logo

сиёсат

ПЕШВОИ МИЛЛАТ ДАР МАВЗЕИ КАНАСК

13 август Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади шиносоӣ аз вазъи картошкапарварӣ ва парвариши занбӯри асал бо сафари корӣ ба мавзеи Канаски Ҷамоати деҳоти Ромити шаҳри Ваҳдат ташриф овард.

Дар ин ҷо нахуст Сарвари давлат Эмомалӣ Раҳмон баробари тамошои табиати дилфиреби мавзеъ бо фаъолияти картошкапарварон ва вазъи рушди соҳа дар хоҷагиҳои деҳқонӣ шинос шуд.
Майдони умумии мавзеи Канаск 44 ҳазор гектарро ташкил медиҳад ва иқлими он басо серун ва табиаташ зебову назаррабост. Заминҳояш дар ду фасли сол - баҳору тобистон сабзпӯшанд. Канаск дар қисми шимолу шарқии шаҳри Ваҳдат дар баландии 2400 - 2500 метр аз сатҳи баҳр, дар масофаи 100 километр дурӣ аз маркази шаҳр ҷойгир буда, бо гиёҳҳои шифобахш, чашмаҳои мусаффо, рӯди обаш сард  ва чашмаи оби гарм барои истифодабарандагон, алалхусус чорвопарварон ва занбӯриасалпарварон, ки моҳҳои зиёд муқими ин ҷо мегарданд, басо созгор аст.
Дар талу теппаҳо ва чарогоҳҳои сарсабзи мавзеъ, ки айни ҳол барои парвариши чорво мувофиқ аст, 210 нафар чорводор ба нигоҳубини зиёда аз 50 ҳазор сар чорвои хурд машғул мебошад.
Ба Сарвари давлат Эмомалӣ Раҳмон иттилоъ доданд, ки ба хоҷагиҳои деҳқонӣ барои рушди соҳаи картошкапарварӣ қитъаҳои муайяни замин ҷудо карда шудааст. Имсол дар заминҳои мавзеи Канаск аз тарафи Ҷамъияти дорои масъулияти маҳдуди «Диамант К» дар майдони 63 гектар ва дигар хоҷагиҳои деҳқонӣ дар майдони 20 гектар кишти картошка ба роҳ монда шудааст.
Зимни суҳбат бо меҳнаткашон сокинони шаҳри Ваҳдат рушди бахшҳои кишоварзиро аз ғамхориву дастгириҳои пайвастаи Пешвои миллат муҳтарам Эмомалӣ Раҳмон маънидод карданд.
Соли равон кишоварзони шаҳр баҳри дар амал татбиқ намудани дастуру ҳидоятҳои Сарвари давлат Эмомалӣ Раҳмон ҷиҳати оқилонаву самаранок истифода бурдани замин, гузарондани кишти такрорӣ ва бо ин роҳ таъмин намудани амнияти озуқаворию мусоидат кардан ба беҳдошти сатҳи зиндагии мардум ба ҷойи 3 ҳазору 475 гектари дурнамо дар майдони 4 ҳазору 200 гектар кишти такрорӣ гузаронданд, ки ин 121 фоизро ташкил дода, нисбат ба соли 2015 - ум 725 гектар зиёд мебошад.
Соли 2016 дар майдони 737 гектар замин кишти картошка ба роҳ монда шуд, ки нисбат ба соли 2015 - ум 250 гектар зиёд аст. Мувофиқи ҳисоботи оморӣ то 10 августи соли 2016 - ум 21 ҳазор тонна картошка ҷамъоварӣ шудааст, ки ин нишондиҳанда нисбат ба ҳамин давраи соли гузашта 3 ҳазор тонна зиёд мебошад.
Дар мавзеи Канаск Президенти мамлакат Эмомалӣ Раҳмон бо фаъолияти занбӯриасалпарварон низ шинос шуд. Айни замон дар ин ҷо сад нафар сокини шаҳри Ваҳдат бо 400 нафар аъзои хоҷагии хеш ба нигоҳубини 10 ҳазор оилаи занбӯри асал машғуланд. Фаровонии гулу гиёҳҳои шифобахшу шароити хуби экологии мавзеи Канаск барои парвариши занбӯри асал ва истеҳсоли асали аълосифат басо мусоид мебошад.
Имсол занбӯриасалпарварон тасмим доранд, ки дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро баҳри зиёд намудани ҳаҷми асал дар амал татбиқ намуда, аз ин мавзеъ зиёда аз 160 тонна асал ҷамъоварӣ намоянд. Соли 2015 дар маҷмӯъ занбӯриасалпарварони шаҳри Ваҳдат 233,7 тонна асал истеҳсол карданд. Имсол бошад, ният доранд, ки ин шумораро ба 250 тонна расонанд.
Зимни суҳбат бо занбӯриасалпарварон Сарвари давлат Эмомалӣ Раҳмон дастур дод, ки бо ворид кардани зотҳои хуби занбӯри асал оилаҳои онро афзоиш дода, истеҳсоли асалро барои содирот ба хориҷи кишвар ва ворид кардан ба бозорҳои ҷумҳурӣ, бештар намоянд.
Ҳадаф аз сафари Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба мавзеи Канаск низ мусоидат ба рушди соҳаи картошкапарварӣ ва занбӯриасалпарварӣ дар ин минтақа мебошад.
Дар охири шиносоӣ аз шароиту имконоти рушди соҳаи картошкапарварӣ дар мавзеи Канаск Президенти Ҷумҳурии Тоҷикистон муҳтарам Эмомалӣ Раҳмон ба Ҳукумати кишвар ва роҳбарияти мақомоти иҷроияи маҳаллии ҳокимияти давлатии шаҳри Ваҳдат супориш дод, ки баҳри аз худ кардани 1000 гектар замин барои кишти картошка тадбирҳои мушаххас андешанд.
Супориши дигар вобаста ба рушди соҳаи сайёҳӣ, туризми экологӣ ва ба минтақаи истироҳатӣ табдил додани мавзеъ дода шуд, зеро ин минтақаи биҳиштосо бо табиати зебову нотакрор, гулу гиёҳҳои нодир, обҳои мусаффо, рӯдҳои обаш сард ва чашмаи оби гарми шифобахш барои пешрафти соҳаи туризм созгор аст. Дастур дода шуд, ки барои мусоидат ба ҷалби сайёҳони дохилию хориҷӣ тамоми инфрасохтори бахши туризм, аз ҷумла бунёди роҳу дастрасии алоқа таъмин карда шавад.
 


Баёни ақида (0)    Санаи нашр: 15.08.2016    №: 163    Мутолиа карданд: 1025

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед