аз сехи васлкунии трансформаторҳо, ки дар заминаи пойгоҳи фармоишгар -  Ҷамъияти саҳомии кушодаи Неругоҳи барқи обии Роғун бунёд шудааст, дидан кард.
Тавре аён шуд, дар ин нуқтаи муҳими васлгарӣ аллакай 2 трансформатори қувватнок бо тавоноии 700 ҳазор киловолт - ампер омода шудааст.
Тибқи нақша дар сехи васлгарӣ дар як моҳ 1 трансформатори пурқудрат омода карда мешавад.
Дар асоси дурнамои фаъолият, дар баробари васлу насби трансформаторҳои Неругоҳи барқи обии Роғун, ин коргоҳ оянда барои ҷамъоварӣ ва омодасозии трансформаторҳои дигар неругоҳҳои хурду бузург низ хизмат хоҳад расонд.
 


Баёни ақида (0)    Санаи нашр: 4.08.2016    №: 156    Мутолиа карданд: 397

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед