logo

иқтисод

ПИРЯХҲО. КАЙ БАРОИ ҲИФЗИ ОНҲО ТАДБИРҲОИ ҶИДДӢ АНДЕШИДА МЕШАВАД?

Пиряхҳои  Федченко, Хирсон, Ғармо, Кашолаях, кӯли  Сарез  ва даҳҳо кӯлу пиряхҳои дигари Бадахшон дороиҳои обии  Тоҷикистонро ташкил медиҳанд.  Дар саросари қаторкӯҳҳои Помир садҳо манбаи оби тозаи нӯшиданӣ мавҷуд мебошад. Дар баландиҳои водиҳои Вахё, Ванҷи Боло, Язгулом, Бартанг, Ғунд, Шоҳдара, Вахон,  дуриҳои Помири Шарқӣ, ноҳияи Мурғоб шохобҳои зиёд ва   чашмасорони мусаффои мамлакат ҷойгиранд.
Соли  гузашта дар пойтахти мамлакатамон -  шаҳри Душанбе конфронси байналмилалӣ  оид ба  истифодаи самараноки оби нӯшиданӣ баргузор гардид, ки дар он қариб 1500 намояндаи кишварҳои ҷаҳон  ширкат варзиданд. Президенти Ҷумҳурии Тоҷикистон Эмомалӣ Раҳмон дар   конфронс аз он изҳори нигаронӣ карданд,  ки  тӯли солҳои охир   бо сабаби гармшавии ҳаво дар  минтақа   беш аз  1000  пирях  аз байн рафтааст. Аз 14 ҳазор пиряхи  кишвар, ки аксарияти онҳо дар Помир  воқеъ гаштаанд, 13  ҳазор  боқӣ мондааст.
Дар  ҳавзаҳои Ғунд, Вомароб,  Ванҷоб,  Язгуломоб,  Хингоб, Хумбов садҳо лозурҳои калону хурд ва чашмасорон мавҷуданд. Шохобҳо аз пиряхҳои   Федченко, Хирсону Кашолаях, Ғармо  ба кӯлҳои Сарез ва   Яшиккӯл ҷорӣ мешаванд. Рӯдҳои Хумбов,  Хингов, Ванҷоб, Язгуломоб ва  Бартанг бошанд, аз оғӯши Сарез ва Яшиккӯли шириноб сарчашма мегиранд.
Захираҳои азими обии чорсӯи Бадахшон мӯҷиби ободӣ ва шукуфоии боғоту киштзорони шаҳру ноҳияҳои вилоят ва мамлакату минтақаи Осиёи Марказӣ мебошанд.  Мутаассифона,  лозурҳои бузурги Федченко,  Хирсон, Кашолаях, Ғармо ва дигар пиряхҳо  аз гармии ҳаво об   гардида, масоҳаташон камтар шудааст. Захираҳои  обии Бадахшон на танҳо асоси ҳаёти инсону ободии киштзорон, балки асоси  ҳастии  олами ҳайвонот ва наботот ҳам   маҳсуб меёбанд.
Тоҷикистон  соҳиби ин неъматҳои бебаҳои табиат  аст. Ҳар як  фарди ватандӯст  бояд ба қадри ин неъматҳо  бирасад.
Ҳоло фасли тобистон аст ва суръати обшавии пиряхҳо баланд гардидааст. Масъулони Тоҷикистон  борҳо аз минбарҳои баланди конфронсҳои байналмилалӣ оид ба  мушкили нигоҳдории  захираҳои об   назарҳо баён кардаанд,  аммо… Мутаасифона, ин мушкили тамоми минтақа аст ва дар ҳалли он ҳамдастию ҳамдигарфаҳмии тамоми кишварҳои минтақа ва созмонҳои бонуфузи байналмилалӣ, бавижа Созмони Милали Муттаҳид, зарур аст.
Кай оид ба ҳифзи пиряхҳо дар сатҳи минтақа ва ҷаҳон тадбирҳои ҷиддӣ андешида мешаванд? Охир, ҳалли ин масъала ба нафъи тамоми сокинони минтақа ва ҷаҳон мебошад ва мушкили мардуми Осиёи Марказӣ набояд аҳли башарро бетараф гузорад.

Сироншоҳи ДИЛОВАР, 
«Ҷумҳурият»


Баёни ақида (0)    Санаи нашр: 5.08.2016    №: 157    Мутолиа карданд: 638

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал

ХАТЛОН. Таъсиси 31 корхона дар 6 моҳ

МАРКАЗИ ТАДҚИҚОТИ СТРАТЕГӢ. Ҳамкориҳо самар медиҳанд

"ТОҶИК ЭЙР". Парвозҳо аз нав шурӯъ гаштанд

Таъсиси 26 ширкати сайёҳӣ дар ним сол

ДДК. Шумораи омӯзгорони унвондор меафзояд

Ҷаҳон дар як сатр

ВАЗОРАТИ МЕҲНАТ, МУҲОҶИРАТ ВА ШУҒЛИ АҲОЛӢ. Музди миёнаи меҳнат – 1350 сомонӣ

ТИББИ ОИЛАВӢ МУҲИМТАРИН РУКНИ ТАНДУРУСТӢ


Дар сомонаҳои дигари Тоҷикистон хонед