logo

ҳуқуқ

ШӮРОҲОИ ҶАМЪИЯТӢ. ҲАДАФ - ИШТИРОКИ БЕВОСИТАИ МАРДУМ ДАР ПЕШГИРИИ ҶИНОЯТКОРӢ

Бо мақсади мусоидати ҷомеаи шаҳрвандӣ ба ислоҳоти милитсия дар назди Вазорати корҳои дохилии Ҷумҳурии Тоҷикистон ва раёсатҳои минтақавии он дар вилоятҳои Суғд, Хатлон, ВМКБ, шаҳри Душанбе, Қисми минтақавӣ оид ба гурӯҳи ноҳияҳои Кӯлоб, минтақа ва ноҳияи Рашт шӯроҳои ҷамъиятӣ таъсис меёбанд. Ин шӯроҳо мақомоти ҷамъиятии машваратӣ - мушоҳидавӣ буда, низомномаи вижаи онҳо тартиб дода шудааст.
- Шӯрои ҷамъиятӣ дар асоси иштироки ихтиёрии шаҳрвандони ҷумҳурӣ, намояндагони иттиҳодияҳои ҷамъиятӣ, аз ҷумла созмонҳои ҷамъиятии ҳимояи ҳуқуқ, илмӣ, эҷодӣ, бо мақсади ҳифзи манфиатҳои ҷамъиятӣ таъсис дода мешавад. Он ҳамкории ҷомеа ва милитсияро дар коркарди самтҳои асосии сиёсати давлатӣ дар соҳаи таъмини тартиботи ҷамъиятӣ ва масъалаҳое, ки ба ҳамкории милитсия ва ҷомеа, дар ҳаёт татбиқ намудани принсипи дастрасӣ ва ошкорбаёнии фаъолияти милитсия, ҳимояи ҳуқуқу озодиҳои инсон ва шаҳрвандон вобастагӣ доранд, таъмин менамояд, - тазаккур дод Ҳамоҳангсози миллӣ оид ба ислоҳоти милитсияи Вазорати корҳои дохилии Ҷумҳурии Тоҷикистон, полковники милитсия, Алӣ Бобоназарзода.
Бино ба гуфтаи ӯ, шӯрои мазкур вазъи криминогенӣ, сатҳи ҷинояткорӣ ва усулу воситаҳои ҳифзи тартиботи ҷамъиятӣ ва таъмини амнияти ҷамъиятиро омӯхта, ҷиҳати мукаммалсозии фаъолияти воҳидҳои сохтории мақомоти корҳои дохилӣ ба роҳбарияти он таклифу пешниҳодҳо манзур менамояд ва ҳамчун мақомоти ҷамъиятӣ фаъолияти худро дар асоси ташаббуси ҷомеа пеш мебарад. Аъзои Шӯрои ҷамъиятӣ фаъолияти худро дар доираи талаботи «Кодекси одоби аъзои Шӯрои ҷамъиятӣ» ба роҳ монда, дар рӯҳияи эҳтиром, бовар, поквиҷдонӣ, инсондӯстӣ ва хайрхоҳӣ амал мекунад.
Мувофиқи низомномаи Шӯрои ҷамъиятӣ, шаҳрвандон ба таври ихтиёрӣ метавонанд аъзои он бошанд. Ба аъзогии Шӯрои ҷамъиятӣ шаҳрванди Тоҷикистон, ки ба синни 21 расидааст, доғи судӣ надорад, истиқоматкунандаи доимии маҳали Шӯрои ҷамъиятии таъсисёбанда аст, номзадиашро гузорад. Ҳамзамон, таҳсилоти миёнаи умумӣ, эҷодӣ ва илмӣ доштани аъзошаванда зарур аст. Муҳлати ваколати аъзои Шӯрои ҷамъиятӣ 3 сол муқаррар мешавад. Ҳайати шӯро бояд на камтар аз 7 нафарро ташкил диҳад. Таъминоти моддӣ-техникии Шӯрои ҷамъиятӣ аз ҷониби мақомоти иҷроияи маҳаллии ҳокимияти давлатӣ, иттиҳодияҳои ҷамъиятӣ, муассисаҳо ва созмонҳо, новобаста аз шакли моликияташон, донорҳо, Вазорати корҳои дохилии Ҷумҳурии Тоҷикистон ва воҳидҳои сохтории минтақавии он амалӣ карда мешавад.
Зиёд кардани эътимоди аҳолӣ ба системаи ҳифзи ҳуқуқ, наздик намудани фаъолияти кормандони мақомоти корҳои дохилӣ бо аҳолӣ, тақвият додани мақоми иттиҳодияҳои ҷамъиятӣ ва васоити ахбори омма, расондани ёрии машваратӣ, методӣ ва дигар намуди дастгириҳо ба фаъолияти мақомоти корҳои дохилӣ аз вазифаҳои муҳимтарини шӯроҳои ҷамъиятист. Ин ниҳод метавонад намояндагони васоити ахбори оммаро бо мақсади холисона ва ҳамаҷониба пешкаш намудани ахбор ба аҳолӣ ҷалб намояд.
Ҳукумат ва Вазорати корҳои дохилӣ мақсад доранд, ки сокини ин ё он маҳал якҷо бо кормандони мақомоти корҳои дохилӣ, хусусан бахшҳои ҳифзи тартиботи ҷамъиятӣ, нозирони минтақавӣ ва кормандони хадамоти пешгирии ҳуқуқвайронкунӣ дар байни ноболиғон ва ҷавонон фаъолият намуда, аз хатару таҳдидҳои мавҷуда ҳамдигарро хабардор намоянд.
- Ҳадафи мо ин аст, ки аҳолӣ бевосита дар раванди демократисозии ҷомеа, ислоҳоти милитсия, пешгирии ҷинояткорӣ, ҳуқуқвайронкуниҳо ва баланд бардоштани маърифатнокии ҳуқуқӣ иштирок намуда, дар пешгирии ҳаракату ҳизбҳои экстремистиву динӣ, рафторҳои бадахлоқона ва кирдорҳои ношоиста, таъмини тартиботи ҷамъиятӣ дар муассисаҳои таҳсилоти олӣ ва миёна, корхона, муассисаҳо, новобаста аз шакли моликияташон, саҳми худро гузоранд. Инчунин, вобаста ба масъалаи ҷорӣ намудани шаклҳо ва усулҳои самарабахши фаъолияти якҷояи ҷомеаи шаҳрвандӣ, иттиҳодияҳои ҷамъиятӣ ва динӣ бо мақомоти корҳои дохилӣ тавсия, хулоса ва таклифу пешниҳодҳо омода намуда, дар амалисозии онҳо ширкат намоянд, - афзуд Алӣ Бобоназарзода.
Бузургмеҳри БАҲОДУР, “Ҷумҳурият”


Баёни ақида (0)    Санаи нашр: 10.08.2016    №: 161    Мутолиа карданд: 2331
29.09.2020


ТОҶИКОН ВА ӮЗБЕКОН: ДӮСТӢ БИМОНАД ҶОВИДОН

РАШТ. ҲАМКОРИҲОИ МАҚОМОТ БО СОҲИБКОРОНИ ВАТАНДӮСТ САМАР МЕДИҲАНД

ХУҶАНД. ВУСЪАТИ БУНЁДКОРИҲО ДАР ТАРАБХОНАИ «ФОРЕЛ»

ТОҶИКИСТОН. 87,4 ДАРСАДИ БЕМОРОНИ КОРОНАВИРУС ШИФО ЁФТАНД

25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ


Дар сомонаҳои дигари Тоҷикистон хонед