logo

маориф

МАҲОРАТИ КАСБӢ. БАЛАНД БАРДОШТАНИ ОН ЗАМИНАИ РУШДИ ИҚТИСОДИЁТ АСТ

Маркази такмили ихтисоси Донишгоҳи аграрии Тоҷикистон ба номи Шириншоҳ Шоҳтемур бо мақсади тақвияти корҳои бозомӯзӣ ва баланд бардоштани сатҳи тахассусии донишҷӯёну омӯзгорон бо 86 муассисаи илмии дохиливу хориҷӣ шартномаи ҳамкорӣ ба тасвиб расондааст.

Дар ҳамин асос ҳамасола дар  маркази мазкур барои омӯзгорон, устодон ва мутахассисони соҳаҳои  мухталифи муҷтамеи агросаноатӣ бо ҷалби мутахассисони варзида курсҳои такмили ихтисос ба роҳ монда мешаванд. Зеро таҷриба нишон медиҳад, ки рушди соҳаи кишоварзӣ аз сифати таълим, баланд бардоштани донишу таҷриба, омода намудани технологҳо, муҳандисон, бунёди муассисаҳои саноати нигоҳдорӣ ва коркарди маҳсулоти кишоварзӣ вобастагӣ дорад. Аз ин рӯ, ҳамеша зарурияти такмили ихтисоси омӯзгорон ва кормандони соҳаҳои гуногун вуҷуд дорад.
Гузашта аз ин, баланд бардоштани сатҳи маҳорати касбӣ дар рушди иқтисодиёти кишвар нақши муҳим мебозад. Корхонаю муассисаҳоро бояд мутахассисони сатҳи баланди касбӣ идора кунанд. Аз ин рӯ, мавҷудияти мактаби касбӣ, дар мисоли Маркази такмили ихтисоси ДАТ, ки дар бозомӯзӣ ва такмили ихтисоси кормандони соҳа нақши муассир дорад, танҳо ба манфиати кор аст.
Ин марказ дар асоси шартномаи дуҷониба бо муассисаҳои мухталифи кишвар, аз ҷумла Академияи илмҳои кишоварзии Тоҷикистон, хоҷагиҳои пешрафтаи  кишоварзии ҷумҳурӣ ба монанди хоҷагии кооперативӣ – истеҳсолии (ХКИ) ба номи Латиф Муродов, ХКИ «Ватан», ҶДММ «Баракат», ҶДММ «Стабрагро» - и ноҳияи Ҳисор, хоҷагии деҳқонии (фермерӣ)  «Ватан - 2008» - и ноҳияи Турсунзода, Гармхонаи «Хайриён» - и ноҳияи Ваҳдат,  Академияи илмҳои ҷумҳурӣ, Донишгоҳи миллии Тоҷикистон, Кумитаи давлатии идораи замин ва геодезӣ ва дигар сохторҳои муҷтамеи агросаноатӣ ҳамкорӣ дорад.
Дар соли ҷорӣ бо ташаббус ва дастгирии Вазорати кишоварзии Ҷумҳурии Тоҷикистон ва роҳбарияти донишгоҳ бо мақсади амалигардонии Барномаи  ҳукуматии  такмили ихтисоси кадрҳо дар вилояти Суғд (ш. Хуҷанд), вилояти Хатлон (ш. Қурғонтеппа) ва минтақаи Рашт (ш. Ғарм) филиалҳои марказ таъсис дода шуд, ки имрӯз фаъолияти худро доир ба бозомӯзии кормандони соҳаи агросаноатӣ ба роҳ мондааст.
Маркази такмили ихтисоси кадрҳои назди донишгоҳ бо мақсади амалӣ намудани Барномаи ҳукуматии такмили ихтисоси кадрҳои соҳавӣ ва қарорҳои мушовараи Вазорати кишоварзии Тоҷикистон дар тӯли фаъолияташ  18762  нафар мутахассисро аз курсҳои  бозомӯзӣ, такмили ихтисос, семинару дарсҳои сайёр гузарондааст. Шумораи умумии шунавандагон 26630 нафарро ташкил медиҳад, ки ин ҷиҳати баланд бардоштани сатҳи маҳорати касбӣ бо мақсади омодасозии мутахассиси соҳа барои идоракунии истеҳсолоти кишоварзии кишвар саҳми босазо мегузорад.

Саидалӣ ГУЛОВ,
директори Маркази такмили ихтисоси кадрҳои комплекси агросаноатии назди
Донишгоҳи аграрии Тоҷикистон ба номи Ш.Шоҳтемур, доктори илми биологӣ, профессор

 


Баёни ақида (0)    Санаи нашр: 9.08.2016    №: 159-160    Мутолиа карданд: 4351

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад


Дар сомонаҳои дигари Тоҷикистон хонед