logo

иқтисод

ОБХЕЗӢ БА БЕШ АЗ 100 ГЕКТАР ЗАМИНИ РАШТ ТАҲДИД МЕКУНАД


Азбаски қисми зиёди заминҳои ҳамвори ноҳияи Рашт дар соҳили дарёи Сурхоб ҷойгиранд, баланд шудани сатҳи об хавфи шусташавии онҳоро ба миён меорад. Аз ин сабаб кишоварзон барои  истифодаи чунин заминҳо ҳавасманд нестанд.

Дар  натиҷаи тағйир ёфтани маҷрои дарёи  Сурхоб моҳи августи соли гузашта канали Қалъанак, ки садҳо гектар заминҳои кишти Ҷамоати деҳоти Қалъанакро бо об таъмин месохт, хароб гардид. Офати  табиат дар  ду ҷой - яке дар масофаи 220 метр ва дар ҷойи дигар  50 метр ба шабакаи обёрӣ зарар расонд. Дар мавзеи мазкур деҳқонон давоми ду соли охир 25 гектар боғи нави мева бунёд намуда, дар майдони беш аз 35 гектар картошка ва дар 20 гектар хӯроки чорво кишт мекарданд.
Мақомоти иҷроияи маҳаллии ҳокимияти давлатии ноҳияи Рашт дар доираи имконоти мавҷуда ва кумаку дастгирии сокинон 50 метри харобгардидаи шабакаи обёриро барқарор сохт.  Аммо  қисмати асосии он  то имрӯз валангор боқӣ монда, афзоиши ҳаҷми истеҳсоли зироатҳоро коҳиш додааст. Аз сабаби таъмир нагардидани канал ва тағйир ёфтани  маҷрои рӯд қисме аз заминҳои киштро оби  дарё шуста бурд.
- Агар ин харобӣ сари вақт бартараф мегардид, маблағи хеле кам масраф мешуд. Тақрибан бо 230 ҳазор сомонӣ имкони пешгирии хавфи шусташавии заминҳо ва хароб гардидани канал вуҷуд дошт. Имрӯзҳо  зарурати бо харҷи 1 миллиону 300 ҳазор сомонӣ  барқарор намудани он пеш омадааст. Ҳоло  қабати ҳосилхези заминҳои мавзеи номбурда, ки бо заҳмати зиёд киштбоб карда шудаанд, ба коми дарё фурӯ меравад, - гуфт  Маҳмадамин Ҷомидов,  сарзироатчии шуъбаи кишоварзии ноҳия.
 Ба гуфтаи  Аъзамҷон Маҳмадов, сардори Агентии беҳдошти замин ва обёрии ноҳия, аз 8 августи соли гузашта  масъулони соҳа ҷиҳати барқарор сохтани қисматҳои валангори шабакаи обёрии Қалъанак санади дахлдор  тартиб дода, ба Агентии беҳдошти замин ва обёрии назди Ҳукумати кишвар ирсол карданд. Лоиҳакашони агентӣ дар асоси он  моҳи апрели соли равон омада, ҷойҳои вайронаи каналро санҷиданд ва барои иҷрои корҳои сохтмонӣ ба роҳбарияти идораҳои дахлдор чораҳои заруриро пешниҳод намуданд.
Пӯшида нест, ки заминҳои тахту ҳамвор дар навоҳии кӯҳистон хеле каманд. Аз ин рӯ,  зиёд кардани  масоҳати майдонҳои кишт аз ҳисоби заминҳои бекорхобидаи талу теппаҳо ва ҳифзи  киштзори  соҳили дарёҳо дар пешрафти соҳаи кишоварзӣ нақши муҳим дорад. Ҳоло бо зиёд шудани ҳаҷми оби дарёи Сурхоб ва валангор будани шабакаи обёрӣ беш аз 100 гектар замини кишти минтақаи Қалъанаки ноҳия зери хатари шусташавӣ мебошад. Бинобар ин, ҳарчи зудтар рафъ сохтани ҳолати мазкур аз масъулон тадбирҳои саривақтиро тақозо мекунад.
Худодод ЗАЙНИДДИН,  "Ҷумҳурият"


Баёни ақида (0)    Санаи нашр: 5.08.2016    №: 157    Мутолиа карданд: 538

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед