logo

иҷтимоиёт

ТАҚЛИД. ОН НАБОЯД КӮР - КӮРОНА БОШАД

Тоҷикон яке аз миллатҳои мутамаддини ҷаҳонанд, ки ба оламиён намояндагони бузурги илму маърифат ва ҳунару фарҳангро эҳдо намудаанд. Аз ҷониби аҷнабиён осори адабу ҳунари онҳо борҳо нобуд шуда бошад ҳам, боз дар андак муддати созгор бо рӯҳу тавони тоза худро эҳё кардаанду даст ба созандагиву эҷодкорӣ задаанд. Аммо, имрӯз падидаи нигаронкунандаю аз рушду такомул боздорандае, ба мисли тақлид миллати моро ба доми худ кашидааст. Мавлоно Ҷалолиддини Балхӣ, ки осори адабию фалсафии ниёгони моро дар асари  гаронбаҳои худ «Маснавии маънавӣ» натиҷагирӣ ва ҷамъбаст кардааст, мегӯяд:
Халқро тақлидашон барбод дод,
Эй дусад лаънат бар ин тақлид бод!

Мавлоно моро аз гирифтор  шудан ба марази таассубу тақлиду ифрот ҳушдор додааст ва таъкид кардааст, ки маҳз ана ҳамин омил метавонад халқу миллатро ба вартаи нобудию нокомӣ бикашад.
Ҳоло байни мардум чандин одату анъанае мушоҳида мегарданд, ки аслан хоси миллати озодатабори мо набуда, танҳо тақлиди кӯр-кӯрона ба мардуми кишварҳои хориҷӣ мебошад.
Яке аз ин тақлидҳои нохушоянд дар синну соли ҷавонӣ мондани риш аст. Вақте сабабҳои  ришмониашонро ҷустуҷӯ мекунем, маълум мешавад, ки аксари онҳо бехабар аз қонунҳои дини мубини Ислом ва дур аз донишҳои динӣ буда, қоидаҳои мусулмониро аз рӯи шунидаҳо риоя мекунанд.  Ба кору амалҳои зоҳирӣ бештар таваҷҷуҳ намуда, бо донишҳои муосир мусаллаҳ намешаванд. Ҳол он ки Пайғамбари Ислом Муҳаммад (с) фармудааст: «Аз гаҳвора то гӯр дониш биҷӯй!».
Яъне, Пайғамбар таъкид кардааст, ки дар омӯзишу парвариш ва касби илму маърифат пайравони ӯ ҳеҷ гоҳ фориғ набошанд. Дар аксари суҳбату маҳфилҳои ҷавонони мо сухан дар сари ришу либосу мошину телефону чизҳои дигар меравад. Аммо дар бораи ватанпарастию миллатдӯстӣ, азхуд кардани илму технологияи пешрафта, хизмат дар сафи Артиши миллӣ, ҳамеша омода будан барои ҷоннисорӣ дар ҳифзи Ватан камтар ҳарф мезананд.
Вақте ки сухан аз боби таассубу тақлид рафт, иброз доштани чанд нуктаи дигарро дар бобати занҳо зарур мешуморем. Бисёр ба мушоҳида гирифтаем, ки агар касе хонаашро таъмир кунад, занҳои дигар ҳатман мехоҳанд, ки таъмири хонаашон аз вай беҳтар бошад. Ҳатто дар ҳолате ки ба ин кор зарурат набошаду имконият низ надошта бошанд. Ё, агар фарзанди яке аз ҳамсояҳо ба ин ё он мактаби олӣ дохил шавад, аз рӯи ҳасаду таассуб дигар ҳамсояҳо ба он нигоҳ накарда, ки фарзандашон қобилияту хоҳиш дорад ё не, бо сад роҳу восита дохил мекунанд. Мутаассифона, фарзанди онҳо ба ҷои таҳсил, бештари вақт машғули корҳои дигар гашта, боиси ташвиши дигарон мегардад. Ин ҳасаду нотавонбинӣ ва кибру ғурури ноҷои падару модар мушкилоти дигареро низ дар пай хоҳад дошт.
Устод Рӯдакӣ навиштааст:
Бо дода қаноат куну бо дод бизӣ,
Дар банди такаллуф машав, озод бизӣ.
Дар беҳ зи худе назар макун, ғусса махӯр,
Дар кам зи худе назар куну шод бизӣ.

Нуриддин АМИРӢ,
устоди Донишгоҳи технологии Тоҷикистон


Баёни ақида (0)    Санаи нашр: 9.08.2016    №: 159-160    Мутолиа карданд: 432

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед