logo

сиёсат

СИМПОЗИУМИ БАЙНАЛМИЛАЛИИ САТҲИ БАЛАНД ДАР ДУШАНБЕ ОҒОЗ ЁФТ

Имрӯз дар пойтахти мамлакат шаҳри Душанбе, Симпозиуми байналмилалии сатҳи баланд оид ба Ҳадафи шашуми рушди устувор таҳти унвони “Таъмини дастрасии ҳамагонӣ ба об ва беҳдошт” ба кори худ оғоз намуд.
Дар расми ифтитоҳи ин ҳамоиши муҳими байналмилалӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон иштирок ва суханронӣ кард.

Дар кори Симпозиуми байналмилалӣ зиёда аз 700 нафар намояндаи воломақом аз 90 кишвари олам, 47 ташкилоти байналмилалӣ ва минтақавӣ, ба монанди СММ ва 17 сохтору ниҳоди зертобеи он, Созмони ҳамкории Шанхай, Иттиҳоди Давлатҳои Мустақил, Созмони ҳамкории иқтисодӣ, Бонки ҷаҳонӣ, Салиби Сурх ва дигарон иштирок доранд. Симпозиум намояндагони баландпояи давлату ҳукуматҳо, роҳбарон ва коршиносону мутахассисони ташкилотҳои минтақавӣ ва байналмилалӣ, доираҳои академӣ, илмию соҳибкорӣ, ҳамчунин ҷомеаи шаҳрвандиро, ки дар мавриди истифодаи захираҳои обӣ метавонанд қарор қабул кунанд, ба ҳам овард.
Дар кори Симпозиуми байналмилалӣ, ки аз 9 - ум то 11 - уми август идома меёбад, мавзӯъҳои муҳими рӯзмарра, аз ҷумла афзун намудани зарфияти ҳукуматҳои миллӣ ва мақомоти маҳаллӣ дар масъалаи мудирият аз болои истифодаи ҳамгироиёнаи захираҳои обӣ, табодули дониш ва таҷриба дар масоили беҳтар намудани дастрасӣ ба об, беҳдошт ва санитария, баланд бардоштани самаранокии истифодаи об, коҳиш додани ифлосшавии захираҳои обӣ, ҳифзи ҳавзҳои обӣ ва системаҳои беҳдоштии экологӣ, пешбурди ҳамкориҳо ва шарикии байналмилалӣ, рушди ҳамкориҳои минтақавӣ ва бисёрсоҳа, пешбурди ташаббусҳои мушаххас ҷиҳати иҷрои Ҳадафи шашуми рушди устувор ва вазифаҳои вобаста ба он мавриди баррасӣ қарор дода мешаванд.
Зимни суханронии худ Сарвари давлат Эмомалӣ Раҳмон доир ба муҳимияти Ҳадафи шашуми рушди устувор, ки ба масъалаи таъмин намудани дастрасии ҳамагонӣ ба об ва беҳдошт бахшида шудааст, ибрози назар карда, таъкид намуд, ки ин ҳадаф, дар баробари зарурати таъмин намудани дастрасӣ ба оби ошомиданӣ ва беҳдошт, масъалаҳои сифати об, самаранокии истифодаи он, пиёдасозии мудирияти муштараки захираҳои об, ҳифзи экосистемаи об, инчунин тавсеаи ҳамкорӣ ва ҳамёрӣ дар соҳаи обро дар бар мегирад.
Ба андешаи Президенти Ҷумҳурии Тоҷикистон қисмати марбут ба оби Ҳадафҳои рушди устувор вазифаҳои алоҳидаеро, ки ҳамгироии ҳадафи 6 - умро бо дигар Ҳадафҳои рушди устувор таъмин менамоянд, муқаррар карда, мудирияти захираҳои об дар Рӯзномаи нави ҷаҳонии рушд ҷойгоҳи калидиро касб намудааст.
Доир ба аҳамияти ташаббусҳои нав ва муҳими Тоҷикистон дар соҳаи об, аз ҷумла оид ба эълон намудани Даҳсолаи байналмилалии нав таҳти унвони “Об барои рушди устувор”, ки моҳи апрели соли гузашта пешниҳод шуда буд, Сарвари давлат Эмомалӣ Раҳмон изҳори умеду боварӣ намуд, ки чунин як иқдом дар сурати аз ҷониби ҷомеаи ҷаҳонӣ ва ширкаткунандагони ин ҳамоиши бузург пуштибонӣ ёфтан барои ҷалби таваҷҷуҳи бештар ва фарогир ба татбиқи Ҳадафи шашуми рушди устувор ва вазифаҳои он мусоидат хоҳад кард.
Президенти Ҷумҳурии Тоҷикистон Эмомалӣ Раҳмон ҳамчунин изҳор дошт, ки дар оғози соли равон бо ташаббуси Созмони Милали Муттаҳид ва Бонки ҷаҳонӣ Панели сатҳи баланд оид ба масъалаҳои об бо шумули роҳбарони даҳ кишвари аъзои Созмони Милали Муттаҳид, аз ҷумла Тоҷикистон таъсис ёфтааст. Дар робита ба ин таъкид шуд, ки ин Панел ба ҳайси саҳнаи ҳамкории дастаҷамъона дар амалияи баррасиву дарёфти роҳҳои ҳалли масъалаҳои мубрами глобалӣ дар соҳаи об нақши муҳим хоҳад гузошт.
 Сарвари давлат Эмомалӣ Раҳмон пешниҳод кард, ки зимни баррасии масъалаҳои марбут ба татбиқи Ҳадафи шашуми рушди устувор таъсири манфии тағйирёбии иқлим ба захираҳои об, ки метавонад кӯшишҳои давлатҳоро дар самти расидан ба Ҳадафҳои рушди устувор халалдор намояд, афзоиши шумораи аҳолӣ дар миқёси сайёра ва ниёзмандии рӯзафзун ба захираҳои об, ба инобат гирифтани унсури гендерӣ дар мудирияти захираҳои об ва ҳамкории фаромарзӣ дар соҳаи об ҳамчун як омили калидии таъмини сулҳу субот ва рушд мавриди таваҷҷуҳи доимӣ қарор дода шаванд. Дар суханронии худ Сарвари давлат Эмомалӣ Раҳмон бори дигар аз хатари афзун шудани обшавии аз ҳад зиёди пиряхҳо, баланд шудани сатҳи оби дарёҳо, тағйирёбии иқлими сайёра ва дигар мушкилоти марбут ба об ёдовар шуда, аз ҷомеаи ҷаҳонӣ даъват ба амал овард, ки барои ҳалли масоили марбут ба ин мушкилот ҳамкорӣ ва муколамаи созандаи байнидавлатиро пеша намоянд.
Дар расми ифтитоҳи Симпозиуми байналмилалии сатҳи баланд муовини Дабири кулли СММ, Намояндаи олӣ оид ба масъалаҳои кишварҳои камтараққӣ, кишварҳои тараққикунандаи маҳсур дар хушкӣ ва ҷазиракишварҳои хурди тараққикунанда Гян Ачария Паёми шодбошии Дабири кулли СММ Пан Ги Мунро ба иштирокчиёни Симпозиум қироат кард. Ҳамчунин ноиби дигари Дабири кулли СММ Гай Райдер бо Паёми видеоӣ баромад намуд. Сипас, аз номи Гурӯҳи 77 намояндаи доимии Шоҳигарии Тайланд дар СММ Вирачай Пласай, аз намояндаҳои доимии давлатҳо дар СММ намояндаи доимии Финландия дар ин созмон Кай Сауэр, аз номи мушовирони махсуси Панели сатҳи баланд оид ба масъалаҳои об намояндаи доимии Ҷумҳурии Маврикий дар СММ Ҷагдиш Дҳарамачанд Кунҷал, ҳамчунин Дабири кулли Созмони ҳамкории Шанхай Рашид Олимов, Дабири кулли Созмони ҳамкории иқтисодӣ Халил Иброҳим Акча, намояндаи баландмақоми Бонки ҷаҳонӣ Ҷенифер Сара ва ноиби раиси Кумитаи роҳбарикунандаи шарикии глобалӣ дар соҳаи об Алиса Боуман-Дентенер сухан ронданд.
Хотиррасон бояд кард, ки дар доираи Симпозиуми байналмилалӣ ҳамчунин ҷаласаи 4 - уми мушовирони махсуси Панели сатҳи баланд оид ба масоили об баргузор гардида, дар ҷаласаҳои алоҳидаи ин чорабинӣ масъалаҳои матраҳ намудани ташаббусҳои ҳамкорӣ, аз ҷумла пешниҳод оид ба Даҳсолаи байналмилалии об барои рушди устувор, дастрасии умумӣ ва баробар ба оби ошомидании беҳтар ва арзон, дастрасии умумӣ ва баробар ба василаҳои сазовори санитарӣ-беҳдоштӣ барои ҳама, баланд бардоштани сатҳи самарабахши истифодаи об, таъмини мудирияти кулли захираҳои обӣ, муҳофизат ва барқарорсозии экосистемаҳои обӣ, баланд бардоштани сифати об тавассути коҳиш додани ифлосшавии муҳити зист ва механизмҳои нави иноватсионӣ дар ҷодаи ҳамкориҳо дар доираи об барои рушди устувор баррасӣ мешаванд.
Симпозиуми байналмилалии сатҳи баланд оид ба Ҳадафи шашуми рушди устувор таҳти унвони “Таъмини дастрасии ҳамагонӣ ба об ва беҳдошт” бо ибтикори бевоситаи Ҳукумати Ҷумҳурии Тоҷикистон дар ҳамкорӣ бо Департаменти СММ оид ба масъалаҳои иқтисодӣ ва иҷтимоӣ баргузор гардида, барои баррасии ҳамаҷонибаи масъалаҳои дарёфти роҳҳои иҷрои Ҳадафи шашуми рушди устувор ва вазифаҳои вобаста ба он дар доираи Даҳсолаи нави байналмилалӣ таҳти шиори “Об барои рушди устувор”, ки аз ҷониби Тоҷикистон пешниҳод шудааст, заминаҳои мусоид фароҳам хоҳад овард.
 


Баёни ақида (0)    Санаи нашр: 9.08.2016    №: 159-160    Мутолиа карданд: 606

21.11.2018


Аз таркиш дар Кобул беш аз 50 нафар ҳалок шуд

Ӯзбекистон нахустин намоишгоҳ-ярмаркаи байналмилалии содиротӣ мегузаронад

Могерини: «Иттиҳоди Аврупо «артиши аврупоӣ» ташкил карданӣ нест»

Табобати гепатити С дар Беларус аз арзонтарин дар Аврупост

Ҷаҳон дар як сатр

ДУШАНБЕ. Таҷлили нахустин ҷашни занони соҳибкор

ДЕВАШТИЧ. Тантанаи Рӯзи Президент

Иштироки мунтахаби футболи бонувон дар CAFA

20.11.2018


СУҒД. Оғози сохтмони раёсати маориф

ЛЕВАКАНТ. Конфронси илмӣ - назариявӣ ба ифтихори Иҷлосияи XVI

"Парасту" дар Тоҷикобод

Сарони кишварҳои Осиёи Марказӣ барои машварат дар Тошканд ҷамъ меоянд

Финляндия ҷонибдори ҳузури Россия дар Шӯрои Аврупо

Вазорати маорифи Афғонистон 30 ҳазор занро ба кор мегирад

Баррасии рушди инклюзивии иқтисоди қитъа дар Гвинея Папуаи Нав

Ҷаҳон дар як сатр

АНВАР ЮНУСОВ СОҲИБИ КАМАРБАНДИ WBF

"СОРО КОМПАНИЯ" ҒОЛИБИ ЛИГАИ КАСБИИ ФУТЗАЛИ ТОҶИКИСТОН

19.11.2018


ДЕВАШТИЧ. Авҷи созандагиҳо дар Ҷамоати деҳоти Яхтан

Артиши Сурия охирин истеҳкоми «ДИ» дар ҷануби кишварро зери назорат гирифт

Дар ҳама минтақаҳои Ӯзбекистон «мактаби президентӣ» месозанд

Роҳандозии барномаи махсуси давлатии ипотекӣ барои дӯзандагони Қирғизистон

Киштии зериобии «Сан Хуан» - ро дар уқёнуси Атлантика ёфтанд

Ҷаҳон дар як сатр

Кулишов: «Марзҳои ИДМ бо таҷҳизоти муосир таъмин карда мешаванд»

Дар Тоҷикистон омӯзгори забони англисӣ барои таблиғи «ДИ» 19 сол гирифт

Қазоқистон мубориза бо машруботро сахттар мекунад

Фоидаи туризм ба кадом шаҳри дунё бештар аст?

Ҷаҳон дар як сатр

"ИСТИҚЛОЛ" бори аввал барои Ҷоми чемпионҳои КФО мубориза хоҳад бурд

Омодагии тими миллӣ ба марҳилаи интихобии Ҷоми ҷаҳон – 2022

УСМОН ТОШЕВ САРМУРАББИИ НАВИ ДАСТАИ МУНТАХАБ

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд


Дар сомонаҳои дигари Тоҷикистон хонед