logo

ҳуқуқ

ҚОЧОҚ. ГУРӮҲҲОИ НАШЪАҶАЛЛОБ ДАСТГИР ШУДАНД

Бинобар пурзӯр шудани назорати марзи давлатии Тоҷикистону Афғонистон, самаранокиву ҳамоҳангии фаъолияти мақомоти ҳифзи ҳуқуқ  ва сохторҳои қудратӣ мусодираи маводи мухаддир дар нимсолаи аввали соли равон дар ҷумҳурӣ коҳиш ёфт.
Тибқи иттилои Маркази матбуоти Агентии назорати маводи нашъаовари назди Президенти Ҷумҳурии Тоҷикистон, кормандони мақомоти ҳифзи ҳуқуқ ва сохторҳои қудратии масъули соҳа дар ин давра аз муомилоти ғайриқонунӣ  2 тоннаю 251 килограмм маводи мухаддир мусодира намуданд, ки нисбат ба ҳамин давраи соли гузашта 415 килограмм кам мебошад.
Сабабҳои асосии коҳиш ёфтани мусодираи маводи мухаддирро Шерхон Салимзода, директори Агентии назорати маводи нашъаовар, аз пурзӯр шудани муҳофизати сарҳади давлатӣ, беҳтар гаштани фаъолияти сарҳадбонон, аз  дигар мақомот ҷалб шудани муҳофизон, мустаҳкамгардии базаи моддӣ - техникӣ, таъсиси дидбонгоҳҳои иловагӣ, андешидани чораҳои муассири зиддимухаддиротӣ, коҳиши масоҳати кишти кӯкнор ва истеҳсоли афюн дар кишвари ҳамсоя маънидод кард.

Талабот ба ҳашиш афзуд
Кормандони агентӣ иброз медоранд, ки вақтҳои охир дар дохил ва хориҷи кишвар талабот ба ҳашиш зиёд шудааст, аз ин рӯ, мусодираи он рӯ ба афзоиш ниҳод.
- Масъалаи дигаре, ки аҳли ҷомеаро ба ташвиш овардааст, ин моддаҳои навъи психотропии дар шакли ҳаб паҳншаванда мебошад, - гуфт Хушнуд Раҳматуллоев, сардори шуъбаи робита бо ҷомеаи агентӣ. Дар  нимсола 9 ҳазору 582 ҳаби МДМА, экстазӣ ва амфетамин мусодира  гардид, ки назар ба соли гузашта се  баробар зиёд мебошад. Мусодираи ҳаби амфетамин дар ҷумҳурӣ бори аввал сурат гирифт. Мувофиқи маълумоти фаврӣ ҳабҳо тариқи ҷумҳуриҳои назди Балтика ба воситаи муомилоти тиҷоратӣ ба вилояти Суғд ва аз он ҷо ба шаҳри Душанбе ворид шудаанд. Ба ин гурӯҳҳои муташаккили фаромиллӣ мусоидат мекунанд, ки бо андешидани тадбирҳои муассир пеши роҳашон гирифта хоҳад шуд.

Ҷинояткорӣ коҳиш ёфт
Дар ҳамаи минтақаҳои ҷумҳурӣ ҷиноятҳои мухаддиротӣ нисбат ба ҳамин давраи соли гузашта коҳиш ёфт. Мувофиқи иттилои манбаъ, 497 ҷинояти вобаста ба муомилоти  ғайриқонунии  маводи нашъаовар дар нимсолаи аввал ошкор гардид, ки нисбат ба ҳамин давраи соли гузашта 11 дарсад кам мебошад.  Аз шумораи умумии ҷиноятҳои содиршуда ба шаҳри Душанбе 145, вилояти Хатлон 152, вилояти Суғд 123, ВМКБ 33, ноҳияҳои тобеи ҷумҳурӣ 44 ҷиноят рост меояд.
Аз маҷмӯи умумии ҷиноятҳои вобаста ба маводи нашъадор 372 -тои онро муомилоти ғайриқонунии моддаҳои психотропӣ, бо мақсади ба соҳибияти нафари дигар додан ташкил медиҳад. Бино ба гуфтаи Шерхон Салимзода, агар солҳои пеш интиқоли маводи мухаддир тавассути аз даст ба даст додан ҷараён мегирифт, алҳол ҷинояткорон барои ба даст наафтодан қароргоҳҳои пинҳониро ба кор мебаранд.

Мубориза пурзӯр мегардад
Дар ин давра мубориза бо гурӯҳҳои ҷинояткор пурзӯр гардид. Фаъолияти чанде аз онҳо, аз ҷумла сокинони ноҳияи Мир Сайид Алии Ҳамадонӣ, бародарон Исмоиловҳо, ки чун гурӯҳи устувори нашъаҷаллоб арзёбӣ мешуданд, қатъ гашт. Моҳи майи соли 2014  кормандони агентӣ 102,5 килограмм маводи нашъаоваррро дарёфт ва мусодира намуда буданд. Муайян гашт, ки ин амалро гурӯҳи муташаккили ҷиноятпеша содир намудааст ва яке аз онҳо Шуҳрат Исмоилов мебошад. Номбурда баъди андешидани чораҳои фаврӣ - ҷустуҷӯӣ дастгир ва ба ҷавобгарии ҷиноятӣ кашида шуд. 

Амалиёти муштарак
Дар нимсолаи аввали соли равон аз ҷониби кормандони фаврӣ - ҷустуҷӯии мақомоти дахлдори Тоҷикистон ва Афғонистон панҷ амалиёти муштарак гузаронда шуда, аз муомилоти ғайриқонунӣ 99 килограмм  маводи мухаддир мусодира гардидааст. Ҳамчунин, бо Хадамоти федеролии собиқ Хадамоти федеролии Федератсияи Русия оид ба назорати муомилоти ғайриқонунии маводи мухаддир амалиёти муштарак гузаронда шуда, интиқоли 5 килограмм героин пешгирӣ гаштааст.
Коршиносон иброз медоранд, ки феълан маводи нашъаовар ба миқдори ниҳоят зиёд таҳти роҳбарии гурӯҳҳои муташаккили нашъаҷаллоб интиқол меёбад, ки дарёфту қатъ гардондани фаъолияти онҳо мушкил аст. Барои дар ин самт муваффақ гаштан сохторҳои дахлдори мамлакат  ҳамкориҳои минтақавию байналмилалии мутақобилан судмандро ба роҳ мондаанд.
Шаҳнози  ҚУРБОН, «Ҷумҳурият»


Баёни ақида (0)    Санаи нашр: 16.08.2016    №: 164    Мутолиа карданд: 2651
25.09.2020


ТОҶИКИСТОН. 8 ҲАЗОРУ 296 СИРОЯТШУДАИ КОРОНАВИРУС ШИФО ЁФТ

СУҒД. ЭҲЁИ КОРХОНАҲОИ АЗ ФАЪОЛИЯТ БОЗМОНДА

КӮҲИСТОНИ МАСТЧОҲ. ОМОДАГӢ БА ИНТИХОБОТ ДАР САТҲИ БАЛАНД ҶАРАЁН ДОРАД

23.09.2020


НОҲИЯИ АЙНӢ. ҲАВЗА ВА УЧАСТКАҲО ОМОДА ШУДААНД

ХОРУҒ. ОЯНДАРО АЗ ИМРӮЗ БОЯД СОХТ

АВАО. ЯК ҲАМОИШИ МУҲИМ

ХУҶАНД. ШИНОСОИИ РАҶАББОЙ АҲМАДЗОДА АЗ КОРХОНАИ “ФАЙЗИ РАСУЛ”

СУҒД. ҶАМЪОВАРИИ ПАХТА ВУСЪАТ МЕГИРАД

22.09.2020


НОҲИЯИ ФИРДАВСӢ. ҲАВЗАИ № 1 ОМОДА МЕШАВАД

ВОХӮРИИ НОМЗАДҲО БА МАНСАБИ ПРЕЗИДЕНТӢ БО СОКИНОНИ ХАТЛОН

ТОҶИКИСТОН. АЗ КОРОНАВИРУС БОЗ 44 БЕМОР ШИФО ЁФТ

«ОИНИ НОЗ»

ТОҶИКОБОД ВУСЪАТИ ТОЗА МЕГИРАД

SARS-CoV-2. ШАШ ШАКЛИ ЗУҲУРИ ОН МУҚАРРАР ГАШТ

НАМОЯНДАҲОИ ДУШАНБЕ ВА ТОШКАНД ИМКОНИЯТИ ИФТИТОҲИ РОҲҲОИ НАВРО БАРРАСӢ НАМУДАНД

ҶАҲОН ДАР ЯК САТР

21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд


Дар сомонаҳои дигари Тоҷикистон хонед