logo

иқтисод

СОХТМОН АЗ БАХШҲОИ КАЛИДИИ ИҚТИСОД АСТ

Ҳар сол якшанбеи дуюми моҳи август дар Тоҷикистон иди касбии кормандони соҳаи сохтмону меъморӣ ботантана ҷашн гирифта мешавад. Сохтмон аз бахшҳои калидии иқтисод ба шумор рафта дар рушди хоҷагии халқи мамлакат ва ҳалли проблемаҳои муҳими иҷтимоию иқтисодӣ, хусусан бунёди манзили истиқоматию иншооти иҷтимоӣ ва истеҳсолӣ  нақши калидӣ дорад. Маъмулан сохтмон бахши муҳиму ҷолиби сармоягузорӣ маҳсуб меёбад.
Аслан сохтмон бунёди биною иншооти дорои аҳамияти гуногун буда, ба саноат, нақлиёт, кишоварзӣ, илм, бахшҳои иҷтимоӣ, истеҳсолию ғайриистеҳсолӣ иртиботи бевосита дорад. Ҳиссаи сохтмон дар бахши ғайриистеҳсолӣ низ назаррас аст. Соҳаи сохтмону меъморӣ дар Тоҷикистон пас аз шарафёб шудан ба Истиқлолияти давлатии кишвар, ба маънии асл, рушди ҳақиқӣ пайдо намуд. Дар зарфи солҳои соҳибистиқлолӣ симои шаҳру деҳоти кишвар, хусусан пойтахти он – Душанбе куллан дигаргун гашт. Биноҳое қомат афрохтанд, ки дар минтақа ва ҷаҳон камназиранд. Ҳамин буд, ки Душанбе дар қатори  кишварҳои рушдёфта яке аз шаҳрҳои зебои ҷаҳон эътироф гардид. 
Шарофати Истиқлолияти давлатии кишвар ва ваҳдати миллӣ буд, ки  мо, бинокорони тоҷик, дар фазои осоишу оромӣ ва дӯстӣ маҳорату дониш, дастовардҳои илму техникаи муосир ва таҷрибаи кории худро истифода бурда, ба натиҷаҳои чашмрас ноил гардем. Китобхонаю осорхона, биноҳои баландошёнаи маъмурӣ, иҷтимоӣ ва хизматрасонӣ ва иншооти дигари пойтахт, Хуҷанд, Кӯлоб, Турсунзода, Қӯрғонтеппа, Ваҳдат, Хоруғ, Ҳисор ва  шаҳрҳои дигари ҷумҳурӣ боиси ифтихори бинокорон ва ҳар як сокини кишваранд. Дар остонаи Рӯзи Ваҳдати миллӣ, ки имсол Вилояти Мухтори Кӯҳистони Бадахшон мизбони ин ҷашни фархунда буд, садҳо иншооти муҳими хоҷагии халқ мавриди баҳрабардорӣ қарор ёфтанд. Маҷмааҳои тандурустии «Истиқлол», савдои «Ашан»,  фарҳангию фароғатии «Роҳат», хонаҳои баландошёнаи истиқоматӣ, мактабу кӯдакистонҳо аз ин зумраанд.
Рамзист, ки Сарвари давлат имсол низ дар арафаи иди касбии сохтмончиён дар доираи сафари кории худ ба шаҳри Роғун аз бузургтарин сохтмони мамлакат НБО Роғун дидан карда, бинокоронро дар бунёди ин иншооти таърихию ифтихории аср ба масъулиятшиносию иҷрои босифати корҳо ҳидоят намуданд.
Лозим ба таъкид аст, ки  дар нимсолаи аввали соли равон инвеститсияи сармояи асосӣ аз ҳисоби ҳамаи  манбаъҳои   сармоядиҳӣ ба маблағи 4 миллиарду 860 миллиону 700 ҳазор сомонӣ истифода шудааст, ки нисбат ба ҳамин давраи соли гузашта   18,9 дарсад зиёд аст.
Ҳамчунин дар ин муддат ба масоҳати умумии 357 ҳазор метри мураббаъ хонаҳои истиқоматӣ ба истифода дода шуданд. Дар ин давра мактабҳои таҳсилоти умумӣ барои 1420 ҷой, беморхона барои 650 кат ва дармонгоҳ барои қабули 1136 бемор дар як баст ва муассисаи томактабӣ барои 280 ҷой ба истифода дода шуданд.
Аз 65 шаҳру ноҳияҳои ҷумҳурӣ нақшаҳои генералии 35 шаҳру ноҳияҳо бо қарорҳои дахлдори Ҳукумати Ҷумҳурии Тоҷикистон тасдиқ гардида, мавриди амал қарор доранд.
Ҳаҷми корҳои иҷрошудаи лоиҳакашӣ, ҷустуҷӯию тадқиқотӣ дар ташкилотҳои системаи кумита дар нимсолаи якуми соли 2016  беш аз 12 миллион сомониро ташкил медиҳад.                                                                               
Мутобиқ  ба талаботи Кодекси шаҳрсозии Ҷумҳурии Тоҷикистон  дар қаламрави ҷумҳурӣ нисбати сифати корҳои сохтмонию васлкунӣ дар  65 шаҳру навоҳӣ санҷишҳо гузаронда, барои корҳои пастсифат масъулон ба маблағи  289820 сомонӣ ҷарима шуданд.  223 лоиҳаи сохтмонӣ   барои гузарондани ташхиси давлатӣ ба раёсати  экспертиза пешниҳод гардид. 
Пажӯҳишгоҳҳои лоиҳакашии ҷумҳурӣ дар асоси супориши Президенти Ҷумҳурии Тоҷикистон лоиҳаи мактаби зеҳнии президентӣ дар шаҳри Душанберо таҳия намуда, кумита онҳоро барои мувофиқа ба Ҳукумати Ҷумҳурии Тоҷикистон пешниҳод намуд. Варианти КВД Пажӯҳишгоҳи илмӣ-тадқиқотии “Сохтмон ва меъморӣ” қобили қабул шуморида шуд.  
Дар асоси супориши Президенти Ҷумҳурии Тоҷикистон ва мутобиқи қарори раиси шаҳри Душанбе «Дар бораи эълон намудани озмуни кушод байни шахсони воқеӣ ва  ҳуқуқӣ  доир  ба интихоби беҳтарин лоиҳаи ангоравии боғчаи кӯдакон бо муҷассамаи «Меҳри модар» дар маҳаллаи 117» лоиҳаи боғчаи кӯдакон барои 1200 нафар ҷой бо номи «Меҳри модар» ва “Муҷассамаи модар” таҳия гардид. Дар пажӯҳишгоҳҳои лоиҳакашӣ ҳамчунин, лоиҳаҳои ангоравии маҷмааи меъмории рамзи “Истиқлол” дар Боғи фарҳангию фароғатии “Дӯстии ҳалқҳо” таҳия мешаванд.
Кумитаи меъморӣ ва сохтмон бо қарори Ҳукумати Ҷумҳурии Тоҷикистон фармоишгари иншооти “Масҷиди калон дар шаҳри Душанбе” таъйин гардидааст. Ҳоло оид ба рафти корҳои сохтмонии иншооти “Масҷиди калон дар шаҳри Душанбе” ситод ташкил шудааст ва ҳамарӯза  масъалаҳои ба  миён омада ҳаллу фасл мешаванд. Алҳол дар масҷид корҳои ороишию ободонӣ идома доранд. 
Лоиҳакашон, меъморон ва сохтмончиёни ҷумҳурӣ ба шукронаи соҳибдавлативу соҳибватанӣ барои пешрафти Ватани азизу маҳбуб, сарзамини муқаддаси аҷдодӣ ва дар сатҳи баланд пешвоз гирифтани ҷашни таърихӣ минбаъд низ азму талоши худро дареғ намедоранд ва барои боз  ҳам беҳтар кардани сифати корҳои сохтмониву лоиҳакашӣ, суръат бахшидан ба равиши фаъолияти бинокорӣ  ва ободу зеботар кардани Тоҷикистон ба  комёбиҳои бештар  ноил  мегарданд.
АҲМАДЗОДА Ҷамшед,
раиси Кумитаи меъморӣ ва
сохтмони назди Ҳукумати
Ҷумҳурии Тоҷикистон


Баёни ақида (0)    Санаи нашр: 15.08.2016    №: 163    Мутолиа карданд: 1415

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед