logo

ҳуқуқ

ТОҶИКИСТОН ҲАМЕША АЗ ҲУҚУҚИ ПАНОҲАНДАВУ ГУРЕЗАҲО ДИФОЪ МЕКУНАД

Ҷумҳурии Тоҷикистон дар Осиёи Марказӣ яке аз аввалинҳо шуда, соли 1994 ба Конвенсия дар бораи мақоми гурезаҳо (соли 1951) ва Протоколи марбут ба мақоми гурезаҳо (соли 1967) ҳамроҳ шудааст. Дар ин робита, дар Конститутсия зикр ёфтааст, ки Ҷумҳурии Тоҷикистон ба ҳар кас қатъи назар аз миллат, нажод, ҷинс, забон, эътиқоди динӣ, мавқеи сиёсӣ, вазъи иҷтимоӣ, таҳсил ва молу мулк ҳуқуқу озодиҳоро кафолат медиҳад.
Ин муқаррарот нисбат ба онҳое, ки тибқи қонунгузорӣ шахси паноҳҷӯянда ё гуреза эътироф шудаанд, дахл дорад. Дар баробари ин, шахсони мазкур уҳдадоранд қонунҳои давлат ва урфу одатҳои кишвареро, ки дар он қарор доранд, эҳтиром намоянд.
Дар кишвари мо масъалаҳои вобаста ба асосҳо ва тартиби дар ҳудуди ҷумҳурӣ гуреза донистани шахсони паноҳҷӯянда, вазъи ҳуқуқии гурезаҳо, кафолатҳои иқтисодӣ, иҷтимоӣ ва ҳимояи манфиатҳои онҳо мувофиқи Қонуни Ҷумҳурии Тоҷикистон «Дар бораи гурезаҳо» ба танзим дароварда мешаванд. Ин қонун ба гурезагон ҳуқуқ ба ёрии тиббӣ, таъмин шудан бо ҷойи кор, машғул шудан бо фаъолияти соҳибкорӣ, гирифтани таҳсилоти ибтидоӣ ва миёна, ёрдампулӣ ва истифода аз дигар ҳуқуқҳое, ки қонунгузорӣ барои шаҳрвандони хориҷӣ ва шахсони бешаҳрванди ба таври доимӣ истиқоматкунанда пешбинӣ намудааст, кафолат медиҳад.
Бино ба иттилои Вазорати корҳои дохилӣ, айни ҳол дар ҷумҳурӣ 2044 гуреза ва 246 шахси паноҳҷӯянда ба қайд гирифта шудаанд. Инчунин, аз ҷониби Намояндагии раёсати Комиссари Олии СММ оид ба гурезаҳо дар Тоҷикистон ба 320 нафар мандати гурезагӣ дода шудааст. Тазаккур бояд дод, ки дар кишвар аксари шахсони мақоми гурезадоштаро шаҳрвандони Ҷумҳурии Исломии Афғонистон ташил медиҳанд. Мувофиқи маълумот, соли сипаришуда 2037 шаҳрванди Афғонистон ҳамчун гуреза ба қайди расмӣ гирифта шудаанд.
Ба шахсони паноҳҷӯянда тибқи Қонуни Ҷумҳурии Тоҷикистон «Дар бораи гурезаҳо» ба муҳлати се сол мақоми гурезагӣ ва боз ҳам баробар ба ҳамин муҳлат шаҳодатномаи гурезагӣ дода мешавад.  Дастрасӣ ба расмиёти гирифтани мақоми гурезагӣ барои шахсони паноҳҷӯянда, ки ба таври қонунӣ дар асоси раводид ба кишвар ворид шудаанд, мушкил надорад.
Ба ҷуз аз  қонуни мазкур, ки дар ҷумҳурӣ амал мекунад, дигар санадҳои меъёрии ҳуқуқӣ ва санадҳои зерқонунӣ низ ба шахсони паноҳҷӯянда ва гурезагон, инчунин ба гурӯҳҳои алоҳидаи онҳо ҳуқуқу озодиҳоро кафолат додаанд. Масалан, мувофиқи фармони якҷояи Вазорати тандурустӣ ва ҳифзи иҷтимоии аҳолӣ ва Вазорати молия, аз 5 ноябри соли 2014, паноҳҷӯяндагони маъюби қаламрави ҷумҳурӣ ба рӯйхати шахсоне, ки ҳуқуқи гирифтани ёрии тиббии ройгон доранд, ворид карда шудаанд. Инчунин, ҷиҳати иҷрои уҳдадориҳои байналмилалӣ дар Тоҷикистон барои ҷойгиркунии муваққатии шахсони паноҳҷӯянда ва аъзои оилаи онҳо, ки барои гирифтани мақоми гуреза дар давраи гузарондани чорабиниҳои ибтидоии айнияткунонӣ  ва бақайдгирии пешбинигардида дархост пешниҳод намудаанд, маркази ҷойгиркунонии муваққатӣ сохта шудааст.
Тоҷикистон ҳамеша ҷонибдори таъмин гаштани ҳуқуқу озодиҳои инсон ва шаҳрванд, аз ҷумла гурезаву паноҳандаҳо буда, онҳоро ба сарҳади кишваре, ки дар он ҷо ҳаёт ва озодиашон бинобар нажод, дин шаҳрвандӣ, мансубият ба гурӯҳи муайяни иҷтимоӣ ё ақидаи сиёсӣ хатар таҳдид менамояд, намеронад ва ё барнамегардонад. Принсипи мазкур дар моддаи 14, қисми 1-и Қонуни Ҷумҳурии Тоҷикистон «Дар бораи гурезаҳо» низ дарҷ гардидааст.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 15.08.2016    №: 163    Мутолиа карданд: 2436
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед