logo

сиёсат

БОЗДИДИ ПЕШВОИ МИЛЛАТ АЗ МАҶМААИ ЛИЖАРОНИЮ САЙЁҲИИ "САФЕД ДАРА"

6 август Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Варзоб аз иншооти маҷмааи лижаронию сайёҳии «Сафед Дара» боздид ба амал овард.

Нахуст Сарвари давлат Эмомалӣ Раҳмон бо шароити мактаби махсуси кӯдакону наврасон оид ба намудҳои зимистонаи варзиши Кумитаи ҷавонон, варзиш ва сайёҳӣ шинос шуд.
Дар мактаби мазкур 70 нафар кӯдакону наврасон ба таълими варзиши зимистона фаро гирифта шуда, онҳо аз имконияти васеи машқу тамрин ва омӯзиши нозукиҳои варзиши зимистона ҳамаҷониба бархӯрдоранд. Бо мақсади равнақ додани лижаронӣ дар Ҷумҳурии Тоҷикистон ва омода намудани ҷавонону наврасон ба ин намуди варзиш аз ҷониби соҳибкорон мактаби дуошёна бо 60 ҷойи нишаст бунёд шудааст.
Президенти мамлакат Эмомалӣ Раҳмон ба иқдоми соҳибкорони ватанӣ барои обод кардани ин гӯшаи диёр ва мусоидат ба рушди лижаронӣ изҳори сипос намуда, ба масъулони соҳа барои ҷалби ҷавонон ба варзиш ва фароҳам овардани шароити мувофиқи ҷалби сайёҳони хориҷӣ дастуру супоришҳо дод.
Сарвари давлат Эмомалӣ Раҳмон бо шароити ин мавзеи варзишию сайёҳӣ, аз ҷумла аз меҳмонхонаи 4 - ошёнаи барҳавою замонавӣ, нуқтаи нигоҳдории барфгардҳо, тарабхонаю марказҳои савдо ва мавзеъҳои лижаронию барфгардӣ дидан карда, ба шароити муҳайёгардидаи ин маҷмаа баҳои баланд дод.
Меҳмонхона бо мебели замонавӣ, хати интернет, оби гарм, шабакаи умумии гармидиҳии бо ангишт коркунанда ва лавозимоти дигар таъмин аст. Меҳмонхонаи маҷмааи варзишӣ аз 54 ҳуҷра иборат буда, дар як вақт метавонад 240 нафар мизоҷро қабул намояд.
Дар маҷмааи лижаронӣ инфрасохтори иловагӣ, аз қабили тарабхона, айвони кушодаи барбекю, мағозаҳои хӯрокворию фурӯши асбобу лавозимоти лижаронӣ, нуқтаҳои иҷораи лавозимоти лижаронӣ, барфгард ва ғайра сохта шудаанд.
Маҷмааи лижаронию сайёҳии «Сафед Дара» аз ҷониби Ҷамъияти дорои масъулияти маҳдуди «Сафед Дара» бо ҷалби сармояи ватанӣ дар як муддати кӯтоҳ аз таъмири асосӣ баромад.
Дар ҳамин ҷо ба Сарвари давлат Эмомалӣ Раҳмон нақшаи бунёди лоиҳаи наву муосири муҷтамеи хизматрасонии маҷмааи лижаронии “Сафед Дара” - ро муаррифӣ карданд.
Маълум гардид, ки дар ин ҷо шурӯъ аз таваққуфгоҳ барои 200 мошин, бозору дуконҳои фурӯши молу маҳсулоти гуногун, атраксионҳои кӯдакона, майдончаҳои варзишӣ барои бозиҳои футбол, баскетбол, волейбол, корти теннис, инчунин ду бинои боҳашамати иҷораи сарулибоси варзишии хоси лижаронӣ, чойхонаи миллӣ ва дигар иншооти зарурӣ бунёд мегарданд.
Айни ҳол аз тарафи Ҷамъияти дорои масъулияти маҳдуди «Сафед Дара» дар доираи ҳамкорӣ бо ширкати «Доппелмаер» - и Австрия сохтмони роҳи босуръати кабинавии арғамчинӣ оғоз гардида, воридшавии техника ва технологияи зарурӣ идома дорад. Дарозии роҳи босуръати кабинавии арғамчинӣ 2 ҳазору 27 метрро ташкил дода, иқтидори ниҳоии интиқоли он дар маҷмӯъ дар ду самт дар як соат 5600 нафарро ташкил медиҳад.
Зимни шиносоӣ бо лоиҳа Сарвари давлат Эмомалӣ Раҳмон ба сохтмончиён дастур дод, ки марҳилаи якуми корҳои сохтмонӣ дар маҷмааи варзишию истироҳатии зимистона бо истифода аз тамоми имконот то моҳи декабри соли ҷорӣ бо сифати баланди ҷавобгӯй ба талаботи стандартҳои байналмилалӣ ба анҷом расад.
Дар асоси супориши Пешвои миллат Эмомалӣ Раҳмон кормандони Ҷамъияти дорои масъулияти маҳдуди «Сафед Дара» ба нақша гирифтаанд, ки барои истироҳату фароғати кӯдакону наврасон дар фасли тобистон лагери тобистона низ ташкил намояд.
Дар маҷмаа мутахассисони ботаҷрибаи соҳаи варзиши зимистона, мураббиёну роҳбаладон барои муаррифии мавзеъ ва дигар ҳайати хизматрасон, ки барои фароғати сайёҳону меҳмонон дар сатҳи олӣ хизмат мерасонанд, фаъолият доранд. Дар маҷмӯъ зиёда аз 200 ҷойи нави корӣ барои шаҳрвандон ташкил карда шуд.
Бояд гуфт, ки беҳдошти шароити истироҳату фароғат, рушди соҳаи варзишу сайёҳӣ дар мамлакат дар даврони соҳибистиқлолӣ бо ташаббус ва талошҳои пайвастаи Пешвои миллат Эмомалӣ Раҳмон таъмин гардида, имрӯзу ояндаи ин соҳаҳои афзалиятноки иҷтимоӣ дорои аҳамияти бузург ва дурнамои дурахшон мебошанд. Натиҷаи ин талошу дастгириҳои Сарвари давлат Эмомалӣ Раҳмон аст, ки имрӯз дар як муддати кӯтоҳ мавзеи сайёҳию варзишии Сафед Дара ба як маҷмааи нотакрори истироҳатию сайёҳӣ ва варзишӣ табдил ёфт.

 


Баёни ақида (0)    Санаи нашр: 8.08.2016    №: 158    Мутолиа карданд: 851

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед