logo

иҷтимоиёт

БОХТАР. ВАХШ МАРДУМРО БЕСАРАНҶОМ КАРДААСТ

Ташвиши чанде аз сокинони Ҷамоати шаҳраки “Бохтариён” - и ноҳияи Бохтар дар хусуси хатари  дарёи тезҷараёни Вахш  ба  киштзору хонаҳои истиқоматӣ, моро ба деҳаи Дӯстӣ овард.
Ба қавли бошандагони деҳа, фақат дар чанд рӯзи охир  рӯди Вахш се манзилро ба коми хеш кашида,  дар деҳаи Дӯстӣ ҳудуди соҳилро камобеш сад метри дигар фурӯ бурдааст.  
Дар Ҷамоати шаҳраки “Бохтариён” ин ягона деҳае нест, ки аз оби дарёи Вахш зарар мебинад. Ба гуфтаи  раиси ҷамоат Абдуҷаббор Қурбонов, вазъ дар деҳаҳои Сари Ҳавз, Шамсиддини Шоҳин, Ҳалқаҷар, Октябри Кабир, Навобод ва Муродов низ ҳамин ранг буда, аллакай 6 километри мураббаъ замин зери об мондааст.     
Ба гуфтаи  Ҳуринисо Раҳмонова, сокини деҳаи Дӯстӣ, ҳарчанд онҳо ба таври инфиродию гурӯҳӣ ба бисёр идораҳои ноҳиявӣ, вилоятӣ ва ҷумҳуриявӣ муроҷиат кардаанд, лекин дар мавриди мустаҳкамсозии соҳил ва ба  ниёзмандон  додани замини хонаҷо қариб ҳеҷ тасмим мушоҳида нашудааст. “Ман соҳиби шаш фарзандам. 22 сол боз дар ин ҷо зиндагӣ мекунам. Идораҳои дахлдор масофаи миёни дарёю манзилҳоро чен карда, гуфтанд, ки ҳоло 35 метри дигар мондааст ва рафтанд. Доим дар тарсу ҳаросем", - гуфт ӯ. 
Сокинон нақл карданд, ки Вахш тайи ду соли охир қисмате аз қабристони деҳаи Дӯстиро низ шустааст.
Барои огоҳ шудан аз тасмими минбаъдаи сохторҳои давлатӣ  бо сардори Ситоди ҳолатҳои фавқулодаи ноҳияи Бохтар подполковник Абдулло Юнусов ҳамсуҳбат шудем. Ӯ гуфт, ки мувофиқи нақша то соли 2020 аз ин деҳа бояд 83 хонавода  ба мавзеи бехавф кӯчонда шавад. Вале то имрӯз дар маҷмӯъ ба 20 оила қитъаи замини наздиҳавлигӣ дода шудаасту бас. “Дар ноҳияи Бохтар  баъзе деҳаҳои  ҷамоатҳои шаҳраку деҳоти “Бохтариён”, “Бӯстонқалъа” ва “Заргар”  минтақаҳои хавфи эҳтимолӣ маҳсуб меёбанд”, - гуфт  ӯ.
Ба иттилои Фаридун Давлатов, сармутахассиси шуъбаи иқтисод, молия ва ояндабинии дастгоҳи раиси вилояти Хатлон,  соли 2016 барои мустаҳкамкунии соҳили шусташудаи дарёи Вахш маблағгузорӣ пешбинӣ нашудааст.
- Барои пеши обро гирифтан миллионҳо сомонӣ зарур аст, - баён дошт Сафар Сабзалиев, сардори бахши истеҳсолии Раёсати беҳдошти замин ва обёрии вилояти Хатлон. Ин  маблағро пайдо намудан осон нест.
Ҳамин тариқ хулоса кардан мумкин аст, ки ин масъалаи зарурӣ бе дахолати сохторҳои  давлатӣ ба таври қаноатбахш ҳал намешавад. Яъне, як қувваи такондиҳандае зарур аст. Мардум аз сохторҳои масъул ҳаминро интизоранд.
Зокир ҲАСАН, “Ҷумҳурият”


Баёни ақида (0)    Санаи нашр: 16.08.2016    №: 164    Мутолиа карданд: 530

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад


Дар сомонаҳои дигари Тоҷикистон хонед